Berriak
Hiru abesbatza handiren kontzertua
Iesu, Goratzar eta Aita Garayoa abesbatzak elkartuko dira igandean, urriaren 29an, Gabriel Fauréren Requiem obra eta Mozarten Koronazio Meza eskaintzeko. Ahotsek, bidelagun, organoan, Loreto Aramendi izango dute.
Hiru abesbatza handik batuko dituzte euren ahotsak Parrokian eskainiko duten kontzertuan, 18:30ean.
Bakarlari gisa arituko dira Miren Anza, Kristina Larrea, Teresa Merino, Iñaki Irurzun, Iñaki Cárcamo eta José Ignacio Enparanza, Marina Lerchundi, Olatz Egiburu eta Iñaki Cárcamo zuzendarien batutapean.
Parrokiak antolatu du musika ekitaldia, Udalak lagunduta.
Azkoitiko Zarataren Mapa Estrategikoa, erakusketa publikoan
Azkoitiko Udala hainbat ekintza egiten ari da kutsadura akustikoaren kudeaketa eta kontrola hobetzeko planaren barruan. Aplikatu beharreko araudi autonomikoa betetzeko egingo da, 10.000 biztanletik gorako udal guztiek zarataren mapak egiteko betebeharra dutelako.
Jarduera planaren baitan, Azkoitiko Udala hainbat ekintza egiten ari da, besteak beste, hiri-aglomerazioko Zarataren Mapa Estrategikoa. Artikulu honetan jaso dugu dokumentazioa,eta erakusketa publikoan egongo da hilabetez.
Udalaren adierazpena, euskararen inguruko azken epaiaren aurrean
Azkoitiko Udalak ondorengo adierazpena onartu du, Euskal Autonomia Erkidegoko Auzitegi Nagusiak euskararen harira eman berri duen epaia dela eta. Epai horrek 179/2019 Dekretuaren zati bat baliogabetu du, Euskadiko Toki Erakundeei buruzko Legean (ETEL) aitortutako euskararen erabilera instituzionala eta administratiboa garatzeko. Ondorioz, Udalak adierazten du:
Musika Eskoletako Organoko ikasleek itxiko dute XXIV. Organo Erromantikoaren Zikloa
XXIV. Organo Erromantikoaren Nazioarteko Zikloa azken txanpan da, eta Azpeitiko Juan de Antxieta eta Bergarako Musika Eskoletako ikasleek emango die itxiera larunbat honetan, urriaren 28an. Parrokian eskainiko dute kontzertua, 20:00etan.
Azkoitiko Cavaille-Coll organoa jotzeko aukera izango dute Peio Lete, Oier Gaston, Itxaso Alberdi, Leo Joaristi, Lore Larrañaga eta Elena Laka organistek.
Errepertorioari dagokionez, J.S.Bach, C.Franck, M.Reger, T.Garbizu edota M.Durufle konpositoreen obrak eskainiko dituzte.
Urriaren 25eko udal osoaren ohiko bilkuraren gai zerrenda
1.- Aurreko bilkuretako akten onespena, hala badagokio.
2.- Azkoitiko udaleko hautatuen ordainsari eta dedikazioen aldaketaren onespena.
3.- 2023ko Udaleko Aurrekontua Gauzatzeko Udal Arauaren aldaketaren hasierako onespena.
4.- 2023 ekitaldiko udal langileen ordainsarien igoera gehigarriaren onespena.
5.- Kreditu gehigarri bidez kredituak aldatzeko 5 zenbakidun espedientearen hasierako onespena.
6.- EAJ-PNV udal taldeak aurkeztutako adierazpena, Euskal Autonomia Erkidegoko
Auzitegi Nagusiak euskararen harira eman berri duen epaia dela eta.
7.- Aurrekontuari buruzko informazioa.
8.- Galde-erreguak.
Hizkuntza Eskola Ofizialak geratu diren plaza hutsak betetzeko matrikulazioa ireki du
Hizkuntza Eskola Ofizialak hainbat fasetan esleitzen ditu plazak. Horregatik, matrikulazio-aldia irailetik urtarrilera arte luzatzen da ikasturtero. Hau da, oraindik posible da 2023-2024 ikasturterako matrikula egitea, oraindik geratzen baitira plaza hutsak, eta oraintxe da eskaera egiteko unea.
Ostegunean, hilaren 26an, plaza hutsen zerrenda argitaratuko da, eta Azkoitiko ikasgeletan ingelesa edo frantsesa ikasi nahi dutenek aurrez aurre egin ahal izango dute matrikula Gaztanenea Jauregian, bertan kokatzen baita hizkuntza eskola. Horretarako ezarritako eguna urriaren 30a da, astelehena, 15:30etik 20:00etara bitartean.
Alerta egoera haizeteengatik
Eusko Jaurlaritzak alerta laranja aktibatu du haizeagatik ageriko lekuetan gaurko, 10:00etatik 15:00etara, mendebaldetik joko duen haizeak 110/120 km/h-tik gorako boladak izango dituela espero baita, batez ere itsasertzeko eta itsasoko ageriko lekuetan. Era berean, Jaurlaritzak beste alerta laranja bat ere aktibatu du nabigaziorako itsasaldeko arriskuagatik, 12:00etatik 24:00etara bitartean, 5-6 metro inguruko olatuak altxatuko direla eta olatuen maiztasuna 12-13 segundokoa izango dela espero baita. Sasoiko lehenengo denboralea izango da.
Jose Luis Frantzesena eta Mariatxen Urkia, Organo Zikloaren hirugarren kontzertuaren protagonistak
Azkoitiko Parrokiko organista titularra, Jose Luis Frantzesena, eta Mariatxen Urkia sopranoa dira XXIV. Organo Erromantikoaren Nazioarteko Zikloaren baitan eskainiko den hirugarren kontzertuaren protagonistak. Hitzordua larunbat honetan, urriaren 21ean, 20:00etan izango da Parrokian. Sarrera doan da.
| Al | Ar | Az | Og | Or | Lr | Ig |
|---|---|---|---|---|---|---|
|
11
|
12
|
13
|
14
| |||
|
18
|
19
|
20
|
21
| |||
|
25
|
26
|
27
| ||||
