Ekitaldi irekia da eta bertaratu nahi duten herritar guztiak gonbidatuta daude. Urtarrilaren 26an, 18:30ean, Elkargunean izango da.

Azkoitiko Udalak memoria historikoa berreskuratzeko lanketa egin du azken bi urteotan, Aranzadi Zientzia Elkartearen eskutik. Emaitza Azkoitia Oroimena izeneko webgunean jasota geratuko da. Bertan Gerra Zibilean eta diktadura frankistan, 1936tik 1959ra, giza eskubide urraketak jasan zituzten pertsonen inguruko informazioa bildu da. Gertatutakoaren egia ezagutzea eta herritarren esku jartzea da nahia, biktima guztiek dutelako egiarako, justiziarako eta erreparaziorako eskubidea.

Eskualdearen beharrak aurkezteko aukera izan zuten atzo goizean, Gipuzkoako Foru Aldundian. 

Bide azpiegituretako foru diputatu Maria Ubarretxenak, departamendu horretako zuzendari Mikel Uribetxeberriak, Azkoitiko alkate Ana Azkoitiak, Azpeitiko alkate Nagore Alkortak, Zestoako alkate Mikel Arregik, Iraurgi Berritzeneko zuzendari Begoña Beobidek eta eskualdeko eragile sozioekonomikoak ordezkatuz, Biele Group-eko Naiara Aldazabal-ek eta Grupo Sein-eko Marian Etxeberriak, eskualdeko bide azpiegituren egoera eta egun dauden beharrak azaldu dituzte.

Udaleko Ingurumen sailak Faktura Energetikoen Tailerra antolatu du. Sarritan gasaren eta elektrizitatearen fakturak ulertzea konplexua suertatzen da. Saioaren helburua da fakturak ulertzen laguntzea, fakturak modu egokian kudeatu ahal izateko. Horregatik, parte hartu nahi dutenei etxeko faktura energetikoa eramatea eskatzen zaie.
Halaber, merkatu erregulatua eta librea aztertuko dira, eta energia aurrezteko gomendioak emango dira tailerrean.

Azkoitiko Udalak Guraso Eskolaren edizio berri bat jarri du martxan, seme-alaben heziketarako funtsezko trebetasunak eskuratzeko espazioa, hain zuzen. Helburua da haur eta gazteei gaur egungo munduak jartzen dizkien erronkei ahalik eta ondoen aurre egiteko gaitasunak lortzen laguntzea. Gaur goizean aurkeztu dute ekimena Prebentziorako zinegotzi Mertxe Zubillagak eta saioak zuzentzeaz arduratuko den Xabier Tilves psikologoak.

Azken urteetan egin bezala, Udalak guardiako farmazien egutegia banatuko du etxeetan. Informazio eskuorria aste honetan bertan banatuko da buzoietan. www.azkoitia.eus atarian ere argitaratuko da botiken egutegia.
Azkoitiko farmazien guardia-ordutegia da, astelehenetik ostiralera, 13:00etik 16: 30era, eta igande eta jaiegunetan, 11:00etatik 13:00era.

Doinuele euskarazko plazen sareak aurtengo egitaraua aurkeztu zuen atzo Donostian, tartean, Maxixatzen Euskaldunon Elkarteak, Udalak lagunduta, antolatzen duen Geure Gelatik Liburu Azoka. Aurten azoka apirilaren 12tik 14ra izango da, eta Jasone Osoro izango da aurtengo omendua.

Udaleko Berdintasun arloak Emakumeok Ahalduntzeko Ikastaroak antolatu ditu beste behin. “Ezagutza berriak eskuratzeko, autonomia eta konfiantza lantzeko, kezkak eta ondoezak partekatzeko, gure eskubideez jabetzeko eta emakumeen arteko sareak sortzeko topaguneak eskaintzen dizkigute ikastaro hauek”, dio Berdintasun zinegotzi Mertxe Zubillagak.

Tags:

Olatz eta Iñaki Salvadorrek kontzertua eskainiko dute larunbatean, hilaren 13an, Baztartxon arratsaldeko 19:00etan. Sarrerak aurrez eskuragarri daude www.entradium.com atarian
Urte batzuk badira Olatz Salvador Euskal Herriko nahiz munduko beste hainbat agertokitan kangu sortzaile eta interprete gisa pauso irmoak ematen ari dela. 2014an ekin zion bere bakarkako ibilbideari, eta bere lehen diska duela bost urte kaleratu zuen, publikoaren babesa eta kritikaren oniritzia azkar lortuz.

Tags:

Al Ar Az Og Or Lr Ig
3
4
9
10
16
17
© 2019 Azkoitiko Udala. Lege oharra