Berriak
Eguraldiaren iragarpena ikusita, arratsaldeko ikasleen kalejira bertan behera geratu da
Arratsalderako euria iragarrita dagoenez, Xabier Munibe Ikastolako eta Floreaga Ikastetxeko ikasle eta irakasleen desfilea bertan behera geratu da, eta ikastetxe barruan ospatuko dute mozorro festa. Halaber, eta arrazoi bera tarteko, Oihan Vegaren saioa Herriko Plazan izan ordez, Gurea Pilotalekuan izango da.
Lurraldebusen zerbitzua indartuko da inauterietan
Azpeitiko Inauteriak direla eta, Lurraldebusen lineek Urola Erdia eskualdean duten erabiltzaile kopuru handia ikusita, eta Azkoitiko alkate Ana Azkoitiaren eskaerari erantzunez, Mugikortasun, Turismo eta Lurralde Antolamendu Sailak Azpeitia eta inguruko udalerriak lotzen dituzten autobus zerbitzuak indartzea erabaki du.
Udalak Xabier Munibe ikastolako aretoan egokitzapen lanak burutu ditu
Udalak Xabier Munibe Ikastolako aretoan egokitzapen lanak burutu ditu. Aretoa erabilera anitzeko espazioa da.
Besteak beste, sabaian aireztapen mekanikoa ezarri da, eta zoru erradiatzailea ipini da lurrean, igeltserotza eta pintaketa lanak egiteaz gain. Obren aurrekontua 213.725,65 eurokoa da.
Hitzordu bikoitza Juan de la Rubia organistarekin, eta horietako bat Donostiako Orfeoiarekin
Juan de la Rubiak, Bartzelonako Familia Santuaren Basilikako organista titularrak, hitzordu bikoitza du Azkoitian, 700. urteurrenaren harira antolatutako egitarauaren baitan. Ostiral honetan, otsailaren 9an, eskainiko du lehenengo kontzertua eta Johann Sebastian Bach konpositorearen obrek osatuko dute erreportorioa, "bizitza osoan jo nezakeen eta inoiz nekatuko ez nindukeen konpositore bakarra". De la Rubia, organo munduan erreferentea dena estatuan zein nazioartean, Azkoitiko parrokian izango da berriro otsailaren 24an, orduan Donostiako Orfeoiarekin batera. “Otoitzetik berpiztera "errezitaldia eskainiko dute. Bi kontzertuak 20:00etan izango dira, eta sarrera doan izango da.
Udalari eskaerak, gaur koplatan
Usadioari jarraituz, Santa Ageda eguna koplak abestuz ospatu dute ikastetxeek. Santa Ageda bezpera igandea egokitu denez aurten, ospakizuna luzatu, eta gaur ere kalera atera dira Floreaga Ikastetxeko eta Azkoitia BHIko ikasle talde batzuk. Udaletxean izan dira bisitan, eta kopla dotoreak abestu dituzte. Ana Azkoitia alkateak ere bertsotan bota die erantzuna. Ikusi bideoan.
Udalak autobusa ipiniko du Donostiako Lilatoira joateko
Udaleko Berdintasun arloak autobus zerbitzua ipiniko du martxoaren 3an Donostian izango den 34. Lilatoian parte hartuko duten emakumeentzat. Lasterketa egunean, autobusa goizeko 8:15ean aterako da Xabier Munibe kaleko geralekutik, Aizkibel Liburutegi ondotik, hain zuzen.
Autobus zerbitzu berezi hau, doakoa, joateko bakarrik izango da, ez itzultzeko.
Autobusean tokia gorde nahi dutenek, Plaza Berri Sport saltokian (Ibai Ondo, 7) eman beharko dute izena otsailaren 23a baino lehen.
Udalak azoka plazako eraberri lanak berriro aterako ditu lizitaziora, prozesua hutsik geratu ostean
Udalak azaroan atera zituen azoka plazaren eraberritze lanak lizitaziora, 524.990,13 euroko oinarrizko aurrekontuarekin (BEZa barne). Enpresa bakarrak aurkeztu du eskaintza eta ez dituenez eskakizun teknikoak betetzen, lizitazioa hutsik geratu da. Udalak pleguak birplanteatu, eta berriro aterako ditu obrak lizitaziora.
Jarduerak hobekuntza nabarmenak aurreikusten ditu, hala nola, sabaiko fibrozementuzko plaka erretiratu eta egurrezko egitura duen estaldura jarriko da. Halaber, aire korrontea saihesteko, lau sarreretan gidaridun ate automatikoak ipiniko dira. Instalazio elektrikoak eta argiak berritzea ere aurreikusten da, irisgarritasuna hobetzearekin batera.
Azkoitiko, Azpeitiko, Ezkio-Itsasoko eta Zumarragako Udalek Buruzai parke eolikoaren aurreproiektuari alegazioak aurkeztu dizkiete
Azkoitiko, Azpeitiko, Ezkio-Itsasoko eta Zumarragako udalek, elkarrekin, hemeretzi alegazio aurkeztu dituzte Buruzai parke eolikoaren tramitazioa, aurkeztutako baldintzetan, gelditzeko, edo, bestela, aurretiazko administrazio-baimena ukatzeko eskatzeko. Hain zuzen, lau udal horien lurrak hartzen dituzte Buruzai parke eolikoak eta hari lotutako azpiegiturek.
Hainbat bileraren ondoren, Nagore Alkorta Azpeitiko alkateak, Ana Azkoitia Azkoitiko alkateak, Mikel Serrano Zumarragako alkateak eta Joseba Telleria Ezkio-Itsasoko alkateak alegazioak biltzen dituen dokumentua elkarrekin sinatu eta dagoeneko aurkeztu dute.
| Al | Ar | Az | Og | Or | Lr | Ig |
|---|---|---|---|---|---|---|
|
11
|
12
|
13
|
14
| |||
|
18
|
19
|
20
|
21
| |||
|
25
|
26
|
27
| ||||
