Berriak
Haurrek estreinatu dute Trenbidearen Zumardiako parke berria
Garbiketa eta mantenimendu lanak areagotzeaz gain, Udalak udalerriko parke sarea hobetzeko asmoa du kalitateari eta kantitateari begira zeren dagoeneko Azkotiko haurrek badute euren aisialdiaz gozatzeko beste gune bat. Dagoeneko askok estreinatu dute Trenbidearen Zumardian eraikitako parke berria.
Parkea 2 eta 14 urte bitarteko haurrei zuzendua dago. Jarritako jolasak erakargarriak, didaktikoak eta funtzionalak dira, eta nola ez, araudiak agindutako segurtasun irizpide guztiak betetzen ditu guneak. Parkeak 15,95x14,22metroko azalera du.
Parke berri honekin batera, Txalon Errekakoa eta Gaztaneneakoak ere egokitu dira, konponketak eginez edota hondatutako jolasak ordezkatuz.
Azkoitia eta Azpeitia arteko bidegorria itxita egongo da ostegunean eta ostiralean
Azkoitia eta Azpeitia arteko bidegorria itxita egongo da ostegun eta ostiral honetan, alegia, hilaren 3an eta 4an. Bidegorria goizeko zortzietatik arratsaldeko bost’erdiak arte egongo da moztuta bi egun horietan. Garbiketa eta sastraka kentze lanengatik itxiko da bidea.
Basterretxe industrialdea -Maxi Eroski paretik- eta Loiola lotzen dituen bidegorri zatia da itxiko dena.
Alkateak festetako normaltasuna, partaidetza altua eta giro ona eskertu ditu
Javier Zubizarreta alkateak bere esker ona azaldu die azkoitiar guztiei eta Andramaixez gozatzeko Azkoitira hurbildu diren bisitariei. Jai egunak normaltasun osoz igaro direla azpimarratu du. “Ez da gertakari txarrik edo lapurretarik egon. Jendeak gogotsu hartu du parte eta sekulako giro ona egon da. Festa aurretik pertsona guztiak eta ingurua errespetatzeko eskatu nien herritarrei eta bete da. Jendea oso ondo portatu da. Eskerrik asko”.
Herri bazkaria, argazkitan
Festak azken txanpan dira. Gaurkoan herri bazkaria izan da, besteak beste. Guztira 1.300 herritar inguruk emana zuten izena, eta giro ederrean egin da bazkaria.
90 urte dituztenei, omenaldia
Gaur, abuztuak 17, Jubilatuen anai-arreba arteko bazkaria egin da. Bazkariaren ostean, 90 urte betetzen dituzten herritarrei omenaldia egin zaien. Aurten 31 herritarrek egin dituzte edo beteko dituzte 90 urte. Udal ordezkariek aurrez aurre zoriondu nahi izan dituzte.
Baserritarren Eguna, iruditan
Gaur, abuztuak 17, Baserritarren Eguna da Andramaixetan. Hemen goizak eman duena iruditan.
| Al | Ar | Az | Og | Or | Lr | Ig |
|---|---|---|---|---|---|---|
|
1
|
2
|
4
| ||||
|
6
|
7
|
8
|
9
|
11
| ||
|
13
|
15
|
16
|
17
| |||
|
21
|
22
| |||||
|
27
|
28
|
29
|
30
| |||
