udala-img.jpg

Udalak mailegu eskaera bozkatuko du bihar arratsaldeko udal osoaren ezhoiko bilkuran. Mailegua 1.800.000 eurokoa da eta helburua da Udalak nahikoa baliabide eskura izatea Udal Finantzaketarako Foru Funtsaren jaitsierari eta Covid 19ak ekarritako gastuei aurre egiteko eta aurreikusitako inbertsioekin jarraitu ahal izateko.
“Udalaren egoera finantzarioa ona da. 2.527.757,31 euroko gerakina dugu, baina esku artean ditugun proiektu handiak aurrera ateratzeko dugun irteera bakarra zorpetzea da. Floreagako irisgarritasuna hobetzeko proiektuaz edo igerilekuen handitzeaz ari naiz. Baliabide ekonomikorik gabe, ez dago proiekturik. Zorpetzeko ahalmena du Udalak eta bideragarria da”, dio Ana Azkoitia Ogasun zinegotziak.

Abarketatxo Ludotekak eta Artxamendi Topalekuak Gabonetarako antolaturiko ekintzetan parte hartzeko izen-emate epea zabalik dago jada. Izena Gazte Zerbitzu Bulegoan eman beharko da. Adin ezberdinetako haur eta gazteek badute aukera aisialdiari etekinik hoberena atera ahal izateko.

Azkoitiko Udaltzaingoak jakinarazi du bihar, osteguna, Anaitasunak eta Getafek Txerloian jokatuko duten Errege Kopako neurketa dela-eta, futbol zelaiaren inguruko aparkaleku eremuak mugatu egingo direla. Alternatiba gisa San Juan futbol zelai inguruko aparkalekuak erabili ahalko dira.

Pirritx, Porrotx eta Marimototsen “Amaren Intxaurrak” ikuskizunerako sarrerak ostegun honetan, abenduaren 17an, jarriko dira salgai Interneten. Entradium plataforma bidez egingo da salmenta eta sarrerak goizeko 10:00etatik aurrera erosi ahalko dira.
Bi bide daude plataformara sartzeko:

Gospel musikarekin zabalduko da aurten Azkoitian Gabonetako egitaraua. Larunbat honetan, abenduaren 19an, izango da emanaldia arratsaldeko 19:00etan Baztartxo Antzokian. Goiko Gela talde donostiarra izango da eszenatokian.
Emanaldia XV. Gospel Zikloaren egitarauaren baitan eskainiko da. Goiko Gela taldea lau kantarik eta hiru musikarik osatzen dute eta Gospel tradizionaletik hartutako klasikoak eta abesti propioak interpretatuko dituzte. 'Southern gospel' estiloan, Gospela euskaraz eta ingelesez egiten dute.

Udalak Foru Aldundiari bidegorriko tuneletako argiteria zuzentzeko eskatu dio. Udaltzaingoak txosten bat landu du eta bertan Ipintza auzoa eta Aizpurutxo arteko bidegorrian dauden hamar tuneletako argiteriaren egoera zein den zehaztu du eta Aldundiari helarazi dio.  Aurrez, herritar batek berak egindako azterlana hartu du Udaltzaingoak oinarri gisa, lagungarria izateaz gain, eskertzekoa ere bai baita herritarraren ekarpena.

Dagoeneko guztiok dakigu zer ondorio ekarri dizkigun Covid-19ak. Kirola, beste hainbat esparru bezala, kaltetuta atera da, noski. Taldeek ezin izan dute ohiko denboraldia egin. Batzuentzat gehiago, besteentzat gutxiago, baina ukaezina da ezohiko urtea dela aurtengoa. Hori horrela, Udalak erabaki du aurten bertan behera uztea Kirolari Onenaren Sariketa. “Erabakia hartu dugu batik bat, zaila suertatzen delako kirolarien merituak behar bezala baloratzea, denek ez baitituzte aurten aukera berdinak izan jokatzeko eta lehiatzeko”, azaldu du Kultura batzordeburu Sonia Vazquezek. “Pena eman digu polita izaten delako herriko kirolariak omentzea eta haien ahaleginari aitortza egitea baina beste gauza asko bezala, datorren urterako utzi beharrean aurkitu gara”.

Internetek onurak ekarri dituen neurri beretsuan ekarri ditu arriskuak. Adituek zabaldu nahi duten mezua da: “Ezkutatzeko ezer ez, babesteko asko”. Segurtasunean sakontzeko xedez, Azkoitiko Gazteria Zerbitzuak hitzaldi-tailerrak antolatu ditu nerabe eta familiei zuzenduta. “Ba al dakizu zer egiten duten zure seme-alabek pantaila aurrean?” izenburupean, teknologia berrien erabilera segurua eta osasuntsua sustatzea helburu duen Pantallas Amigasek zuzenduko ditu hitzaldi-tailerrak. Bi saio eskainiko dira, osagarriak direnak elkarren artean, eta abenduaren 15ean eta 16an izango dira Elkargunean, arratsaldeko 15:15etik 16:45era.

Tags:

© 2019 Azkoitiko Udala. Lege oharra