Aste Santuko oporrak hastear daudela kontuan hartuta, Ertzaintzak eta Udaltzaingoak hainbat aholku eman dituzte etxebizitzetako lapurretak saihesteko. Egun hauetan jende ugari mugituko dela aurreikusten da, eta, ondorioz, ohiko etxebizitzak hutsik geratuko dira. Jarduteko jarraibide sinple hauek nabarmen zaildu dezakete lapurreta egitea eta, azken batean, delituari aurrea hartzen lagundu dezakete.
Gomendioak:

Tags:

Udaleko Berdintasun arloak emakumeentzat antolatzen dituen Ahalduntze Ikastaroen baitan, Autodefentsa Feminista tailerra eskainiko da, Emagin elkartearen eskutik. Ikastaroa goiz osoko bi saiok osatzen dute. Saioak bi larunbatetan izango dira, apirilaren 30ean eta maiatzaren 7an, goizeko 9:30etik 13:30era bitartean. Ikastaroa Elkargunean emango da eta 16 urtetik gorako emakumeei zuzenduta dago.

Tags:

Udalak Julio Urkixo eta Xabier Munibe kaleetako eraberritze lanak uda aurretik amaitu nahi ditu. Obrek 151.808,64 euroko aurrekontua dute eta Asfaltos Urretxu da proposatutako esleipenduna. Lanen aurrekontua 151.808,64 eurokoa da.
Jarduketak, nagusiki, egingo dira Julio Urkixo kaleko 1 eta 20 zenbakien artean, eta Xabier Munibe kalean, Aizkibel Liburutegi paretik Julio Urkixo kaleko bidegurutzeraino. Esku-hartze solteak egingo dira zoladura berritzeko eta baita pintaketa lanak ere.

Tags:

Gaur argitaratu du Gipuzkoako Aldizkari Ofizialak Azkoitiko Bake Epaitegiko titularra eta ordezkoa hautatzeko deialdia. Bake epailea lau urterako izendatzen da, eta epe hori gaindituta, berriro abiatzen da hautaketa prozesua. Hori horrela, izangaiek maiatzaren 2ra arteko epea dute eskaera aurkezteko.
Eskaerak aurkezteko epea amaitzen denean, Udaleko Osoko Bilkurak aukeratuko ditu bake epaile titularra eta ordezkoa, izangaien artean.

2088 kilometroa egokitu zaio Azkoitiko Udalari, eta Udalean ordezkaritza duten alderdietako kideek txandaka eraman dute lekukoa.
Eguraldia lagun, Azkoitia euskararen aldeko oihu bilakatu da gaur eguerdian.
Atzo Korrika Txikian parte hartu zuten Floreaga Ikastetxeak, Xabier Munibe Ikastolak eta Bizilore Eskola Aktiboak, eta gaur helduen txanda iritsi da.
Korrikaren 22. edizioa da aurtengoa. Martxoaren 3an abiatu zen Amurriotik eta igande honetan iritsiko da jomugara, Donostiara, 2.500 kilometro zeharkatu ostean.

Tags: ,

Udalak eta Maxixatzen Euskaldunon Elkarteak lankidetza hitzarmena sinatu dute gaur goizean, indarrak batuta euskarari bultzada ematen jarraitzeko asmoz. Hitzarmena tarteko, Udalak 11.000 euroko dirulaguntza emango dio Euskara Elkarteari. Laguntzari esker, besteak beste, elkarteak pertsona bat kontratatuko du egun erdiz euskararen dinamizazio jardueretarako. Bere ardura izango da ohiko ekintzez gain, Euskaraldia koordinatzea edota elkartearen 25. urteurren ospakizuna antolatzea. Dinamizatzailearen  figura Euskara Mahaitik jasotako eskaera da, eta Udalak Maxixatzen Euskaldunon Elkartearekin adostasuna lortu du eskaera horri erantzuna eman ahal izateko.

Tags:

Asteroko hitzorduari ez diete hutsik egiten. Pasira egitasmoaren helburua, izenak berak dioen moduan, ibilalditxo bat egiteko astean behin elkartzea da, baina paseatzeaz gain, goizaz erruz gozatzeko modua aurkitzen dute. Gaur, partaideak udaletxean izan dira bisitan eta Javier Zubizarreta alkateak egin dio harrera taldeari udalbatzarrean. Alkateak azaldu die nola hileko azken asteazkenetan izaten den udal osoaren bilkura, eta bertan hartzen direla erabaki garrantzitsuenak.

Itzuliak etzi, larunbata, Eibar eta Arrate arteko 136,69 kilometroko etapa burutuko du eta Azkoitiko herriguneari eragingo ez dion arren, 14:30 inguruan errepidea itxiko egingo da. Izan ere, Azkaratetik sartuko dira txirrindulariak Azkoitira. Mekoletako biribilgunetik Altzibarko biribilgunerantz hartuko dute, eta handik Elosurantza joango dira Gi-631 Azkoitia eta Urretxu arteko errepidetik. Aurreikuspenen arabera 15:30 aldera igaroko da Azkoititik. Lasterketaren azken etapa izango da.

Tags: ,

Al Ar Az Og Or Lr Ig
3
4
5
31
© 2019 Azkoitiko Udala. Lege oharra