Herrixen Merkatari Elkartearen eskutik, larunbatean, irailaren 18an, Beherapen Azoka egingo da Herriko plazan. Hamar saltokik hartuko dute parte azokan eta beste zenbait saltokik eskaintza bereziak eskainiko dituzte euren establezimenduetan. Herriko merkataritza txikia sustatzea da helburua, herrian bertan erosteko kontzientzia hartzearekin batera.

Azkoitiko KZguneak urriko ikastaro eskaintza martxan du. Klikatu hemen ikastaroak ikusteko.

Ikastaroetan izena eman nahi dutenek aukera ezberdinak dituzte:

  • KZgunera joan. Une honetan, KZgunera aldez aurretik hitzordua eskatuta bakarrik joan daiteke, zentroko telefonora deituta (943 023 619).
    Telefonoz deitu (943 023 619). Ikastaroan izena telefono bidez emateko KZguneko erabiltzaile izatea derrigorrezkoa da.
  • Gure web orrian (www.kzgunea.eus) izena ematea. Ikastaroan izena emateko erabiltzaile izatea derrigorrezkoa da. KZgunean edo ikastaroetan izena emateko laguntza behar dutenek ondoko bideotutorialak kontsulta ditzakete, esteken gainean klik eginez:

Negozio ideia bat duzu eta ez dakizu nondik hasi? IDEIATIK ENPRESARA. Zure proiektua aztertzen lagunduko dizun tailerrean izena emateko epea ireki da.Prestakuntza buruan ideia edota proiekturen bat duen eta berau aztertzea nahi duen edonori zuzendurik dago. Bertan, ekintzaileak negozio bat irekitzerako garaian eman behar diren pausuak ezagutzeaz gain, enpresa kudeatzeko nozioak bereganatuko ditu.

Abian da 40. Bizenta Mogel Ipuin Lehiaketa. Azkoitiko Kultur Elkarteak eta Udalak elkarlanean antolatzen dute ekimena eta argitaratu dira oinarriak.
Ipuinak aurkezteko epea urriaren 31n itxiko da eta epaimahaiak abenduaren 18an hartuko du erabakia.
Lehiaketaren helburua euskara eta literatura uztartu eta horiek biak indartzea da, sortzaileei aukera bat eskainitzearekin batera. 

Tags: ,

Udaleko Berdintasun sailak, Emakumeak Ahalduntzeko Ikastaroen baitan, puntua egiten edo trikotatzen ikasteko ikastaroa antolatu du. Ehuntze saioak Maina Arzallusek emango ditu eta saio bakoitzaren hasieran Berdintasunaren inguruko zertzelada batzuk landuko dira, Udaleko Berdintasun teknikari Begoña Gorostiagaren eskutik.
Ikastaroa irailaren 21ean hasiko da eta azaroaren 19ra arte luzatuko da. Saioak astearteetan eta ostiraletan izango dira Elkargunean, 15:15etik 16:45era.
Ikastaroan parte hartzeko ez da beharrezkoa aurretik puntua egiten jakitea.

Iraurgi Berritzenen Turismo alorretik antolatutako udako bisita gidatuei asteburuan emango zaie amaiera, azken bi bisitekin. Larunbatean, irailaren 11n, “Azkoitiko San Martin eta Baldako Santa Maria, Gipuzkoako hiribildu baten oinarriak” bisita eskainiko da. Irteera goizeko 11:00etan izango da Santa Maria Parrokia paretik. Bi orduko iraupena izango du.

Igandean, irailaren 12an, “Azpeitia, Loiola, Azkoitia: mudejar artearen ibilbidea” deituriko bisitaz gozatzeko parada izango da.

Iraurgi Berritzenen Enplegu Arloa, Urola Erdian langabezia murriztu eta enplegua sustatzeko helburuarekin, azken urteetan profilen arabera ekintza lerro estrategiko
desberdinak ari da garatzen eskualdeko eragileekin lankidetzan. Hauen artean, zaurgarritasun egoeran edo arriskuan aurkitzen diren langabetuei zuzenduriko “Urola Erdian ElkarEkinez UE3” proiektua aurkitzen da. Honen helburu nagusia zailtasun egoerak dituzten pertsona langabetuei gizarteratzeko eta laneratzeko ibilbide egokituak eta eraginkorrak eskaintzea da, horretarako eskualde mailako zerbitzuak integratuz.

Lurreko seinaleztapena edo seinaleztapen “podotaktila” deiturikoa ipini da Elkargunean. Lurzoruan, modu erregularrean kokatuta, kupula edo barra formako elementuak ipini dira ikusmen murritza edo itsutasuna duten pertsonak gidatzeko eta ohartarazteko. Modu horretan, lurreko erliebeak lagundu egiten die ikusmen murriztasuna duten pertsonei euren mugimendu edo joan-etorrietan, eta irisgarritasuna eta segurtasuna bermatzen die.

Al Ar Az Og Or Lr Ig
26
27
28
29
© 2019 Azkoitiko Udala. Lege oharra