Berriak
Organoak Plazara zikloak Johann Vexo, Notre-Dameko koruko organista ekarriko du Azkoitira
Kontzertua apirilaren 14an, igandean, Parrokian 17:00etan izango da.
Musikenek eta Gipuzkoako Diputazioak Organoak Plazara 2024 zazpigarren edizioa antolatu dute apirilaren 12tik 21era. Ziklo hau Gipuzkoako organo ondarea eta organo errepertorioa jendeari hurbiltzeko asmoz egiten da, askotariko jarduerak dituen programa moldakor baten bidez.
Aurten zikloak aurkezten duen kartela bere kalitate eta tamainagatik Europako organo jaialdi handien neurrikoa da eta apirileko bi astebururen inguruan antolatu da. Apirilaren 14an, igandean, Azkoitian, Johann Vexo, Parisko Notre-Dameko koruko organistak emango du kontzertua. Parrokian izango da 17:00etan.
Gipuzkoako XIV. Pilota Egokituko Binakako Txapelketako jardunaldia, larunbatean Azkoitian
Larunbat honetan, apirilaren 13an, jokatuko da Azkoitian Gipuzkoako XIV. Euskal Pilota Egokituko Binakako Txapelketako lehen jardunaldia. Partiduak Gurea Pilotalekuan 10:00etatik 14:00etara bitartean jokatuko dira.
Txapelketa Gipuzkoako Kirol Egokituen Federazioak eta Gipuzkoako Pilota Federazioak antolatzen dute, “kirola eta inklusioa bateratu, indartu eta sustatzeko, errespetua, berdintasuna eta aniztasuna oinarri hartuta”.
Ostiraletik aurrera erosi ahalko dira merkataritza-bonuak Internet bidez
Martxoaren 19an, Kontzejupean jarriko dira salgai 10:00etatik 13:00era, eta 17:00etatik 19:00etara bitartean.
Azkoitiko Udalak, Herrixen merkataritza elkartearekin lankidetzan, merkataritza-bonuen kanpaina abiatu du beste behin. Bonuak apirilaren 12an jarriko dira salgai Internet bidez, goizeko 10:00etan, www.azkoitia.eus/bonoak loturan, eta apirilaren 19an, presentzialki erosi ahal izango dira Kontzejupean, udaletxe azpian, 10:00etatik 13:00etara eta 17:00etatik 19:00etara.
III.Hike eizan! Bertsopaper Lehiaketa abian da
Lanak aurkezteko epea gaurtik maiatzaren 15era luzatuko da.
Udalak eta Hike eizan! lantaldeak III.Hike eizan! Bertsopaper Lehiaketa abiatu dute, hitanoa, eta bereziki noka, sustatzeko xedez. Gaur zabaldu da lanak aurkezteko epea eta maiatzaren 15a izango da horretarako azken eguna.
Adin tarteei dagokienez, hiru mailatan banatzen da lehiaketa: 14 urte artekoek, 15 eta 18 urte bitartekoek, eta 18 urtetik gorakoek hartu ahalko dute parte. Kategoria bakoitzean bertso-sorta onenari emandako sariez gain, Azkoitia Saria jasoko dute maila bakoitzean bertsorik onenak idatzi dituzten herritarrek.
Egitarau zabalarekin dator ostegunean irekiko den Geure Gelatik Liburu Azoka
Maxixatzen Euskaldunon Elkarteak, Udaleko Berdintasun arloak lagunduta, Geure Gelatik Liburu Azokaren edizio berri bat antolatu du, emakumeek literaturan, liburugintzan, eta oro har, kulturan egiten duten ekarpena balioan jarri, haien lanak ezagutzera eman, eta emakume idazleei bozgorailua jartzeko xedez. Aurretik antolatu izan zuen arren, 2022an berrartu zuen ekimena Maxixatzen Euskaldunon Elkarteak, eta aurten apirilaren 11tik 13ra bitartean gauzatuko da. Egun horietan liburu eta literatur mundua jabetuko da Portaleburu Erakusketa Aretoaz.
Dotore joan da Umeen Danborrada
Ilusioz atera dira gaur arratsaldean haurrak kalera. Jantzi apainak soinean, danbor-joleek irudi politak utzi dituzte. Azkoitiko herriak hiri-gutuna jaso zueneko 700. urteurrenak ere presentzia izan du, karrozak data esanguratsu hura irudikatu baitu. Lapitzeroaren eta paelleroen figurak ere, are eta bereziagoa egin dute gaur arratsaldeko danborrada. Ohitura denez, kantinerak eta banderadunak udaletxeko balkoira igo dira, eta Ana Azkoitia alkateak Azkoitiko bandera jaso du, danborjoleek "Azkoitia" obra jotzen zuten bitartean, momentuak merezi zuen emozioa eraginez.
Aurreko urtean ez bezala, aurten eguraldia lagun izan da, eta umeek erruz gozatu dute, Tata eta Umore Ona elkarteen eskutik. IKUSI ARGAZKIAK HEMEN
Urteko likidazioak Udalak ekonomia saneatua duela erakusten du
Udalak ekonomia saneatua du, eta aurrekontu-egonkortasunaren helburua betetzen du. Horixe da 2023ko aurrekontuaren likidazioak ondorioztatzen duena. Gerakina 6.231.382,38 eurokoa da, eta besteak beste, Floreagako irisgarritasuna hobetzen jarraitzeko erabiliko da, dagoeneko horretarako Udalak diru-partida bideratu baitu.
Bihar Itzulia Azkoititik pasatuko da eta eragina izango du trafikoan
Biharkoa lasterketa osoko etapa nagusia izango da. Itzulia eguerdi partean pasatuko da Azkoititik eta eragina izango du trafikoan. Gutxi gora-behera, 14:30etik 15:30era, Azkoitia eta Urretxu arteko GI-631 errepidea itxita egongo da. Halaber, txirrindulariak Aittola zeharkatu ostean, Azkoitira sartuko dira eta eragozpenak sor daitezke Elgoibarko bidean ere, GI-2634 errepidean, hain zuzen.
Biharkoa Itzuliaren 63. edizioko seigarren eta azken etapa izango da. Eibarren hasi eta Eibarren bukatuko da. 137,8 kilometroko ibilbidea da biharkoa, eta zazpi mendate zeharkatuko dituzte txirrindulariek.
| Al | Ar | Az | Og | Or | Lr | Ig |
|---|---|---|---|---|---|---|
|
1
|
2
|
3
|
4
|
5
| ||
|
7
|
8
|
9
|
10
| |||
|
15
|
16
|
17
| ||||
|
22
|
23
|
24
| ||||
|
29
|
30
| |||||
