Ez ohiko udalbatza izan zen atzo (osteguna) eta besteak beste, langileen abenduko ezohiko ordainsaria nola bideratu erabaki zen bertan. Langileekin aurretik adostuta, 2013ko ekaineko ordainsaria aurreratzea erabaki du Udalak eta ordainsari hori urtarrilean kobratuko dute langileek. Neurri hori berez langileei soilik dagokie eta politikariek kobratu dezakete abenduko ordainsaria baina langileekin bat egin eta euren buruari ere neurri bera ezartzea erabaki du udal gobernuak. Horrez gain, 2013ko tasa definitiboak ere onartu ziren atzoko saioan (dagozkien aldaketak eginda) eta baita Azkoitia Lantzenek beharrezkoa duen diru bat eskuratzeko kreditu aldaketa bat ere. Horrez gain, PSOEk giza eskubideen alde aurkeztuta eta Bildurekin adostutako mozio bat eta Herrirak presoen eskubideen alde aurkeztutako beste bat ere onartu ziren atzoko saioan.

Hemen, atzoko plenoan onartutako gaien zerrenda

Txalo konpainiaren 'Hil arte bizi' antzezlana ikusteko sarrerak dagoeneko salgai daude. 12 euro kostatzen da sarrera eta goizez udaletxeko kultura sailean edo arratsaldez Gurea pilotalekuan eros daitezke. Emanaldia larunbatean izango da (29an), 22:00etan, Baztartxon.

Gaur (asteazkena, hilak 26) asto bat agertu da Azkoitian (kalean) eta udaltzaina bere jabearen bila dabil. Beraz, norbaiti asto bat falta bazaio, Udaltzaingora jotzeko eskatzen zaio, haiek jaso baitute aberea.

Elkargunea Azkoitiko Udalarentzat zama ekonomiko ikaragarria izan arren, ahalegin berezia egin eta 2013rako tasetan erabiltzaileentzat beherapen batzuk egitea erabaki zuen iragan hilean udal gobernuak. Urte berriarekin batera sartuko dira indarrean tasa berri horiek, eta horri esker, besteak beste familia bonoa egiten dutenek prezio hobeez gozatzeko aukera izango dute. Izan ere familiarteko bonoa merkatuko egingo da, eta orain arte 500 euro + BEZa kostatzen zena 2013tik aurrera 380 euro + BEZa kostatuko da. Horrez gain, 17 urtez azpiko seme-alaben adinean ez da bereizketarik egingo eta familiarteko bono bakarra egongo da.Bi gurasoak langabezian dauden kasuetan, berriz, %25eko hobaria egingo da familia arteko bonoan. Bono egin nahi dutenek urtarrilaren 15a baino lehen jakinarazi beharko dute Elkargunean.

 

Azkoitiarrek eta Udalak aukeratu dituzte 2012ko kirolari, Gabon giroko eskaparete eta Bizenta Mogel ipuin lehiaketako onenak. Xabier Oroz saski baloi jokalaria aukeratu dute urteko kirolari onena, kirolariek eurek larunbatean egindako bozketan. Gabon giroko eskaparate onenaren saria, berriz, NHO dekorazioa dendak jaso zuen, eta bigarren saria Sofia Studio 18k. Bizenta Mogel ipuin lehiaketari dagokionez, Oihane Fernandez getxoztarrak jaso zuen aurreneko saria, Lide Rekondo azkoitiarrak bigarrena eta Juan Ramon Alberdi azkoitiarrak hirugarrena.

Aizkibel liburutegia abenduaren 24, 25 eta 31an eta urtarrillak 1 eta 5ean itxita egongo da. Bestelako egunetan, goiz eta arratsaldez zabalik, eta abenduak 29 larunbata goizez irekita, ohiko ordutegian.

Floreaga Zaharren azken urteotan barrakoiak egon diren aparkalekuan ezin izango da ibilgailurik aparkatu abenduaren 25etik 30era bitartean, egun horietan plazan egingo den Gabonetako azokako partaideek aparkatuko baitute bertan.

 

Elkarmediak Azkoittixen Bai Euskarari! programaren barruan Bidean ziurtagiria jaso du. Argazkian, Robert Gutierrez Ziurtagiria Elkartekoa, Jose Antonio Sudupe Elkarmediako kidea, eta Agurtzane Epelde Azkoitiko Udaleko Euskara zinegotzia agiri dira, ziurtagiria entregatzen. Bidean ziurtagiria programa horretako lehen mailako ziurtagiria da: ondoren datoz Zerbitzua Euskaraz maila eta Zerbitzua eta Lana euskaraz maila.

 

Al Ar Az Og Or Lr Ig
6
7
8
9
© 2019 Azkoitiko Udala. Lege oharra