Berriak
andramaixen aurkezpena
Andramaixek giro “baketsu, alai eta parte hartzailean” ospatzeko deia luzatu dute Udalak eta kultur eta kirol elkarteek
Laja eta Landakanda eta trikiti munduari omenaldia egingo diote larunbat honetan hasi eta 19ra arte iraungo duten herriko festek.
Andramaixetako egitarau osoa eta iritzia emateko aukera izango dute herritar eta bisitariek horretarako prestatutako app-ean.
Azkoitiko hamabi kirol eta kultur elkarteek Andramaixek “baketsu, alai eta parte hartzailean” bizitzeko deia luzatu dute gaur goizeko agerraldian. Txakor Txistulari taldeko, Sahatsa dantza taldeko, Azkoitiko Musika Bandako, Xeye kirol elkarteko, Elizako Abesbatzako, Iraurgi Abesbatzako, Jubilatuen Elkarteko, Kultur Elkarteko, Txirrindulari Elkarteko, Anaitasuna Futbol Elkarteko, Paellada prestatzen duen elkarteko eta Gimnasia Kirol Elkarteko ordezkariak bildu dira gaur goizean, abuztuak 9, elkarlanean osatutako egitarau “askotariko eta zabala” eskutan zutela.
Larunbat honetan emango zaie hasiera festei. Abuztuaren 14an VII. Jokin Ormaetxea jubenil mailako txirrindulari lasterketa egingo da, goizeko 10:00etan. Igandean, Laja eta Landakanda igoko dira udaletxeko balkoira eta trikitixa mundua maite duten guztiei irekiko zaizkie udaletxeko ateak.
Astelehenean, besteak beste, erraldoien eta buruhandien kalejira egingo da 11:30etan; baita herriko musika bandaren eta Txalkor txistulari taldearen kontzertua ere, Kontzekupean, 13:00etan, eta lau ordu beranduago, Irribarria, Altuna III eta Merino II., besteak beste, lehiatuko dira Gurea pilotalekuan.
Asteartean, berriz, zezen karretoiaren kalejira egingo da 16:00etan eta gazteentzako jolas dinamikoak egingo dira, 17:00etan.
Gazteentzako ezezik, herriko jubilatuei ere egingo zaie gorazarre. Hala, aurten 90 urte egiten dituzten herritarrak zorionduko dituzte jubilatuen anai-arreben arteko bazkarian.
Ostegunean, ohiko bazkari herrikoia egingo da, herriko plazan eta gauean karaoke festa egingo da. Ostiralean, idi dema probaren unea izango da.
Azkoitiko Udalak eskerrak eman nahi dizkie festen antolaketan parte hartu duten guztiei eta bide batez, bat egiten du lo dauden bizilagunak errespetatzeko deiarekin, eta eraso sexisten aurkako kanpainarekin eta baita alkoholaren gehiegikeriak gaitzesten dituen kanpainarekin
Abuztuaren 16ko haur eta gurasoen bazkarirako antolaketa bilera
Abuztuaren 16an, Andramaixetan, haur eta gurasoentzako bazkaria egingo da. Urtero bezala, Udalak gurasoen laguntzaz antolatu nahi duenez bazkaria, ostiral honetan, abuztuaren 5ean, antolamendu bilera egingo da.
- Tokia: Udaletxeko 4.solairuko bilera gelan. Ordua: 11:00etan
Etorri ezin dutenek eta antolaketan parte hartu nahi dutenak, Kultura Sailera deitu dezakete (943857170) edo bertako helbide elektronikora idatzi: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. Animatu eta hartu parte!
Andramaixetako haur eta gurasoen eta koadrilen bazkarietarako izen-ematea abuztuaren 3tik aurrera zabalik
Andramaixetako bazkarietarako izen-emate epea abuztuaren 3an zabalduko da. Hau da, abuztuaren 16an egiten den haur eta gurasoentzako bazkarirako eta hilaren 18ko koadrilen bazkarirako izena eman nahi duen orok, abuztuaren 3tik aurrera du aukera. Udaletxeko kultura sailean eman behar da izena bertara joanda edo 943 85 71 70 telefonora deituta.
Bisita eskaintza zabala udako
Udalak bertako eta kanpoko bisitarientzat hainbat bisita antolatu ditu udako. Hona eskaintza:
JAUREGI ETA DORRETXE ARTEAN / ENTRE CASAS TORRE Y PALACIOS
Azkoitian, Multzo Monumental izendatutako Dorretxe eta Jauregiz beteriko alde zaharra ezagutzeko aukerka paregabea. Balda Dorretxea, Idiakez Dorretxea, Ama Birjinaren jasokundeko Parrokia…
Azkoitia, inmejorable ocasión de visitar su Casco Histórico declarado Conjunto Monumental entre Casas Torre y Palacio, Casa Torre Balda, Casa Torre Idiaquez, Parroquia Santa Maria la Real.
Lurperatutako lubaki bat topatu da Erdi Aroko hiribilduan
Inazio Iriarte kalean egiten ari diren hornikuntza eta saneamendu lanak tarteko, Arkeolan Fundazioak egindako kontrol arkeologikoaren lanen baitan, Erdi Aroan hiribildua inguratzen zuen lurperatutako lubaki bat topatu da, orain arte, identifikatu gabe zegoen fortifikazioaren elementu bat, hain zuzen.
Estrada kalearen eta Parrokiaren arteko zatian, zanga bat ireki zen eta kotarik baxuenean lurperatutako lubaki batekoak ziren lohizko depositu arkeologikoak topatu zituzten. Arrasto horien interes arkeologikoa baloratzeko eta, ezinezkoa denez obra zibil bat indusketa arkeologiko batekin bateratu, hiru zundaketa gehiago egin ziren frogatuz lohi maila lur-arrasetik -1,80 metrotik gutxienez -3-30metroko sakontasunera zegoela. Zundaketei esker, gainera, XIV-XV mendeetako material arkeologikoa berreskuratu da.
Udalak Normandiako atentatua irmoki gaitzesten du eta biharko elkarretaratzea deitu du
Azkoitiko Udalak gaitzespen irmoa adierazi nahi du Normandin izandako atentatuaren aurrean. Gogor arbuiatzen du indarkeria terroristaren basakeria eta dolumina eta elkartasuna adierazi nahi dizkie biktimen senitarteko, hurbilekoei eta Frantziako herriari.
Halaber, biharko, uztailak 28, bost minutuko elkarretaratze isila deitu du. Eguerdiko 12:00etan egingo da Udaletxe aurrean.
Lajak eta Landakandak izango dute Andramaixetako txupinazoa botatzeko ohorea
Azkoitian trikitixak familia zabala du, soinu eta pandero joleak asko dira, baita jarraitzaileak ere. Denek eman die izena eta izana trikitixari. Herriz herri, kalez kale eta plazaz plaza ibilitakoak, dabiltzanak eta ibiliko direnak mordoa dira. Guztien lana txalotu nahi du Udalak eta trikitiak bete duen funtzio soziala oroitzeko, herriko trikitixaren historian aitorpena merezi duen erreferentziazko bikote bati emango dio Andramaixetako txupinazoa botatzeko aukera: Lajari eta Landakandari, alegia.
Lajak eta Landakandak herritarrak dantzan jartzen eman dituzte gau eta egunak. Eta hori ez da meritu makala. Asko dira soinua eta panderoa ondo astindu dituztenak Azkoitian eta Udalak guztiekin partekatu nahi du festei hasiera emateko unea. Trikitilari, pandero-jole, dantzari eta trikitia maite duten guztiekin. Duten ibilbidearengatik, aurten Laja eta Landakanda igoko dira udaletxeko balkoira, baina trikitilari diren eta sentitzen diren guztiek udaletxeko ateak zabalik izango dituzte elkarrekin festei hasiera emateko.
| Al | Ar | Az | Og | Or | Lr | Ig |
|---|---|---|---|---|---|---|
|
2
|
3
|
4
|
5
|
6
Data :
2021-11-06
| ||
