Xeye Atletismo Taldeak biharko antolatu duen Erlojupeko Kilometroa dela-eta, Altzibar Etorbidea itxita egongo da trafikoarentzat 18:15etik 19:00etara bitartean.
Partaideak Lidl supermerkatu pareko biribilgunetik aterako dira 18:15ean eta Plazaberrin amaituko dute proba.
Aurretik 12 eta 14 urte bitarteko gaztetxoek hartuko dute parte, baina gazteen lasterketak ez du errepidean eraginik izango Kale Nagusitik aterako baitira. Helmuga Plazaberrin izango dute.

San Isidro egunean, maiatzaren 15ean, Madariagatik joan-etorria egiteko autobusa ipiniko du Udalak, aurreko urteetan egin ohi izan duen moduan. Goizeko 11:00etan izango da meza, eta beraz, bertaratu nahi dutenentzat autobusa 10:00etan eta 10:30ean aterako da Julio Urkixo kaleko geralekutik (Consum Eroski ondotik). Bueltako autobusa 13:00ean eta 13:30ean irtengo da Madariagatik.
Usadioari jarraituz, San Isidroren irudiarekin prozesioa egingo dute meza aurretik baseliza kanpoan, eta meza ondoren, hamaiketakoa eskainiko da.

Ekainaren 9an izango dira Europako Legebiltzarreko hauteskundeak. Udalari dagokio mahaikideen zozketa egitea eta datorren astelehenean, maiatzaren 13an, egingo du. Behin zozketa eginda, herritarrek jakin ahalko dute Azkoitiko Udalaren webgunean sartuta, hauteskunde mahaian egotea tokatu zaien edo ez. Kontsulta eguerdi partetik aurrera ahalbidetuko da.

Ohi bezala, autobus zerbitzua jarriko da kontzertura joateko.

Udaberriko Musikaldiaren 32. edizioak Bach & Bach edo Bach al Cuadrado taldea ekarriko du larunbat honetan, maiatzaren 11n, Azkoitira. Kontzertua 18:30ean izango da Santa Kutz komentuan. Ohiko moduan, Udalak doako autobus zerbitzua jarriko du joan-etorria egiteko. Autobusa 18:00etan aterako da Julio Urkixo 7 kaleko geralekutik (Eroski Consum paretik). Ez dago autobusean tokia erreserbatu beharrik.

Iraurgi Berritzenen Enpresa Gunearen proposamenetan oinarrituta, 2024ko Ikasiz programaren barruan eskualdeko industria enpresei zuzenduta hainbat informazio jardunaldi antolatu ditu agentziak datozen hilabeteetarako, Gipuzkoako Foru Aldundiak babestuta, zuzenbideko gaiak jorratzeko.

Azkoitia Lagunkoiak, Aizkibel Liburutegiarekin lankidetzan, zerbitzu berri bat jarri du martxan, etxez etxeko liburu mailegu zerbitzua, hain zuzen. Pertsona nagusiei, edota mugikortasun edo osasun arazoengatik etxetik mugitu ezin diren pertsonei zuzenduta dago zerbitzua.
"Azkoitia Lagunkoia taldean ikusten dugu – azaldu dute – zerbitzua beharrezkoa dela joan-etorrietarako zailtasunak dituzten edota etxetik atera ezin diren pertsonentzat. Irakurketarena konpainia ona da, eta pertsona horiei guztiei aukera eman nahi diegu irakurriz entretenitzeko eta etxetik irten ezina eramangarriagoa egiteko”.

Urola eta Deba bailaretako udalak pozik agertu dira, Mugikortasuneko, Turismoko eta Lurralde Antolaketako foru departamentuak Bizkaiko unibertsitateetatik joan-etorria egiteko garraio zerbitzua sustatu duelako.

Azkoitia, Azpeitia, Zestoa, Zumaia eta Mendaroko Udalak pozik agertu dira Gipuzkoako Foru Aldundiak Bizkaiako unibertsitateetatik joan-etorria egiteko garraio sustatu, eta diruz lagundu duelako, benetako behar bati erantzunez. Dirulaguntza tarteko, Bizkaiko campusetara joaten diren ikasleek eta langileek askoz gutxiago ordaindu beharko dute garraioa, eta erakundeen arteko lankidetzari esker lortu da bideratzea.

Bizkargi Musika eta Dantza Eskolak eta Txalkor Txistulari Taldeak antolatuta, Dantzarien II. Udaberri Kalejira egingo da datorren igandean, maiatzaren 12an. Herriko dantzariek eta musikariek hartuko dute parte egitasmoan, kaleak alaituz.
Goizeko 11:30ean emango die hasiera kalejirari Julio Urkixo etorbidean, bertan elkartuko baitira protagonistak. Handik Balda plazara abiatuko dira eta 12:00etan, dantza saioa eskainiko dute bertan.

Tags:

Al Ar Az Og Or Lr Ig
6
7
8
9