Berriak
Kolorea, gogo bizia eta emozioa danborradan
500 gizon-emakume inguru atera dira gaur danborradan, gaueko hotzari kontra egiteko gogotsu. Hamabi taldek hartu dute parte, eta estrainekoz, Belaño konpainia sortu berriak. Ukitu berezia izan du aurtengo danborradak 75. urteurrena dela-eta. Izan ere, Elgoibarko danborradak kainoia utzi dio Azkoitiri, eta Herriko plazan bitan entzun da danbatekoa. Lehenengo kainoikada botatzeko ohorea Ana Azkoitia alkateak izan du, eta bigarrena, danborradako kideek bota dute. Kaleetan festa giroa nagusitu da. Horra iruditan gauak eman duena.
Azaroak 25: Udalaren Adierazpena
Udalean ordezkaritza duten lau alderdiek aho batez onartu dute azaroaren 25aren, Emakumeen aurkako indarkeria desagerrarazteko Nazioarteko Egunaren harira, ondorengo erakunde adierazpena:
Emakumeenganako indarkeria desagerrarazteko nazioarteko egun honetan, azaroak 25, sexu-indarkeriak adingabeen artean gero eta eragin handiagoa duela azpimarratu eta arreta jarri nahi dugu, indarkeria mota hori ikusezinena eta normalizatuena baita, eta urtetik urtera gora egiten jarraitzen baitu.
Hainbat txostenen arabera, sexu-delituen biktimen % 40 adingabeak dira, gehienak neskak eta nerabeak. Adingabeen sexu-askatasunaren aurkako delituen ehunekoak ere gora egin du. Laguntza espezializatuaren eskaerek ere gora egin duten arren, datuek erakusten dute neskek zailtasun handiak dituztela indarkeria-adierazpen jakin batzuk antzemateko beren portaeran, bai berdinen taldean, bai harreman afektiboetan.
Danborradaren historia jasotzen duen dokumentala estreinatu dute
Azkoitiko danborradaren historia biltzen duen dokumentalaren estreinaldia izan da gaur arratsaldean Baztartxo antzokian, Tata elkartearen eskutik. Jendetza erakarri du saioak, danborrada gauza kuttuna baita herritar asko eta askorentzat. Ikus-entzunezkoa aurkezteaz gain, zuzeneko doinuak entzungai izan dira. Izan ere, Azkoitiko eta Elgoibarko danborradek hartu dute parte jaialdian. Bi herrietako danbor-joleek Azkoitia obra jo dute elkarrekin jaialdia ixteko. Hasiera dotorea, danborrada kalera atera bezperan. Gozatu!
Eskolako Agenda 2023 programa berria abian da ikastetxeetan
Aurtengo Eskolako Agenda 2030 programak 21 urte beteko ditu. Eta oraingoan, berrikuntza bati emango dio hasiera! Iazko ikasturtean, lanketarako aukeratutako Garapen Jasangarrirako Helburua 7. izan zen: Energia eskuragarri eta ez kutsatzailea. Ikastetxeetako eta herriko diagnostikoa egiteaz gain, ikasleek hainbat ekintza aukeratu zituzten lehentasunezkoak. Ekintza horiek hurrengoak dira: gabonetako argiteriaren azterketa eta energia berriztagarrien inguruko informazioa herritarren artean zabaltzea. Aurten, esku-hartze plana jarriko dute martxan, beraz, teoriatik praktikara doaz.
Inaziotar Bideak lotzen dituen udalen arteko lankidetza aukerak aztertzen
Manresako udaleko ordezkariak Azkoitian izan dira, Joan Vila Marta alkateordea buru dela. Inaziotar Bideak lotzen dituen herrietako udalekin lan bilerak egiten ari dira egun hauetan, eta Ana Azkoitia alkatearekin eta Juan Bautista Mendizabal Ondare eta Turismo Zinegotziarekin bildu dira.
Lan bileran Inaziotar Bideko udal desberdinen arteko lankidetza aukerak izan dituzte hizpide, turismo arloan eta beste zenbaitetan, jakintza eta esperientziak partekatutz, eta elkarlan esparruak zabaltzea ahalbidetuko luketen tresna posibleak jorratuz.
Asteburua bete betea dator San Andres jaiak ondo hasteko
San Andres jaiak iritsi dira. Asteburu bete betea dator, bihartik hasita. Izan ere, danborradaren bueltan ohiko hitzorduaz gain, izango da bestelakorik. Bihar, ostirala, 19:00etan, Baztartxo antzokian danborradaren 75. urteurren ospakizun jaialdia izango da. Danborradaren inguruko dokumentala estreinatuko da, eta jaialdian Azkoitiko eta Elgoibarko danborradetako kideek hartuko dute parte.
Igande honetan Garapenean Bidelagun elkartasun eta lankidetza azoka ospatuko dav
Igande honetan, azaroaren 26an, Herriko plazan Garapenean Bidelagun azoka egingo da. Urteroko hitzordua da, eta topaketaren xedea da Udalak diruz laguntzen dituen Gobernuz Kanpoko Erakundeen lanari bisibilitatea ematea eta kontzientziak esnatzea. Bederatzi elkartek hartuko dute parte azokan, eta gaur goizean elkarteetako hainbat ordezkari komunikabideen aurrean agertu dira edizio berri hau aurkezteko. Sonia Vazquez Gizarte Zerbitzuetako zinegotziak lagundu die, eta "esker ona, aitortza eta laguntza" merezi dutela adierazi du Vazquezek.
Pilota hautaketan izan dira ostiralean Binakako Txapelketari ekingo dien lau pilotariak
2024ko Binakako Pilota Txapelketari ostiralean emango zaio hasiera Gurea pilotalekuan, eta lehen jardunaldirako pilota hautaketa egin dute gaur goizean.
Norgehiagokan izango dira Ezkurdia eta Tolosa batetik, eta P.Etxeberria eta Zabaleta, bestetik. Luxuzko kartela. Peio Etxeberriak ezin izan du gaur Azkoitira etorri, eta beste hirurak izan dira material hautaketan. Eurekin egon da Kirol zinegotzi Igor Isusquiza. Ikusminak bultzata, zenbait herritar ere hurbildu da pilotalekura.
| Al | Ar | Az | Og | Or | Lr | Ig |
|---|---|---|---|---|---|---|
|
6
|
7
|
8
|
9
| |||
