Azkoitia Lagunkoiak hileroko bilera asteazkenerako, azaroaren 10erako deitu du. Bilera, ohiko moduan, Elkargunean (Zeharkako gela) izango da arratsaldeko 18:00etan. Bilerak irekiak dira eta nahi duen oro bertaratzera gonbidatua dago.

Udaleko Gizarte Zerbitzuek Garapenean Bidelagun egitasmoa jarri dute martxan beste behin, Gobernuz Kanpoko Erakundeek egiten duten lana bisibilizatzeko eta balioan jartzeko asmoz, “mundu hau toki hobea izan dadin etengabeko ahaleginean ari direlako”, Janire Igoa zinegotziak esan duen moduan. Hainbat elkarte biltzen dira urteroko topagune honen bueltan eta horri esker, herritarrek haien proiektuak ezagutzeko eta antolatzen den azokan produktuak erosteko parada izaten dute. Aurten azoka azaroaren 28an izango da Herriko plazan.

Udalak azoka biziberritzeko plan integrala aurkeztu zuen uztailean, aurreko hilabeteetan egindako parte-hartze prozesuaren emaitz gisa. Dokumentuak azoka eredu propio bat garatzeko bide-orria markatzen du eta hori guztia aurrera eramateko lan-mahaia osatzea proposatu zen. Eratu da dagoeneko taldea.

Azaroaren 13an, RO eta Ramona's First Evil Boyfriend taldeek kontzertua emango dute Baztartxo antzokian. Hasierako kantari gisa hartuko du parte Ramona's First Evil Boyfriend taldeak, eta ondoren, RO taldeak joko du. Azkoitiko eta Azpeitiko musikariez osatutako taldeak Hiriko Soinuak lehiaketako sari nagusia erdietsi berri du.
Kontzertua, 13an, arratsaldeko 18:00etan hasiko da. Ordu horretan joko du Ramona's First Evil Boyfriend taldeak eta 19:00etatik aurrera izango da oholtza gainean RO taldea.

Mundu errealaren eta birtualaren arteko hautua egin beharko du protagonistak

Borobil Teatroak gaztetxoentzat ekoiztutako “Narzis@” antzezlana estreinatuko du larunbatean, azaroaren 6an, Baztartxo Antzokian. Emanaldia 18:00etan izango da eta sarrerak dagoeneko salgai daude www.entradium.com atarian. Sarrera lau euro kostako da eta egunean bertan Baztartxoko leihatilan ere eskuratu ahal izango dira sarrerak.

Azaroaren 20an izango da San Andresetako danborrada eta bihar ekingo diete taldeek entseguei. Hilaren 20ra bitartean, entseguak astelehenetan eta asteazkenetan egingo dira 20:00etatik 21:00etara eta larunbatetan, 11:00etatik 12:00etara. Gurea pilotalekuan izango dira.
Danbor-joleek maskara eta gerrikoa eraman beharko dituzte entseguetara.

Tags:

Gerritik behera lesioren bat dutenek ere erabil dezakete, esaterako, gurpil-aulkia erabiltzen dutenek.

Elkarguneko gimnasioan Kranking-a bezala ezagutzen den aktibitatea praktikatzeko aparatu berria ipini dute. Kranking-arekin gorputzaren goiko partea lantzen da, eta beraz, gerritik behera lesioren bat dutenentzat ere aproposa da, esaterako, gurpil-aulkia erabiltzen dutenentzat. Horixe da Mikel Etxaniz herritarraren kasua eta atzo estreinatu zuen aparatua.

Astebururako eguraldi txarra iragarrita dagoenez, 3x3 Futbol Festa Oteiza Frontoietan izango da eta ez Herriko plazan, aurreko aldietan bezala. Antolakuntzak eman du erabakiaren berri, denentzat hoberena izango delakoan. Gutxienez, haurrak estalpea izango dute jokatzeko.
Halaber, bertan aparkatu ahal izateko frontoi irekia zabalik egongo da.

Tags:

Al Ar Az Og Or Lr Ig
1
6
7
8
13
14
15
20
21
22
27
28
29
30
© 2019 Azkoitiko Udala. Lege oharra