Albisteak
29. Udaberriko Musikaldiak musikaz beteko du Azkoitia maiatzean
“Maiatza entzun egiten da Azkoitian. Udaberriak musika du, musika ona. Badatoz musika arratsaldeak”, dio Kultura zinegotzi Sonia Vazquezek. Pandemia tarteko, iaz bertan behera geratu zen musika zikloa baina aurten indartsu dator. Bi aldaketa egingo dira. Batetik, ohi bezala Santa Kutz komentuan izan beharrean kontzertuak Parrokian eskainiko dira. Bestetik, larunbatetan izan ordez igandeetan izango dira emanaldiak. Maiatzeko igande guztietan izango dira kontzertuak doan. Hitzordu musikalak 18:30ean izango dira maiatzaren 2an hasi eta 30era arte. Egun horretan itxiko da Udalak eta Foru Aldundiak elkarrekin antolatzen duten musikaldia. Ikusi egitaraua (pdf)
Udalak lizitaziora aterako du Idiakez-Ederra etxearen salmenta etxebizitza libreak egiteko
Zorrotz baloratu eta aztertu ostean ze irteera eman dakiokeen Idiakez-Ederra etxeari andamioen azpian ezkutaturiko eraikinaren irudia herrigunetik desagerrarazteko, Udalak eraikinaren salmenta lizitaziora ateratzea erabaki du. Ez da azaletik hartutako erabakia. Horrela azaldu du Javier Zubizarreta alkateak:
Giro ona, berriketa atsegina eta ariketa fisikoa Ttipi Ttapa programaren estreinaldian
Irrintzi ozen batekin. Horrela eman zaie hasiera gaur goizean ibilaldi osasungarriei, Ttipi Ttapa programaren baitan. Ekimena esperientzia pilotu gisa hasi da eta oso erantzun ona jaso du. Lehenengo egunaz balorazio oso positiboa egin dute partaideek.
Osasun protokoloa betetzen zela baieztatu ostean eta partaideak taldeka banatu, Aizkibel Liburutegitik atera dira ibilaldiaz eta konpainiaz gozatzeko prest.
Udalak eta Caritas elkarteak lankidetza hitzarmena sinatu dute
Udalak eta Caritas elkarteak lankidetza hitzarmena sinatu dute gaur goizean. Udalak urtero ematen dio dirulaguntza Caritasi eta aurten ere horrela egingo du. Elkarteak 12.424 euro jasoko ditu martxan dituen programak eta proiektuak aurrera eramaten jarraitu ahal izateko. Besteak beste, espetxe eta osasun pastoraltzak egiteaz, elikagai bankuaz edota bestelako laguntzak emateaz arduratzen da Caritas, boluntario talde zabal bati esker.
Javier Zubizarreta alkateak eta Caritas elkartearen ordezkari gisa, Felix Azurmendi parrokoak izenpetu dute akordioa. Bidelagun izan dute Gizarte Zerbitzuetako zinegotzi Janire Igoa eta hirurek patxadaz solasteko aprobetxatu dute bilgunea.
| Al | Ar | Az | Og | Or | Lr | Ig |
|---|---|---|---|---|---|---|
|
6
|
7
|
8
| ||||
|
13
|
14
|
15
|
16
| |||
|
20
|
21
|
22
| ||||
|
27
|
28
|
29
|
30
| |||
Garai bateko Azkoitia
Kaito telebista
Azkoitian bertan grabatutako edo Azkoitiko herriarekin lotura zuzena duten 1.897 bideok osatzen dute altxorra.
Festak, pasarteak, jazoerak… finean, garai bateko Azkoitia.
Artxiboko funtsa
1950etik 1975era ateratako argazkiak dira. Ezkontzak, hiletak, festak… Nondik gatozen erakusten duten irudiak dira, zalantzarik gabe.