Berriak

Euskalerriaren adiskideen elkarteari goratzarre

Berriak

23 Urria 2013

1723an Xabier Munibe Peñafloridako konteak dokumentu bat aurkeztu zuen Batzar Nagusien aurrean: 'Zientzietako, Arte Erabilgarrietako eta Merkataritzako elkarte ekonomiko eta akademiko baten plana, Gipuzkoako probintziaren egoera ekonomiko bereziari egokituta". Proiektu horrek ekarri, zuen, gerora, Euskal Herriko lagunen Elkartea sortzea. 250. urtemuga hori oroitarazteko, Batzar Nagusiek Azkoitian egin zuten bilera atzo, eta ordezkari politikoez gain, Euskalerriko Adisikideen Elkarteko kide esanguratsuak batu ziren bertan. Josune Txarola Gipuzkoako Batzar Nagusietako presidenteak eta Pello Bastarrika Azkoitiko alkateak adiskideen elkarteak egindako lana goraipatu eta zuten orduko kezka sozioekonomikoak egun ere bizirik jarraitzen dutela nabarmendu. Hain justu, egungo egoerari eta erronkei buruzko mahai ingurua egin zuten, amaieran,  Daniel Innerarity, Juan Jose Álvarez eta Ignacio Zubirirekin.

Nazioarteko konpainia batek 'Carmen' opera emango du Azkoitian, eta musika eskolako haurrek kolaboratuko dute

Berriak

21 Urria 2013

G. Bizeten 'Carmen' opera Baztartxon ikusteko aukera izango da azaroaren 8an. Operissima eta  Rousse opera konpainiek Murtziako Romea antzerki taldeak elkarlanean prestatutako lana izango da eta Azkoitiko emanaldian, nazioarteko 45 musikariez gain, Bizkargi musika eskolako 20 umek ere hartuko dute parte. Frantsesez izango da opera, gaztelaniazko azpitituluekin, eta 3 ordu eta laurden iraungo du, tartean egingo den atsedenaldia barne. Sarrerak 25 euro balio du eta dagoeneko salgai daude udaletxean, Kultura sailean eta baita Gurea frontoian ere. Emanaldia 20:30ean hasiko da.

 

 

Batzar Nagusiak Azkoitian bilduko dira asteartean, Peñafloridako kontearen hitzaldi bat gogoan

Berriak

18 Urria 2013

1723an Xabier Munibe Peñafloridako konteak dokumentu bat aurkeztu zuen Batzar Nagusien aurrean: 'Zientzietako, Arte Erabilgarrietako  eta Merkataritzako elkarte ekonomiko eta akademiko baten plana, Gipuzkoako probintziaren egoera ekonomiko bereziari egokituta". Proiektu horrek ekarri, zuen, gerora, Euskal Herriko lagunen Elkartea sortzea. 250. urtemuga hori oroitarazteko, Batzar Nagusiek Azkoitian egingo dute bilera asteartean. Bilera horren bueltan, gainera, garai arteko eta gaur egungo ikuspegi ekonomiko, filosofiko eta juridikoa aztertzeko hitzaldia ere egongo da. 18:00etan izango da hitzaldia, eta Intsausti jauregian. Hemen duzue hitzaldiaren egitaraua.

Urkome Sarietan parte hartzeko epea zabalik dago jada

Berriak

15 Urria 2013

Urkome Urola Kostako Landa Garameneko Elkarteak hirugarren Urkome Sariak martxan ditu jada. Sari hoiek landa garapena sustastzeko proiektuak saritzen ditu, eta aurten sei proiektu sarituko ditu. Horietatik bost, epaimahaiak aukeratuko ditu eta bakoitzak 2.000 euroko sari bat jasoko du, eta seigarren saria irekia izango da, herritarrek boto bidez aukeratuko dutena. Horrek, eskualdeko produktuen lote bat jasoko du. Aurkeztutako lanak eskualdean garatzen ari direnak edo garatuko direnak izan beharko dut eta parte-hartzaileek elkarte, erakunde, sektore enpresa edo norbanako gisa hartu ahalko dute parte. Lanak aurkezteko epea zabalik dago dagoeneko eta azaroaren 15a izango da azkeneko eguna. Hemen dituzue lehiaketaren oinarriak.

Alde Zaharreko trafikoa arautzeko piboteak konpondu dituzte

Berriak

15 Urria 2013

Alde Zaharreko trafikoa arautzeko dauden pibote automatikoak konponduta daude jada eta behar bezala erabiltzeko aholkuak eman nahi ditu Udaltzaingoak. TAGa beharrezkoa dute piboteetan zein besteetan, pibotea jaitsita egon arren semaforori begiratzeko ohartarazi dute Udaldatzaingoek: semaforoa naranjan dagoenean soilik pasatu daiteke, eta pibotea behean egon arren semaforoa gorrian badago, ez da pasatu behar, pibotea igotzeko arriskua baitago, eta autoari kolpea ematekoa.

Festa giroan estreinatu dituzte azpiegitura berriak Elosun

Berriak

14 Urria 2013

Jolas parkea, probatokia eta aparkaleku gehiago. Azpiegitura horiek egin dituzte Azkoitiko Udalak eta Bergarakoak, elkarlanean, Elosu auzoan. Eta auzoko egun handienean, Pilariketako ferian, estreinatu dituzte auzotar eta inguruko gehienek. Eguraldia lagun, jendea erruz ibili zen larunbatean feria egunean, eta arratsaldeko probak ikusmin handia sortu zuen. Azkoitiko eta Bergarako udalak gustura daude egindako lanen emaitzarekin, eta bi herrietako landa eremuak berpizteko beharrezko ahaleginetan jarraituko dutela adierazi zuten inaugurazio ekitaldian. Hemen dituzue inaugurazio ekitaldiko eta feria eguneko argazkiak.

Berdintasun teknikaria kontratatzeko prozesua hasi du Udalak

Berriak

14 Urria 2013

Dagoeneko eman daiteke izena Azkoitiko Udaleko Berdintasun teknikaria aukeratzeko lan eskaintzan; interesatuek azaroaren 4ra arteko epea dute horretarako. Lan eskaintza honetan aurkezteko honako baldintzak bete behar dira: Europar Batasuneko estaturen bateko nazionalitatea izatea; 16 urte beteta izatea; lanpostuaren eginbeharrak betetzeko gaitasun funtzionala edukitzea; baztertuta ez egotea, diziplinazko espedienteren baten bidez, edozein administrazio publikotako zerbitzutik edo autonomia erkidegoko organo konstituzional edo estatutarioetatik; erdi mailako titulua, unibertsitate diplomatura edo baliokideren bat edukitzea; euskarako 3. hizkuntza-eskakizunaren edo baliokidearen pareko ezagutza izatea; eta emakumezkoen eta gizonezkoen berdintasuneko gaietan prestakuntzako ikastaroren bat edukitzea, gutxienez 150 ordukoa eta organo ofizialen batek ziurtatua (unibertsitatea edo administrazio publikoak). Hemen daude eskuragai oinarri osoak eta baita eskaera orria ere. Informazio gehiago: 943 85 71 75  eta Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko..