Euskararen Nazioarteko Egunari arratsaldez festa giroan eman zaio jarraipena. Musika, marrazkiak eta gaztain erreak, nagusi.
Portaleburun, halaber, Gaitu ahots grabaketa egiteko aukera dute herritarrek. Horra irudietan.

Azkoitiko ikastetxeetako haur eta gaztetxoak kalera atera dira gaur Euskararen Nazioarteko Eguna ospatzera. Euskal kantak abestuz egin dute euskararen aldeko aldarria. Sekulako plazakada osatu dute. Ana Azkoitia alkateak egin die harrera, suziria bota ostean.
Udalarekin batera, Herriko plazan agerraldia egin dute Xabier Munibe Ikastolako, Floreaga Ikastetxeko, Azkoitia BHIko eta Bizilore Eskola Aktiboko ikasleek.

Gazteria sailak ikuskizun, lantegi eta parke eskaintza zabala antolatu du Eguberrietarako, haur eta gaztetxoek aisialdiari ahalik eta etekinik hoberena atera diezaioten. Izen-emate epea gaur zabaldu da eta abenduaren 15era arte luzatuko da, edota, plazak bete arte.
Izen-ematea www.elkarguneazkoitia.eus atariaren bidez egin beharko da. Klikatu HEMEN

San Andres egunean pilotak ez du hutsik egiten. Kontzejupe pilota txapelketako azken partidak jokatu dira arratsaldez, eta jendetza bildu da txapelketari izena ematen dion tokian, Kontzejupean, alegia. Aurtengo edizioak baditu saridunak. Zorionak!

Txuri Urdin Elkartearentzat urte borobila da aurtengoa. Izan ere, San Andres jaietan antolatzen duen 40. pintura lehiaketa ospatu da gaur goizean. 400 haur eta gaztetxo inguruk zuten izena emana, baina azkenean, 700dik gora izan dira partaideak. Tenperen kategorian, 40 talde inguruk hartu dute parte. 8 eta 14 urte bitartekoek hartu dute parte. Zorionak irabazleoi eta partaideoi! Bejondeizuela! Eta zorionak Txuri Urdin elkarteari urtez urte egiten duten lanarengatik!

Saria jaso dute, lehenengotik hirugarrenera:

San Andres eguna kuttuna da herritarrentzat, eta horrela erakutsi dute beste behin. Baserritar jantziak soinean, jendea gogotsu atera da kalera. Euriak ere ez dio muzinik egin festari, eta goizean zehar euriaren etengabeko konpainia izan dugu. Hala ere, inor ez da kikildu, eta herritarrek erruz gozatu dute Aterpeak estimu handiz hartu dira, hori bai. Janari eta jantzi postuez, trikitilari eta txistulariez edota herri-kirolez. Horra goizak eman duena iruditan.

Azkoitiko Udalak, Lanbidek diruz lagunduta, bi peoi, administrari bat eta gizarte langilea kontratatuko ditu. Hiru lanpostuek, peoi batenak ezik, sei hilabeteko iraupena izango dute. Peoien kasuan, bat hiru hilabeterako kontratatuko da.
Lanpostuetan izena emateko epea abenduaren 5ean itxiko da.

Euskara sailak herritarrak animatu nai ditu Gaitu ahots grabaketa maratoian parte hartzera adimen artifizialak euskaraz egin dezan.

Herriko ikastetxeek egun bat atzeratuko dituzte Euskararen Eguneko ospakizun ekitaldiak. Aurten, abenduaren 3a, igandea egokitu denez, astelehenean, hilaren 4an, kalera aterako dira ikasleak euskararen aldeko aldarria egitera.

Tags:

Al Ar Az Og Or Lr Ig
11
12
13
14
18
19
20
21
25
26
27
© 2019 Azkoitiko Udala. Lege oharra