Berriak
San Roke egunean, udal ordezkariak elizara bidean
San Roke eguna. Udal ordezkariak korporazioan joan dira elizara, herriari eskainiko dioten aurreskua dantzatu aurretik. Ikusi argazkiak.
Andramaixetako XI. Laburmetraia Lehiaketak baditu sariduna
Andramaixetako XI. Laburmetrai Lehiaketa ospatu zen bart eta epaimahaiaren eta publikoaren sariak eman ziren ezagutzera. Epaimahaiaren saria “Bolie Hazten_Perretxikue” filmak jaso du, Samiñoko Bidoie Produktions taldeak, hain zuzen, “gaia lantzeko moduagatik”. Publikoaren saria, berriz, Hautz lokalak aurkeztutako “Ofizinie” filmak eskuratu du.
Guztira sei filma aurkeztu dira aurtengo lehiaketara eta gaia “Maxixatzen” izan da.
San Roke bezpera, iruditan
Herritarrek gozatu dute San Roke bezperaz. Udal ordezkariak korporazioan joan dira mezatara, eta jarraian, Musika Bandak eta Txalkor Txistulari Taldeak kontzertua eskaini dute Kontzejupean. Buruhandiak eta erraldoiak ere kalez kale ibili dira. Ikusi irudietan.
Musikariek "Alkate Soinua" eskaini die alkateari
Usadioak agindu bezala, Herriko Musika Bandak eta Txalkor Txistulari elkarteak "Alkate soinua" eskaini diote Ana Azkoitia alkateari bere etxe aurrean, San Roke bezperan. Endika Larrañaga senarrak eta biek egin diete harrera musikariei. Musika Bandaren zuzendaria den Carlos Muñozek lore-sorta eman ohi dio alkatearen bikoteari gaurko egunez, eta halaxe egin du gaur ere.
Salbea eta danborrada, iruditan
Usadioari jarraituz, Andramari bezperan Ignacio Busca Sagastizabalen Salbea eta Aita Nemesio Otañoren Ave Maria abestu dituzte Parrokian herritarrek. Andramaixetako hitzordu kuttunenetakoa eta hunkigarriena da askorentzat gaur arratsaldekoa. Udal ordezkariak korporazioan egin dute elizatik joan-etorria. Juan Bautista Mendizabalek eraman du Azkoitiko bandera. Ondoren, 75. urteurrena oroitzeko, danborrada egin dute Herriko plazan, eta handik Plazaberritik barrena, Balda plazara iritsi dira danbor eta barril joleak. Ukitu berezia eman die danborradak aurtengo festei. Dotore hasi dira aurtengo gure Andramaixek! Ikusi iruditan arratsaldeak eman duena.
Festak hartu ditu herriko kaleak!
Lehertu da festa Azkoitian. Aurtengo Andramari jaiei hasiera eman dien txupinazoarekin batera, alaitasunez bete dira kaleak, eta ez da atsedenerako tarte handirik izango datozen egunetan. Jendeak gogotsu hartu ditu herriko festak.
Erlojuak 12:00ak jo baino minutu batzuk lehenago, danborradarekin lotura estua duten hainbat lagun bildu da udaletxean. Besteak beste, danborradaren atzean dauden gizon eta emakume guztien izenean, txupinazoa bota duten Justino Sasieta "Mateo", Ana Etxaniz “Olaberri”, eta Xanti Artetxe “Etxesa”. Ana Azkoitia alkateak egin die harrera, gainerako udal ordezkariak bidelagun dituela, eta esker oneko hitzak eskaini dizkie urte guzti hauetan danborrada ahalbidetu duten guztiei. Jada gure artean ez daudenak ere ekarri ditu gogora alkateak.
Floreaga auzoak bigarren igogailua estreinatu du
Floreagako irisgarritasuna hobetzeko bigarren faseko lanak amaituta, auzoko bizilagunek estreinatu dezakete gaur goizetik martxan dagoen igogailu berria.
"Bigarren igogailu honekin, auzoaren irisgarritasun-arazoaren zati handi bat konpondu dugu, eta hurrengo faseei jarraipena ematen saiatuko gara, goikaldean bizi diren auzotarrek ere ahalik eta erraztasun eta erosotasun handienarekin mugitzeko aukera izan dezaten", adierazi du Ana Azkoitia alkateak.
| Al | Ar | Az | Og | Or | Lr | Ig |
|---|---|---|---|---|---|---|
|
1
|
2
|
3
| ||||
|
4
|
5
|
6
|
7
| |||
|
11
|
12
|
13
|
14
|
15
| ||
|
19
|
20
|
21
|
22
| |||
|
26
|
27
|
28
|
29
| |||
