Piztu Herrixe! lelopean, gaur jarri dira salgai Erosketa Bonuak. Gaur Kontzejupean eskuratu ahal izango dira 13:00era arte, eta arratsaldean, 17:00etatik 19:00etara. Bonuak agortu bitartean online erosteko aukera duzue: www.azkoitia.eus eta www.dendago.com/azkoitia atarietan. Erosleak 30€-ren truke 60€ izango ditu eroketetarako, 10 euroko 6 txartel jasoko baititu sektore ezberdinetan trukatzeko. 

Elkarguneak erreserba sistema mantenduko du haur zein helduen igerileku estalietarako eta gainerako instalazioetarako, gimnasiorako ezik. Pandemia garaian sartu zen indarrean neurria baina eraginkorra dela eta erabiltzaileek nahiago dutela ikusi da. Igerilekuen kasuan, gehiengoak nahiago du ordua hartu eta tokia ziurtatzea.

Azkoitia eta Urretxu arteko GI-631 errepidean burutzen ari diren hobekuntza lanak direla eta, bihar, urriak 22, bidea ixtea aurreikusten da 11:30 inguruan. Pare bat orduz moztuta egongo da ibilgailuentzat, 27 K.P.ko leherketengatik.
Ordezko ibilbideak ondorengoak dira: GI-3750 errepidea,, Elosun barrena; GI-2634 errepidea Azkaraten barrena, eta GI-2635 errepidea Mandubian barrena.

Tags:

Abiatu berri den 2021-2022 ikasturtean, aurtengo Eskolako Agenda 2030 programari ekin diote Azkoitiko lau ikastetxek: Floreaga Ikastetxeak, Azkoitia BHIk, Izarraitz Lanbide Heziketak eta Bizilore Eskola Aktiboak.
Eskolako Agenda 21 zena, iaz Eskolako Agenda 2030 bihurtu zen eta Nazio Batuetako Erakundeak adostutako Garapen Jasangarrirako 17 Helburuetan oinarritzen da.

Abian da Urkome Sarien zazpigarren edizioa. Sariketaren helburu nagusia da Urola Kostako landa eremuan egiten diren ekimen edo jarduera berritzaileak eta ekintzailetasuna saritzea, eta landa eremuko proiektuak ezagutaraztea eta bultzatzea.
Urkome sariak sei ataletan daude banatuta eta atal bakoitzeko 1.000 euro banatuko dira.

Loreto Aramendi organista oriotarrak eta Sarah Pérarnaud donostiarrak agurtuko dute Organo Erromantikoaren XXII. Nazioarteko Zikloa Azkoitian. Edizio honetako hirugarren eta azken kontzertua izango da, Ben van Oostenek eta Kurt Luedersek eta Pascale Karampournisek osatzen duten Duo Dulciâme eskainitako kontzertuen ostean.

Tags:

KZgunean zuzeneko hitzaldiekin jarraitzen dute YouTube KZguneaTIC kanalaren bidez. Astero IKTei buruzko hitzaldi berriak izango dira, euskaraz eta gaztelaniaz, 30 minutukoak. Zuzeneko hitzaldietara joateko, interesa duten pertsonek Interneterako konexioa baino ez dute behar, YouTubeko ekitaldirako sarrera librea izango baita (ez da beharrezkoa aldez aurretik izena ematea).

Tags:

Urriaren 29an, 17:30ean, Idazketa Tailerra egingo da Aizkibel Liburutegian. “Asmatu dezagun ipuin bat” lelopean, haurrek ipuin bat sortuko dute jolas dinamikoen bidez. Irudimena martxan jarri eta barruan duten sormenerako ahalmena zirikatuko dute.
Ekimena 5 eta 8 urte bitartekoei zuzendua da. Plaza kopurua mugatua denez, izena eman behar da aurrez Liburutegian bertan edo 943 85 08 98 telefonora deituta.

Tags:
Al Ar Az Og Or Lr Ig
26
27
28
29
© 2019 Azkoitiko Udala. Lege oharra