Berriak
Ikastetxeek abenduaren 4an ospatuko dute Euskararen Eguna
Euskara sailak herritarrak animatu nai ditu Gaitu ahots grabaketa maratoian parte hartzera adimen artifizialak euskaraz egin dezan.
Herriko ikastetxeek egun bat atzeratuko dituzte Euskararen Eguneko ospakizun ekitaldiak. Aurten, abenduaren 3a, igandea egokitu denez, astelehenean, hilaren 4an, kalera aterako dira ikasleak euskararen aldeko aldarria egitera.
Euskararen Nazioarteko Egunaren inguruko adierazpena
Abenduaren 3an Euskararen Nazioarteko Eguna dugu. Egunaren harira, atzoko udal osoaren ohiko bilkurak EH Bilduk eta Azkoitia Bai Elkarrekin-ek aurkeztutako erakunde adierazpena onartu zen, EAJ, EH BIldu eta Azkoitia Bai Elkarrekin-en aldeko botoekin. Horra adierazpena:
Klima babeslekuen eta espazio publikoen birnaturalizazioaren mozioa onartu du udal osoaren ohiko bilkurak
Atzo arratsaldean egindako udal osoaren ohiko bilkurak PSE-EE alderdiak aurkeztutako Klima Babeslekuen eta Espazio Publikoen Birnaturalizazioaren mozioa onartu zuen EAJ, EH BIldu eta PSE-EE alderdien aldeko bozkarekin. HEMEN ONARTUTAKO MOZIOA
Gabonetako Eraskuleiho Eraskusketan parte hartzeko, izen-emate epea luzatu da
Abenduaren 7ra arte luzatu da Gabonetako Eraskuleiho Eraskusketan parte hartzeko izen-emate epea. Aurreko urteetan, lehiaketa egin izan da, baina aurten parte hartu nahi duten saltokiek osatuta, erakusketa antolatzea erabaki da. Ekimena Udaleko Merkataritza arloak eta Herrixen elkarteak sustatu dute, eta establezimenduetako arduradunak parte hartzera animatzen dituzte.
Ignacio Arakistain organistaren kontzertua, datorren igandean
Datorren igandean, abenduaren 3an, Ignacio Araskitain organo-jole azpeitiarrak kontzertua eskainiko du. Errezitaldia azken 125 urteotan Azkoitiak izan dituen organista titularrei eskainiko zaie, eta bereziki, hogeita hiru urte daramatzan Jose Luis Franzesenari. Arakistainen kontzertuarekin emango zaie amaiera Azkoitiko Cavaille-Coll organoaren 125. urteurren ospakizunei. Emanaldia 19:00etan izango da, eta sarrera doan da.
“Kanpora sartzen” antzezlana, sentimendu gordinenen eta umorearen arteko oreka
Datorren larunbatean, abenduaren 2an, Aitziber Garmendiak zuzenduriko Kanpora sartzen antzezlana aurkeztuko dute Baztartxo Antzokian. 19:00etan izango da emanaldia eta sarrerak aurrez hartu nahi izanez gero, salgai daude www.azkoitia.eus/agenda edota www.entradium.com atarien bidez.
Azaroaren 28 udal osoaren ohiko bilkurarako gai zerrenda
1. Aurreko bilkurako aktaren onespena, hala badagokio.
2. Kreditu transferentzia bidez kredituak aldatzeko 7 zenbakidun espedientearen onespena.
3. Azkoitiko Udal Larrialdietarako Planaren zuzenketa onespena.
4. PSE-EE udal taldeak klima babeslekuen eta espazio publikoen birnaturalizazioaren inguruan aurkeztutako mozioa.
5. EAJ-PNV eta PSE-EE udal taldeek aurkeztutako euskal zaintza eredu sendo, eraldatzaile, feminista eta komunitario baten aldeko mozioa.
6. EAJ-PNV eta PSE-EE udal taldeek Euskararen Egunaren inguruan aurkeztutako adierazpena.
7. Behin betiko onespenaren berri ematea.
8. Aurrekontuari buruzko informazioa.
9. Galde-erreguak.
Jai goiz animatua, azoka eta dantzari eta txistularien kalejirarekin
San Andres jaien egitarauaren baitan, jai goiz animatua izan da gaurkoa. Herriko plazan Garapenean Bidelagun solidaritate eta lankidetza azoka, baserritarren produktuen erakusketa eta salmenta, eta bolillo erakusketa batu dira Herriko plazan. Bizkargi Musika eta Dantza Eskolako eta Txalkor Txistulari Taldeko kideak, berriz, kalejira egin dute herriko txokoak girotuz. Horra goiza iruditan.
| Al | Ar | Az | Og | Or | Lr | Ig |
|---|---|---|---|---|---|---|
|
7
| ||||||
|
8
|
10
| |||||
|
15
|
16
|
17
|
18
| |||
|
24
|
25
| |||||
