Bihar, azaroak 25, Emakumeen aurkako Indarkeria Desagerrarazteko Eguna dugu. Udalak bihar, ostirala, 18:30ean Herriko plazan egingo den elkarretaratzean parte hartzeko deia egiten die herritarrei.
“Sexismoaren hariak eten!” lelopean, isilunea egingo da emakumeen aurkako indarkeria adierazpen guztiak errotik eteteko aldarrikatuz, baita sarritan normaltasunez hartu ohi diren jokabide matxista guztiak ere.

Tags:

“Urola Erdia. Elkarrekin Eraldatzen 2022-2027” izenburupean, azken urtebetean Iraurgi Berritzenek, parte hartze prozesu zabal baten bidez, landutako plan estragikoa aurkeztu du gaur XX. Topaketen baitan. Jendetza bildu da ekitaldian, eta besteak beste, udal ordezkariak eta hainbat sektoretako eragileak bertaratu dira. Azkoitiko udaletik Javier Zubizarreta alkatea eta Ana Azkoitia zinegotziak hartu dute parte.

Datorren igandean, hilaren 27an, Garapenean Bidelagun azoka izango da Herriko plazan. Bertan gobernuz kanpoko bederatzi erakundek hartuko dute parte, garapen bidean dauden hainbat herrialdek bizi duten errealitatea ikustarazteko eta haietan, besteak beste Azkoitiko Udalaren laguntzarekin, garatzen ari diren proiektuen berri emateko. Erakundeetako hainbat partaidek prentsaurrekoa eskaini dute gaur azoka iragartzeko eta herritarrak bisitatzera animatzeko. Mahaikide izan dute Gizarte Zerbitzuetako zinegotzi Janire Igoa.

Tags:

Azaroaren 25a, Emakumeen aurkako Indarkeria Desagerrarazteko Nazioarteko Eguna dela eta, Udalak Berdintasun arlotik, eguneroko jokabide matxistetan jarri nahi du arreta, emakumea debaluatzen duten eta normalizatzen joan diren praktiketan, hain zuzen. "Garrantzitsua da kontzientzia hartzea, eta tamalez, sarri ikusten ditugun jarrera matxistak geldiaraztea. Askotan enfrentamendua saihesten dugu, jarrera horiek duten benetako esanahian eta eragiten dituzten ondorioetan gehiegi pentsatu gabe", dio Berdintasun zinegotzi Mertxe Zubillagak. "Indarrak batu behar ditugu emakumeen aurkako indarkeria errotik desagerrarazteko, eta indarkeria diodanean, indarkeria adierazpen guztiez ari naiz, ezkutukoenetik tragikoeneraino".

Tags:

"Oi, lur" ikuskizunak publikoa bereganatu du, eta txalo zaparrada izan da nagusi Baztartxon. Sahatsa Dantza Taldeak, Musika Bandak eta Iraurgi Abesbatzak emanaldi borobila aurkeztu dute gaur arratsaldean herriko antzokian. Tartean, Jesus Arrizabalaga omendu dute Sahatsak eta Bizkargi Musika Eskolak. Ekitaldiari amaiera udal ordezkariek eman die, Javier Zubizarreta alkatea buru, eskertza gisa lore sorta bana emanez taldeei. Publikoa, zorioneko. Irudi politak utzi ditu ikuskizunak. Bejondeilea hiru taldeei! 

Tags:

Herriko ondarea ezagutzera eman eta balioan jartzeko asmoz, Udalak San Martingo Ondaregunea birtualki bisitatzeko aukera ahalbidetu du, teknologiari esker. Bira birtualak xehetasun osoz azaltzen ditu museoko elementu guztiak, Ondare eta Turismoko zinegotzi Juan Bautista Mendizabalen eskutik. Euskara da erabiltzen den hizkuntza, eta azpitituluak gaztelaniaz daude.

Tags: ,

Udalak 211.136 euroko dirulaguntza lortu du Gipuzkoako Foru Aldundiaren eskutik, tenisko ekipamendu berriaren finantzaziorako.
Tenisko pistaren estaltze lanek 474.986,18 euroko aurrekontua zuten, eta beraz, dirulaguntzari esker kostu osoaren %44 finantzatuko da, Udalaren mesedetan.

Tags:

Azkoitiko Musika Bandak, Iraurgi Abesbatzak eta Sahatsa Dantza Taldeak, San Andres inguruan, bi urtez behin elkarlanean eman ohi duten ikuskizuna eskainiko dute larunbat honetan, azaroaren 19an. Hitzordua 19:00etan izango da Baztartxon eta sarrera doan izango da.
Aurtengoan, beti egin ohi duten bezala, gogo handiz landutako Oi Lur izenburutzat daraman ikuskizuna izango da ikusgai eta entzungai. Baserrietan, gure aiton amonei eta gurasoei egitea tokatu zaien lan gogor eta neketsua dakarte gogora, "egunero egunero bukaerarik gabeko lanaren agerpen artistikoa" oholtzaratuko dute, hain zuzen.

Tags:

Al Ar Az Og Or Lr Ig
3
4
9
10
16
17
© 2019 Azkoitiko Udala. Lege oharra