Bai euskarari ziurtagiridun dendetako zozketako bi zenbaki oraindik agertzeke daude: FK kopistegian banatutako  0602 zenbakia eta Aranbarri drogerian bandatutako 0114 zenbakia dira agertzeko falta direnak. Txartel jebeek gaur dute azken eguna txartel saridunarekin Udaleko euskara zerbitzuetan agertzeko, larunbatetik aurrera zenbaki horiek ordezkoei emango baitzaie saria. Ordezko zenbakiak honakoak dira: 2246 txartela, PSOE tabernan banatutakoa, eta 1397 txartela,  Kinttela estankoan banatutako. Txartel irabazleek 200 euro izango dituzte zirtagiridun dendetan gastatzeko.

Elkargunearen etxabean azken lanak egiten ari dira langileak. Azken ukituak amaitzen ari dira, Gabonetako oporraldia bukatzerako guztia prest egoteko. Izan ere, orduan aurreikusten da musika eskola, banda eta herriko musika taldeak bertara lekualdatzea.  Eta guztia ondo bidean, oporren bueltan martxan izango da Musikagune berria.

Mila metro koadroko eremua hartuko du gune berriak, eta hiru gune izango ditu: bata musika eskolarentzat, bestea bandarentzat eta hirugarrena musika taldeentzat. Gune hauetako bakoitzak bere sarrera eta irteera izango du, baina aldi berean, barrutik elkarrekin lotura egongo dira hirurak, eta, esaterako, bandaren gunea Musika Eskolako orkestrak ere erabiliko du. Izan ere, Musikagunea azpiegituretatik haratago doan proiektu bat da: musika alorrean ari diren azkoitiarren arteko elkarlana eta sinergiak lortzeko helburua ere badu.

 

Aldarria eta festa nagusi izan ziren atzo Azkoitian, Euskeraren Nazioarteko egunean. Goizean egindako ekitaldian plaza gaztetxoz bete zen eta egindako olatuak sekulako giroa sortu zuten herrian. Ekitaldian Urko Aristik egunerako idatzitako manifestua irakurri zuten Floreaga eta Xabier Munibe ikastolako gaztetxoek eta Gu Ere Bertsotan egitasmoan aritzen direnek bertsoak ere kantatu zituzten. Bost taldetan etorri ziren ikasleak plazara, bakoitza bere lelo pusketa batekin, eta guztien artean honako mezua zabaldu zuten: 'Azkoitian euskaraz 365 egun geu izateko euskararen herrian'. Lelo hori gero udal balkoian zintzilikatu zuten udal ordezkariekin batera.

Euskararen Nazioarteko eguna da gaur, abenduak 3, eta egun hori aukeratu du Azkoitiko Udalak bere Interneteko domeinua .eus bihurtzeko. Hala, gaurtik aurrera, Udalaren web helbidea azkoitia,eus izango da. Horrekin batera, gaur herrian Euskara Mahaiak antolatuta egingo diren ekimenetan parte hartzera ere deitu nahi ditu azkoitiarrak Udalak, eta euskararen eguna urteko 365 egunetan dela gogora arazi.

Bi asteburu luzeren ondoren, bukatu dira Sanandres festak. Euriak euri, umorez eta giro onean joan zen Sanandres eguna igandean, eta jendez lepo egon ziren kaleak eguerdi bueltan. Bereziki hunkigarria izan zen Tomas Zubizarreta 'Zendoixe' trikitilariari egindako omenaldia. Igande eguerdian, udal pleno aretoan, 'Zendoia, pozaren mezularia liburua eta diskoa (32 piezarekin)' aurkeztu zuen Euskal Herriko Trikitilari Elkarteak, trikitilariak 84 urte bete zituen egun berean, eta aurkezpenarekin batera, herriko eta bailarako trikitilari gazte zein heldu bildu ziren bertan. Ondorengo herrikirol erakustaldian ere ez zen emoziorik falta izan, eta plazara gerturatututakoek gozatu ederra hartu zuten Olasagasti, Idoia eta gainerako kirolariekin. Festetako argazki eta bideoak Azkoitiko Udalaren Facebook atalean dituzue ikusgai.

Bihar, abenduaren 3an, Euskararen Nazioarteko Eguna ospatuko da, eta horren harira egitaraua prestatu du Azkoitiko Euskara Mahaiak:- 11:30ean, Azkoitiko Xabier Munibe ikastolako, Floreaga ikastetxeko eta Urola Ikastola Azkoitia-Azpeitia BHIko ume eta gaztetxoek kalejira egingo dute herrian zehar. Plazan elkartuko dira guztiak, eta ekitaldia egingo dute. Egun horretarako prestatutako manifestua irakurriko dute ikasleek, eta hainbat bertso eta abesti kantatuko dituzte.
- 18:15ean, Bizkargi Musika eta Dantza eskolako dantzariekin erromeria izango da, plazan. Ekitaldia egingo dute gero. Gaztaina janarekin, manifestua irakurri eta hainbat abesti abestuko dituzte.
- Azkoitiko tabernarien elkartekoek ere bat egin dute Euskararen Egunarekin, eta ostegunetik asteazkenera aurreratuko dute pintxo poteoa. Beraz, 18:30etik aurrera pintxo poteoaz gozatzeko aukera egongo da herriko tabernetan.

 

Al Ar Az Og Or Lr Ig
22