Berriak
Azkoitian izan dira Ignaziotar Bidea sustatzeko etorri diren nazioarteko kazetariak
Bidaietan eta turismoan espezializaturiko nazioarteko eta estatuko bederatzi kazetarik osaturiko ordezkaritza bat Azkoitian izan da, Ignaziotar Bidea ezagutzera etorrita.
Turismoko Kataluniako Agentziak eta Basquetour-ek gonbidatuta etorri da taldea nazioartean Ignaziotar Bidea ezagutzera emateko xedez eta bailaretako garapen agentziak arduratu dira tokian tokiko koordinazioaz. Hemen, Iraurgi Lantzen.
Frantziatik, AEBetatik, Brasildik eta Filipinetatik etorri dira kazetariak, RCF, Travel Weekly, Folha de São Paulo edota Philippine Star izen handiko komunikabideentzat lan egiten dutenak, alegia.
Merkatariek eta ostalariek euskarazko euskarriak garatzeko diru-laguntzak eska ditzakete urriaren 30 arte
Udaleko euskara zerbitzuak diru-laguntzak bideratuko ditu euskarazko euskarriak garatu nahi dituzten merkatari eta ostalarientzat. Laguntzak eskatzeko epea urriaren 30ean amaituko da.Ondorengo ekintzak dira Euskara zerbitzutik diruz lagunduko direnak:
Iraurgi Saskibaloiak Añares Rioja ISB eta Sammic ISB taldeen aurkezpen ofiziala egin du
Emakumeen Eskubaloi Ligan jokatzen duen Añares Rioja ISB eta Sammic ISB Zilarrezko LEB mailako taldeen aurkezpen ofiziala egin dute gaur goizean Loiolan Iraurgi Saskibaloi taldeko ordezkariek, bidelagun hartuta Foru Aldundiko Kirol diputatua den Goizane Alvarez eta Azpeitiko eta Azkoitiko udaletako ordezkariak. Bertan izan dira Azpeitiko Eneko Etxeberria alkatea eta Estitxu Elduaien zinegotzia eta Azkoitiko udalaren izenean, Javier Zubizarreta alkatea eta Angel Martin zinegotzia. Sammic-eko ordezkari Amaia Altunak ere hartu du parte ekitaldian.
Saskibaloi taldeak berriki atera du bazkide kanpaina indartzeko egin duen bideoa ere, "Egin amets gurekin!" lelopean. Zorterik onena opa diegu kantxan eta kantxatik kanpo!
Ikastaro eskaintza berriarekin dator Elkargunea
Erabiltzaileen eskaeretara egokitu eta zerbitzua hobetzeko asmoz, ikastaro eskaintza berritu du Elkarguneak datozen hilabeteetarako. Jarduera berrien artean daude boxeoa, Feng Shui, marrazketa, yoga, haurdunaldirako yoga eta argazkigintza. Hauetariko batzuk jada martxan daude. Aldiz, beste batzuen kasuan, taldeak osatzen ari dira eta ixten doazen heinean jarriko dira martxan.
Bai Euskarari Ziurtagiriaren zozketan sariduna da Traki harategiko 3011 zenbakia
Bai Euskarari Ziurtagiriaren zozketan sarituak suertaturiko hiru zenbakietatik, biren txartel jabeek jaso dute dagoeneko 200 euroko erosketa txartela ziurtagiridun establezimenduetan erabiltzeko. Hirugarrena, ordea, ez da azaldu eta ondorioz, aurreko ostiraletik, urriaren 9tik, zenbaki ordezkoa pasa da saritua izatera. Alegia, Traki harategian banatutako 3011 zenbakia. Saridunak Udaleko Euskara zerbitzuarekin jarri behar du harremanetan urriaren23a baino lehen 200 euroko erosketa txartela eskuratu ahal izateko.
Foru Aldundiak ahuleziak ikusi ditu partaidetzazko aurrekontuen prozesuan eta beste modu batera kudeatuko ditu proposaturiko proiektuak
Gipuzkoako Foru Aldundiak ahuleziak ikusi ditu aurreko legealdian abian jarritako partaidetzazko aurrekontuen prozesuan eta aldaketak egingo ditu hobetze aldera. Hori da atzo Azkoitiko Elkargunean Gobernantza eta Gizartearekiko Komunikazioko diputatu Imanol Lasak partaideei adierazitakoa. Bertan izan ziren udal ordezkariak ere.
"Gipuzkoan –esan zuen Lasak- 360 lagunek hartu dute parte, baina 20 milioi euroko aurrekontu bat 360 pertsonek bakarrik erabakitzea gehiegizkoa iruditzen zaigu". Proposaturiko proiektuen garapena aurreikusitako moduan gauzatzeko partaide kopurua txikiegia dela irizteaz gain, diputatuak argi utzi zuen "bere garaian aipatutako diru hori" ez dagoela. "Hogei miloi horiek ez daude ez aurrekontuetan sartuta, ez hartutako kreditu konpromisoetan".
Kirol Kontseilu Goreneko arduradunak Azkoitian izan dira San Juango eta Txerloiko futbol zelaietako obrak ikuskatzeko
Kirol Kontseilu Goreneko arduradunak Azkoitian izan dira 2011n eta 2012an San Juango eta Txerloiko futbol zelaietan obrak egiteko diruz lagundutako lanak ikuskatzeko. Proiektu saileko arduradun Jesús del Barrio eta Diru-laguntzen Ikuskaritza Fiskalaren Zerbitzu buru den Raúl Ureña izan dira eta Javier Zubizarreta alkateak berak lagundu die gainbegiratze lanetan. Ondoan izan dituzte Anaitasunako idazkaria, Maider Cincunegui, eta diruzaina, Jon Ander Azkue. Kontseiluaren ordezkariek egiaztatu ahal izan dute egindako obrak laguntzak eman ziren helburuetara egokitzen direla.Orduan San Juango futbol zelai ondoko lokala gimnasio bihurtu zen eta Txerloian argi artifizialaren instalazioa egin zen. Kontseiluko ordezkariek ontzat eman dituzte obrak.
Udalak zerrendak zabalduko ditu errefuxiatu siriarrei etxe hutsa utzi nahi dietenentzat
Europan sartzeko azken asteetan ikusten ari garen siriarren olatuak kezka sortu du gure gizartean eta Udala ez da horretan kanpo geratzen. Egoeraren larritasuna ikusita, ezinbestekoa da erakundeen arteko elkarlana eta koordinazioa harrera ekintzak ondo bideratzeko.EUDEL-ek, Eusko Jaurlaritzak eta foru aldundiek koordinaziorako Batzorde Eragilea osatu dute eta batzorde hori izango da erefuxiatuen harrerarako beharrezkoak diren ekintzak koordinatuko dituena modu bateratuan.
| Al | Ar | Az | Og | Or | Lr | Ig |
|---|---|---|---|---|---|---|
