Berriak
Urbanuek aldaketak izango ditu ordutegian eta geltokietan, uda partean
Urbanue herri barruko autobus zerbitzuak hainbat aldaketa izango du uztailaren 13an hasi eta irailaren 4a bitartera. Ugarteigaran igerilekuetarako zerbitzuak handitzeko helburuarekin jarriko dira indarrean aldaketa hauek. Hemen duzue informazio osoa.
Ordutegiari dagokionez, goizeko 07:30etik 08:30era ez da zerbitzurik izango. Urbanue goizeko 08:30ean hasiko da martxan Ipintzatik, ohiko ibilbidearekin. Arratsaldean, berriz, 15:30ean hasiko da zerbitzua, Ipintzan, eta 15:45ean iritsiko da igerilekuetara. Bestalde, liburutegiko geltokitik 16:00etan abiatuko da Urbanue, Ugarteigaranera 16:20an iristeko. 16:30 etik bukatu arte, ohiko ordutegia mantenduko da.
Ibilbideari dagokionez, hauek dira aldaketak:
- 2. Biran, Klara Doneako geltokia kenduko da.
- 3. Biran, Insausti parkeko geltokia kenduko da, eta San Martin kaletik -Altzibartxo aldera luzatuko da zerbitzua..
Andramaixetako egitaraua adosteko parte-hartze prozesua abian da
2015eko Andramaixek diseinatzeko prozesua abiatu duen lehendabiziko parte-hartze bilera egin zen atzo, Elkargunean. Bertan bidlu ziren herritarrek, hainbat elkarteko kideek eta Udal ordezkariek aurtengo festen egitarauari buruzko proposamenak eta ideiak partekatu zituzten.
Aurreko urteko festen balorazioarekin hasi zen bilera irekia, hutsuneak identifikatuz eta hobetu beharrekoak aztertuz. Ondoren, aurtengo egitarauan aldaketak egiteko proposamenak jaso zituzten denen artean. Besteak beste, San Roke eguneko rock kontzertua egun bat aurreratzea edo sokamuturra berreskuratzea izan ziren mahaigaineratutako proposamenetako batzuk.
Ideia hauek guztiak aztertu eta bideragarriak diren erabakiko du Udalak datozen egunetan. Bien bitartean, azkoitiarrek eta herriko elkateek proposamen eta iradokizun gehiago helarazteko aukera zabalik izango dute honako bideak erabilita: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbide elektronikora idatzita, Kultura teknikariekin edo zinegotziekin harremanetan jarrita, eta 943 857170 telefonora deituta.
Enpresetan euskara planak sustatzeko diru-laguntzak
Azkoitiko Udalak herriko enpresetan euskara planak bultzatzeko diru-laguntzak eskainiko ditu aurten ere, lan munduan euskararen erabilera sustatzeko helburuarekin. Euskara plana martxan jartzea erabakitzen duten herriko enpresek 2.000 eurora arteko laguntza jasotzeko aukera izango dute.
Diru-laguntzen inguruko informazio gehiago nahi dutenek, udaletxeko euskara zerbitzuetara jo edo 943-85 71 75 telefonora deitu dezakete horretarako. Diru-laguntzen informazio osoa, berriz, hemen lortu daiteke: Oinarriak eta eskaera orria.
Eskariak egiteko epea: 2015eko uztailaren 15era arte.
Ordezko zenbakiarentzat izango da Bai Euskarari zozketako sarietako bat
Bai Euskarari ziurtagiridun dendetako zozketako hiru sarietatik bi banatu dira dagoeneko. Lehen txartel saritua (FK kopistegian banatutakoa) epe barruan agertu ez denez, horren ordezkoari emango zaio saria, hau da, Koxka kafetegian banatutako 1.839 zenbakidun txartelari. Txartelaren jabea Euskara Zerbitzuekin jarri behar du harremanetan ( Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. edo 943 85 71 75) 200 euroko saria eskuratzeko. Horretarako, 15 eguneko epea izango du, uztailaren 17a arte, hain zuzen.
Baratze ekologikoak: bigarren deialdiko onartuen behin behineko zerrenda
Altamirako baratze ekologikoak erabiltzeko bigarren deialdiko onartuen behin behineko zerrenda honakoa da:
Uztailaren 7ra (asteartea) arteko epea dago erreklamazioak egiteko. Ondoren, Udalak behin betiko onartuen zerrenda jakinaraziko du.
Udal berriaren osaketan, eraginkortasuna eta bizkortasuna izan dira irizpide
Ekainaren 23an egin zen hauteskundeen ondorengo lehen udalbatzarra Javier Zubizarreta Azkoitiko alkatea buru zela, ez-ohiko bilkura honetan udal funtzionamenduaren eta izendapenen inguruko gaiak bozkatu eta adostu ziren, besteak beste, Udalbatzaren ohiko bilkuren aldizkakotasuna; batzorde informatiboen eraketa eta hauen osaketa politikoa; Udalaren ordezkaritza beste organo eta erakundeetan; hautatuen ordainsariak eta talde politikoen diru-izendapenak; delegazioen titularrak eta arloak; alderdi bakoitzeko bozeramaileak; alkateordeen izendapena, eta Azkoitiko Udaleko Toki Gobernu Batzarreko kideen izendapena.
Funtzionamenduari begira, hartutako erabakietako bat lau Batzorde Informatzaile eratzea izan da. Batzorde hauetan ohiko udalbatzarretan bozkatu beharreko gaiak aztertzen dira eta bertako aktibitatea eraginkortzeko eta arintzeko asmoz erabaki da lau batzorde eratzea eta ez gehiago. Ordezkaritza-egitura gauzatzerakoan irizpide nagusia eraginkortasuna eta bizkortasuna areagotzea izan da.
Andramaixetako egitaraua osatzeko parte-hartze bilera uztailaren 7an egingo da, Elkargunean
Andramaixetako egitaraua osatzeko parte-hartze bilera antolatu du Udalak. Hitzordua datorren asteartean, uztailaren 7an, izango da Elkarguneko Oteiza aretoan, arratsaldeko 19:00etan. Udalak herritarren proposamen eta iradokizunak bildu nahi ditu herritarrei hitza emanez, aurtengo festetarako egitaraua antolatzeko.
Bileran parte hartzerik ez duzuenok, aukera duzue zuen ideiak ondorengo helbide elektronikora bidaltzeko: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. . Kultura teknikariekin edo zinegotziekin ere harremanetan jar zaitezkete 943 857170 telefonoan.
Andramaxetako gero eta gutxiago falta da eta Udaletik denok gonbidatu eta animatu nahi zaituztegu nolako festak izatea nahi duzuen esatera eta proposamenak mahaigainean jartzera, jaietaz guztiok gozatu dezagun.
| Al | Ar | Az | Og | Or | Lr | Ig |
|---|---|---|---|---|---|---|
|
1
|
2
|
4
| ||||
|
6
|
7
|
8
|
9
|
11
| ||
|
13
|
15
|
16
|
17
| |||
|
21
|
22
| |||||
|
27
|
28
|
29
|
30
| |||
