gobernu-img.jpg

Gipuzkoako Urak-ek gaur amaituko ditu Txalonerrekako eta Txerloiko ur sareen berritze lanak bi hilabete pasatxo iraun ostean. Txalonerrekak kolektore bikoitza du orain eta euri urak eta ur beltzak edo fekalak banatuta jasotzen dira auzoan. Esku-hartze honi esker, Txalonerrekako uren %100 jasotzen dira bananduta.

Halaber, lehengo zuntz-zementuzko hoditeriak fundiziozkoengatik ordezkatu dira, askoz ere gogorragoak eta erresistenteagoak.

“Opil eta Muxilen Binetak” erakusketa egongo da ostiraletik igandera bitartean ikusgai Elkargunean. Gehitu eta Mugen Gainetik gobernuz kanpoko erakundeek 2018an argitaratu zuten komikiaren ondorio sortutako bilduma da.
Erakusketa hau, beste jarduera batzuekin batera “LGTBI+ kolektiboaren eskubideen alde lan egiten duten Erdialdeko Amerikako eta Euskal Herriko erakundeen arteko koordinazio-espazioak sortzen” proiektuaren parte da; Gizarte Eraldaketarako Hezkuntzako proiektu bat, Gipuzkoako Foru Aldundiak eta Lankidetzaren Euskal Agentziak finantzatua.

Musikeneko organo eskola Azkoitira lekualdatuko da aste honetan. Euskal Herriko Goi Mailako Ikastegiko organoko ikasleak entzunaldia eskainiko dute Azkoitiko Parrokian ostiralean, hilaren 14an. Hitzordua arratsaldeko 16:15ean izango da doako sarrerarekin. Cavaille-Coll organoaren aurrean eseriko dira Victor Perea, Oscar Rodriguez eta Ignacio Araquistain azpeitiarra.
César Franck, Maurice Duruflé, Julius Reubke eta Jean Guillou konpositoreen obrak interpretatuko dituzte.

Golden Skies bikotearen kontzertua

Musikenek hitzordu bikoitza eskainiko digu. Organoko ikasleen entzunaldiaz gain, Golden Skies taldearen kontzertuaz gozatzeko parada izango baita. Taldea Magdalena Lewok organistak eta Gabriel Tirpiana tronpeta-jotzaileak osatzen dute.

Bigarren urtez jarraian, Hizkuntza Eskola Ofizialeko ikasleek herrian bertan izango dituzte azterketak. Gaztanenea Formakuntza Zentroan egingo dira azterketak, Hizkuntza Eskolaren gelak dauden eraikinean, hain zuzen. Azterketaldia maiatzaren 14an hasiko da eta ekainaren 22ra arte luzatuko da.
Egun horietan ikasleek duten ezagutza maila ziurtatzeko aukera dute ingelesean, frantsesean eta alemanean, aurtengo ikasturtean irakatsi diren hiru hizkuntzetan.

Bihartik aurrera indarrean egongo diren neurri nagusien laburpena duzue hemen. Erantzukizun indibiduala eta kolektiboa behar-beharrezkoak izaten jarraitzen dute Covid-19ari aurre egiteko. Hemen kontsulta dezakezue Euskal Herriko Agintaritzaren Aldizkarian gaur argitaratutako dekretua.

Maiatzaren 15ean, Jon Plazaolak aurkeztuko duen “Irabazi” antzezlanerako sarrerak salgai daude Interneten, www.entradium.com plataforman. Emanaldia arratsaldeko 19:00etan izango da Baztartxo antzokian. Sarreraren prezioa 8 euro da.

29. Udaberriko Musikaldiaren baitan, bigarren kontzertua eskainiko da igandean, maiatzaren 9an. Hitzordua Parrokian izango da 18:30ean. Sarrera irekia eta doakoa da. Igandeko kontzertua Garikoitz Mendizabal txistulariak eta German Ormazabal piano-jotzaileak emango dute. Kontzertuak diskoaren izena hartu du: “Metamorfosia”.

Iaz, Covid-19a zela-eta, Udazblai programa bertan behera geratu zen eta egitarau alternatiboa prestatu zen haurrek eta nerabeek elkarrekin egoteko benetako beharra zutelako. Aurten, dena ondo bidean, Udazblai udaleku irekiez gozatzeko parada izango da berriro. Udaleko Gazteria saila, Alai Batza Aisialdi Elkartea, Abarketatxo Ludoteka, Artxamendi Gazte Topalekua eta Teknogunea batuta, eskaintza zabala antolatu da aisialdiaz gozatzeko. Datorren astelehenean, hilaren 10ean, irekiko da izen-ematea.

Jaitsi informazio guztia jasotzen duen eskuorria. HEMEN

© 2019 Azkoitiko Udala. Lege oharra