Berriak
Oporrak direla medio, webgunea ez da berrituko irailera arte
Oporrak direla medio, webgunea ez da berrituko irailera arte
Plaza leporaino beteta aurreskuaren unean
San Roke egunean plaza leporaino bete da aurreskua eta ondorengo dantza ekitaldian. Agintarien zein herritarrek dotore egin dute dantza eta txalo artean erantzun die plazak. Bandaren kontzertua, ume eta gurasoen bazkaria... festak ez du etenik izango gaur egun osoan ere.
Hemen ekitaldiko argazkiak eta agintariek dantzatutako aurreskuaren bideoa.
Erraldoiak, buruhaundiak eta musika kontzertua, Andramari eguerdiko protagonista
Andramari eguna eguzkitsu esnatu da eta azkoitiarrek ez dute hutsik egin kalean. Erraldoi eta buruhaundiek, dultzaineroek lagunduta, giroz eta umorez jantzi dituzte kaleak. Eta kontzejupea ere jendez bete da, herriko bandaren, dultzaineroen eta txistularien kontzertua entzutera. Arratsaldean izango da hitzordu garrentzitsuenetakoa: pilota partidak jokatuko dira Gurea pilotalekuan: Irujo-Barriola Olaizola II-Apraizen kontra. Bertso potea, laburmetrai lehiaketa... egitarau oparoa izango da goizaldera arte.
Hemen erraldoiek kalejirako argazkiak eta bandako jotako piezaren bideo bat.
Hasi dira!
Bittor Lizarralde gogoan, hasi dira 2013ko Andramaixek. Eneritz Artetxe bertsolariaren bertsoen ostean, Bittor Lizarralde, Luix Elorza eta bandako zuzendaria izan ditu gogoan Pello Bastarrika alkateak txupinazoaren aurretik eta horren ondotik, suzia piztu eta festa lehertu da. Aurretik, Udal pleno aretoan omenaldi sentitua egin dio Udalak Bittor Lizarralderi. Aurten joan da Lizarralde, eta azken hamarkadetan festen alde eta herriko ekitaldi kulturalen alde musutruk egindako lana eskertu nahi izan dio alkateak ekitaldi xume baten bidez. Hemen duzue txupinazoko BIDEOA
Andramari ostean jarraituko dute ipuin kontaketek liburutegian
Uztailean hasitako bidearekin segituaz, abuztuan ere astearte eta ostegunero izaten ari dira herritarren ipuin kontaketak Aizkibel Udal Liburutegian. Andramaixetan geldialdia egongo da, baina hortik aurrera, abuztuaren 20, 22, 27 eta 29an saio bana izango da, guztiak ere 18:30ean. Datorren astean Ana Albizuri azkoitiarra izango da ipuin kontalari.
Edukiontzi marroian 40 kilo inpropio bildu dira asteburuan
Asteburuan egindako hondakin bilketan oker larriak sumatu ditu Urola Erdiko Mankomunitatean. Azkoitiko hondakin marroietan, organikoentzako den hondakinetan, kortinak, botak, beirazko botilak, ur botilak... agertu dira. Guztira, 40 kilo inpropio jaso ditu.Horren aurrean arduraz jokatzeko eskatzen die Azkoitiko Udalak herritarrei, bereizketa behar bezala egin eta edukiontzi bakoitzean dagozkion hondakinak sartzeko. Edukiontzi marroia organikoentzako da, hondakin horia edukiontzi arinentzat, urdina, paper eta kartoientzat eta grisa errefusarentzat. Guztion ardura da ahalik eta hondakin gutxien sortzea eta sortzen ditugunak behar bezala bereiztea, beraz, jokatu dezagun arduraz eta gizalegez.
Andramaixetan autobus zerbitzu berezia, gauez
Eusko Trenek autobus zerbitzu berezia eskainiko du Andramaixetan, gauez. Azkoititik Zarautzera bitarteko zerbitzua izango da. Hemen ordutegia
Merkataritza-banaketaren dinamizatzaileak prestatzeko bekak hilaren 14tik aurrera eskau ahalko dira
Eusko Jaurlaritzako Industria, Merkataritza eta Turismo Sailak Merkataritza-Banaketa dinamizatzaileak prestatzeko beka programa martxan jarri du. 30 beken deialdia da, merkataritza-banaketaren arloan profesionalak prestatzeko eta 15.000 € ko laguntzarekin beka bakoitzeko. Bekak honakoa eskaitzen du: batetik 2 hilabeteko prestakuntza teorikoa da, beka behin betiko esleitu aurretik, eta bestetik 12 hilabeteko praktikaldia Euskal Herrian dagoen Merkatarien Laguntza Teknikorako Bulego batean edo merkataritza banaketarekin zer ikusia duen erakunde edo enpresa batean. Beka horiek eskatzeko epea abuztuaren 14an zabalduko da eta irailaren 13ra bitartean egongo da zabalik.
| Al | Ar | Az | Og | Or | Lr | Ig |
|---|---|---|---|---|---|---|
|
1
|
2
|
3
|
4
|
5
| ||
|
8
|
9
|
10
|
11
|
12
| ||
|
19
|
20
|
21
| ||||
|
22
|
23
|
24
|
25
|
26
|
27
|
28
|
|
29
|
30
|
31
| ||||
