Udalak pertsona nagusientzat parke bio-osasungarria eraikitzeko lanak hasi ditu aste honetan, Trenbidearen Zumardia kalean. Hilabeteren buruan gunea prest izango da. Bertan ariketa egiteko aparatu edo makinak jarriko dira. Parkearen aurrekontua 38.945,22 eurokoa da, BEZ barne.
Ariketa fisikoak, osasunak eta bizi-kalitateak lotura estua dute. Azken urteetan Udalak hainbat egitasmo abiatu ditu pertsona nagusiek euren egunerokotasunean ariketa fisikoa txertatzeko asmoz. Hala nola, martxan da Pasira proiektua, ibilbide osasungarriak egiteko aukera eskainiz, eta baita Jarduera Fisikoko Orientazio Zerbitzua ere. Zerbitzuaren bidez, orientatzaile batek bakoitzarentzat egokiena den jarduera identifikatu eta programa bat proposatzen du beharrak eta lehentasunak kontuan hartuta.

Eskualdeko enpresa, autonomo eta ekintzaileek FakturaBAIren inguruko formakuntza jasotzeko aukera izango dute urriaren 28an. Formakuntza, bereziki zuzendua dago beraien jardueragatik, urtean zehar emititzen duten faktura kopurua mugatua duten enpresentzat. Baina zer da FakturaBAI? Gipuzkoako Foru Aldundiak TicketBAI sistemaren baldintzak betetzen dituzten fakturak jaulkitzeko Gipuzkoako pertsona eta erakundeen eskura jartzen duen doako web aplikazioa da.

Udaleko Berdintasun arloak Malen Etxea emakume etorkinen elkartearekin hitzarmena sinatu du beste behin. Elkarteak giza eskubideen defentsan egiten du lan, eta bereziki, emakume etorkinen eskubideen alde, egiturazko desberdintasunak deusezte aldera. Elkartearen egitekoa da "eraldaketa soziala sustatzea ikuspegi feminista eta antirrazista batetik, justizia soziala eta aliantza solidarioak eta jasangarriak nagusi diren gizarte sarean eraginez".
Hitzarmena oinarri, emakume langile etorkinen egoerari ikusgarritasuna emateko xedez, Udalak eta elkarteak hainbat jarduera antolatu dituzte urrirako eta azarorako:

Hazinnova programari esker euren berrikuntza-proiektua arrakastaz ezarri duten Urola Erdia, Urola Garaia, Debagoiena, Debabarrena eta Goierriko hogeita hamahiru enpresek enpresa berritzailearen ziurtagiria jaso dute gaur, Innobasque-Berrikuntzaren Euskal Agentziaren, SPRIren eta Eusko Jaurlaritzako Ekonomi Garapen, Jasangarritasun eta Ingurumen Sailaren eskutik. Ziurtagiria jaso duten enpresa horiek berrikuntza ez teknologikoko mikro-proiektuak ezarri dituzte beren erakundeetan merkatuan duten posizioa hobetzeko. Ziurtagiria jaso dutenen artean aurkitzen da Azkoitiko Erlo Group taldea.

Ziurtagirien banaketa ekitaldia gaur goizean izan da Ordiziako Goierri Valleyen.

Tags:

Enpresetan euskara planak sustatzeagatik dirulaguntza eskatzeko epea urriaren 31n itxiko da. Dirulaguntza deialdi hau 2022ko ekitaldiari dagokiona da.
Dirulaguntza ildoaren xedea da enpresetan euskara planak garatzea, euskararen presentzia indartzeko lan munduan. Udalak enpresa bakoitzari gehienez 2.000 euroko laguntza emango dio urteko.
Laguntza jasotzeko euskara plana dirulaguntza ematen den ekitaldian diseinatutakoa izan behar du, eta aurreko urteetan diseinatua bada, urte horretan garatutakoa.

Tags:

Rudolf Müller eta Maria Mokhova organistek sortutako Orgelduo Sprit izango da larunbatean, urriaren 15ean, Organo Erromantikoaren XXIII. Nazioarteko Zikloari jarraipena emango diona. Azkoitiko bigarren kontzertua izango da zikloaren baitan. Hitzordua 20:00etan Parrokian izango da eta doan da sarrera.
Bikoteak Denis Bédard, Joahnn Sebastian Bach, John Rutter, Naji Hakim, Zsolt Gárdonyi eta César Franck konpositoreen obrak joko dituzte.

Tags:

Iaz bete zituzten Maxixatzen Euskaldunon Elkarteak eta izen bera hartzen duen herri-komunikabideak 25 urte. Mende laurdeneko ibilbideak jasotzea merezi duelakoan, erreportaje digitala argitaratu dute. Irene Elortza da edukien egilea eta Urolako Komunikazio Taldea arduratu da sareratzeaz.
www.maxixatzen25urte.eus loturan ikus daiteke erreportajea. Gaur aurkeztu dute proiektua udaletxean Maxixatzeneko kide den Julen Garatek eta Irene Elortzak berak, eta bidelagun izan dituzte egitasmoa babestu duten erakunde eta enpresetako ordezkariak, hala nola, Marijose Arregi Euskara zinegotzia eta Danobateko Jose Antonio Hidalgo. Sidenor enpresatik ezin izan du inork parte hartu.

Tags:

Azkoitiko IV. Lasterketa Solidarioa antolatu du aurten Ttipi Ttapa Atletismo Klubak eta balorazioa egiterako orduan, oso pozik agertu dira antolatzaileak aurten lortutako emaitzekin. Izan ere, 12.500 euro jasoko ditu Biodonostiak, parkinson gaixotasunaren ikerketara bideratzeko, zehazki gaixotasun neurogeneratibo arloan, Mugimenduaren Nahasmendua ikertzeko.
Halaber, aurtengo lasterketan parte hartu dutenei eta laguntza eman dutenei, euren esker ona agertu die egitasmoaren sustatzaileek.
Betetzat eman dituzte helburu nagusiak, alegia, kirola eginez egun ederra pasatzea eta parkinsonari ikusgarritasuna eta bultzada ekonomikoa ematea.

Al Ar Az Og Or Lr Ig
3
4
9
10
16
17
© 2019 Azkoitiko Udala. Lege oharra