Berriak
Xabier Aierdi: “Europako herrialdeen tragedia da jendea behar dutela sistema mantentzeko, baina bertako gizarteek ez dutela atzerritarrik nahi”
Aste Solidarioaren baitan, Xabier Aierdi soziologoak hitzaldia eman zuen atzo Elkargunean. Immigrazioa eta Siria izan zituen hizpide nagusiki. Adituaren iritziz, inmigrazio fluxuaren urterik indartsuenak igaro dira eta beherantz doa, baina ezin da demografiaren aurka joan. “Gaurko Europako herrialdeen tragedia da: jendea behar dute sistema mantentzeko, baina bertako gizarteek ez dute atzerritarrik nahi”.
Bai Euskarari Ziurtagiria zozketaren zenbaki sarituak
Bai Euskarari egitasmoa dela-eta Bai Euskarari Ziurtagiriaren zozketa ekimena burutu da Azkoitian.
Honela, gaur eguerdian jendaurrean hiru zenbaki sarituak atera dira. Hauexek dira zenbaki horiek:
1- 1104 Ikasi Groups Solutions S.L.
2- 1716 kinttela estankoa
3- 2698 Traki harategia
Ordezko zenbakiak, berriz, beste hauek dira:
1- 3011 Traki harategia
2- 0827 Fk kopistegia
3- 0774 Etxaniz autoeskola
Epea 15 egunetakoa da, eta beraz, urriaren 9rako saridunak azaltzen ez badira ordezko zenbakidunek jasoko dute saria.
Koordinazio Soziosanitariorako Protokoloa sinatu du Udalak
Udalak Koordinazio Soziosanitariorako Protokoloa sinatu du osasun eta gizarte arreta aldi batera behar duten pertsonei behar duten arreta koordinatua eta egonkorra eskaintzeko, baliabide soziosanitarioak kudeatzen dituzten erakundeen aldetik. Hiritarren eskubideak bermatzeko suerta daitezkeen egoerak koordinatzeko balio du konpromisoak.
Esparru soziosanitarioak behar sozialak eta sanitarioak batzen ditu eta esku-hartze bateratuen koordinazioa ahalbidetzen du protokolo honek, beharrezkoa den kasuetan.
"Carmina Burana" obra ikusteko sarrerak agortu dira
Larunbat honetan taularatuko duten "Carmina Burana" obra ikusteko dagoeneko sarrera guztiak agortu dira. Guztiak saldu dira. Azkoitiko Iraurgi Abesbatzak, Arrasateko Goikobaluk eta Bizkargi Musika Eskolako abesbatzak hartuko dute parte. Hitzordua irailaren 26an izango da, Baztartxo antzokian iluntzeko 20:00etan.
Debekatuta Elkarguneako tunela eta Aita Madinabeitia Plaza bizikleta gainean zeharkatzea
Udalak seinaleak ipini ditu herritarrei jakinarazteko debekatuta dagoela bizikleta gainean zeharkatzea Elkarguneako tunela eta Aita Madinabeitia Plaza. Tarte horretan txirrinduz doazenak bizikleta gainetik jaitsi eta oinez ibili beharko dira. Jende asko dabilen tokia denez, Udalak neurri hau hartu du istripuak saihesteko eta, besteak beste, Elkarguneara, Ludotekara edo Musika Eskolara joaten diren pertsonen segurtasuna bermatzeko.
Udaltzaingoaren kontrolak areagotu dira gune horretan txirrindulariek debekua errespeta dezaten eta Elkarguneatik pasatzerakoan bizikletatik jaisteak duen garrantziaz jabetu daitezen. Hartutako neurriak nahikoak ez balira, Udalak beste batzuk aztertuko ditu.
Bularreko minbiziaren aurkako lasterketaren egitaraua
Ttipi TTapa elkarteak antolatuta larunbat honetan egingo den Bularreko Minbiziaren aurkako I. Lasterketaren egitaraua duzue ondorengoa:
- 11.00-17:30 dortsal banaketa Kontzejupean
- 16:00etan egunean bertan izena emateko aukera itxiko da
- 17:00etan haurren lasterketa: 400m (dortsal berdea)
- 17:15ean haurren lasterketa: 800m (dortsal gorria)
- 17:30ean haurren lasterketa: 1200m (dortsal zuria)
- 18:00etan helduen lasterketa (4 km)
- 19:00etan sarien banaketa
- 20:00ak arte kiroldegian dutxatzeko aukera izango dute bazkideek eta azkoitiarrak ez direnak.
Egun osoan egongo da kamiseta edo pultserak erosteko aukera Plazan.
Plazako baldosak konpontzen ari dira
Egun hauetan plazako baldosak konpontzen ari dira langileak. Baldosa batzuk puskatuta zeuden eta masa hutsez estalita haiek utzitako zuloa. Egun hauetan, baldosa berriak ipintzen ari dira hautsitakoak ordezkatuz.
| Al | Ar | Az | Og | Or | Lr | Ig |
|---|---|---|---|---|---|---|
|
18
Data :
2022-04-18
| ||||||
