Azkoitiko Udalak 2022an jarri zuen martxan Ingurumen Mahaia, ingurumen arloa lantzeko foro iraunkor gisa. Mahaia sortzeko eta egituratzeko prozesua gauzatu zen 2022ko urritik 2023ko apirilera gutxi gorabehera, eta 2023an jardueraren dinamizazioarekin jarraitu du Udalak.

Nondik dator ideia?

Azkoitiko Udalak herriaren 700. urteurrena gertu dela baliatuz Herrilab+700 hausnarketa prozesu ireki eta anitza jarri zuen martxan 2021. urtean, eta herriko diagnostiko partekatua izan da prozesuaren emaitza nagusia. 2022 urtean berriz, eta herri-diagnostikotik abiatuta, identifikatutako erronkei erantzuteko herri-plana garatu da.

Testuinguru horretan, eta Herrilab+700 prozesuan zehar Azkoitiko eragile eta herritarrek luzatutako eskaerari erantzunez, Azkoitiko Udalak Ingurumen Mahaia sortzeko urratsa eman zuen, ingurumen erronkei herri ikuspegiarekin erantzuteko xedez.

Dokumentazioa:

Azkoitiko Ingurumen Mahaia Sortu eta Egituratzeko Prozesuaren txostena. (2023ko apirila)

Helburuak

  • Ingurumen mahaia osatzen duten kideen arteko elkarlana bultzatzea.
  • Proposamenak jaso eta eztabaida eta hausnarketa bideratzea.
  • Mahaiaren funtzionamenduan eragileen parte-hartzea bermatzea.
  • Erakunde publiko eta eragileen artean elkarlan eta parte-hartze kultura indartzea.
  • Ezagutza indartzea, trebakuntza saioen bitartez.

Adostutako langaiak

  • Energia burujabetza
  • Elikadura burujabetza
  • Ekonomia zirkularra
  • Biodibertsitatearen defentsa
  • Hirigintza / lurralde antolaketa
  • Sentsibilizazioa / Kontzientziazioa

 

 

Partaidetza organoak

Indarrean daudenak

  • Herrixen merkatari elkartea
  • Iraurgi Berritzen, Garapen eta Berrikuntza Agentzia
  • Euskararen Mahaia
  • Azkoitia Lagunkoia
  • Prebentzio Mahaia

Aurrekoak

  • Etorkinen batzorde sektoriala
  • Denon herrixe
  • Planeamendu aholkularitza batzordea

Partaidetza espazioak

Herritarren Arreta Bulegoa

  • Arreta presentziala
  • Telefonoa
  • Emaila
  • Kalean

Webgunea