Berriak
Global Training Bekak eskatzeko epea zabalik
Garapen Agentzien Euskal Elkarteak eta Donostiako Sustapenak aurten ere 60 Beka Global Training eskainiko dituela jakinarazten du Azkoitiko eta Azpeitiko Berrikuntza eta Garapen Agentziak, Iraurgi Berritzenek.
Bekak unibertsitate-titulazioa eta goi-mailako lanbide heziketa dituzten gazteentzat dira, eta, programa horri esker, gazteei aukera ematen zaie praktika ordainduak egiteko atzerriko enpresa eta erakundeetan, haien profil akademiko eta profesionalarekin lotutako jarduera eta proiektuetan, 6 hilabeteko denboraldian.
Azkoitian Eibarko Hizkuntza Eskola Ofizialeko gela desplazatuak jarri nahi dira martxan irailean
Kasu askotan atzerriko hizkuntzak menderatzea beharrezkoa bihurtu da lan merkatuan murgiltzeko. Hori ikusita, Udalak hasieratik ezarri zuen helburu gisa baliabideak bideratzea herritarrek hizkuntzak ikasteko. Udala proiektua martxan jarri ahal izateko lanean ari da eta irailerako eskaintza bat ireki nahi du.Eusko Jaurlaritzaren Hezkuntza sailarekin negoziaketetan ibili ostean, datorren ikasturterako Eibarko Hizkuntza Eskolak gela desplazatuak eskaini nahi dira Azkoitian. Hasiera batean, eta lehenengo saiakera gisa, ingeleseko erdi mailako eskaintza emango litzateke (16 urtetik gorakoentzat).
Azterketak ere Azkoitian bertan
Klaseak emateaz gain, ikasleek Hizkuntza Eskola Ofizialeko azterketak ere Azkoitian bertan egingo lituzkete.
Gaur egun, 150 bat lagun joaten dira Eibarko eskolara Azkoitia eta ingurutik.
Udalak gela desplazatuak Gaztanenean kokatuko ditu eta horretarako gelak egokituko ditu.
Lidl supermerkatu kateak bereganatu ditu Urrategi bideko lursailak bere aktibitatea lekualdatzeko
Schwarz talde alemaniarraren Lidl supermerkatu kateak erosi ditu Urrategi bideko (32 sektorea) bi lursailak Azkoitian duen aktibitata tokiz aldatzeko asmoz, enpresa zabalkunde prozesuan murgilduta baitago. Udalak esleipenerako oinarri gisa 759.521,46 euroko prezioa gehi BEZa ezarri zuen eta modu esanguratsuan gainditu du kateak aipatu kopurua. Lidl-en asmoa da egungo negozioa tokiz aldatzea Zabale baserriaren eta Gurutze Gorriaren artean dauden lurretara eta ez bigarren establezimendu bat zabaltzea bertan.Bestetik, Lidl-ek Azkoitian egingo duen inbertsioa ez da lursailen erosketara mugatzen. Kontratazioaren arabera, esleipendunari dagokio urbanizazio publikoaren kostuak bere gain hartzea, alegia, 1.672.804,64 euro (BEZa barne). Udalaren ardura izango da obrak esleitzea baina supermerkatu kateak ordainduko ditu. Halaber, eraikina eraiki eta ingurua urbanizatu beharko ditu.
Mari Jose Arregik zinegotzi kargua hartu du
Atzoko ohiko udal bilkuran Mari Jose Arregi Etxeberriak zinegotzi kargua hartu zuen EAJ-PNV alderditik, Asier Lizarralde Aramendi ordezkatzeko. Azken honek, lan kontuengatik kargua utzi behar izan du. Mari Jose Arregi ondo ezaguna da herrian, besteak beste, Bizkargi Musika Eskolako zuzendaria delako.
Gazteek etxebizitzak alokatzeko diru-laguntzen behin behineko ebazpena
Gazteek etxebizitzak alokatzeko Udalak emango dituen diru-laguntzei buruzko behin behineko ebazpena eman da eta 10 eguneko epea dute interesatuek alegazioak aurkezteko. Guztira 26 eskaera onartu dira eta Udalak 64.430, 25 euro bideratuko ditu eskatzaile horien laguntzak ahalbidetzeko.
Udalak hainbat baserri bidetako zorua eta harri-lubetak konponduko ditu
Udala "premiazkotzat" jotako hainbat lani ekitera doa, otsailean eta martxoan botatako euri jasek baserri bideetan eragindako kalteak konpontzeko.Lizitazioaren prezioa 224.802,77 eurokoa da (BEZa barne) eta aurreikusita dago hilabeteren buruan obrak hastea, esleipen prozesua amaitzear baitago.Behin obrak hasita, lanen exekuzio epea lau hilabetekoa izango da.
Esku-hartze nagusiak izango dira lurrei eusteko harri-lubetak konpontzea edo, hala behar izanez gero, berriak eraikitzea, eta uren kanalizazioa egokitzea. Halaber, hondatutako guneetan zorua konponduko da.
| Al | Ar | Az | Og | Or | Lr | Ig |
|---|---|---|---|---|---|---|
|
7
| ||||||
|
8
|
10
| |||||
|
15
|
16
|
17
|
18
| |||
|
24
|
25
| |||||
