Berriak
Herrixenen outleta asteburuan izango da
Herrixen Azkoitiko merkatarien elkartean urtero egiten duen Outleta otsailaren 22 eta 23an egingo da, Elkargunean. Ordutegia honakoa izango da: larunbatean, 10:00-14:00 /16:00-20:00 eta igandean 10:00-14:00 / 16:00-19:00. Umeentzat zaintza zerbitzua ere egongo da.
Eskolako Agenda 21en aztarna ekologikoa landuko dute aurten
Aztarna ekologikoa, hori da aurtengo ikasturtean Azkoitiko ikastetxeetan Eskolako Agenda 21en barruan lantzen ari diren gaia. Energiaren, mugikortasunaren edota kontsumoaren inguruan hausnartuko dute, besteak beste, eskola eta herria jasangarria izateko ahaleginetan. Agenda 21 programaren helburua ikasleenga ingurugiroaren aldeko kontzientzia eta ohitura desberdinak sustatzea da, eta asmo horrekin Lehen Hezkuntzakoek garraioa, ura eta energiaren kontsumoaren inguruan lan egingo dute, eta Bigarren Hezkuntzan Azkoitiko aztarna hidrikoa eta energetikoa aztertuko dute.
Espainiako Estatuak 200.000 euro ordaindu beharko dizkio Iraurgi Berritzeni
Iraurgi Berritzeni 200.000 euro ordaindu beharko dizkio Espainiako gobernuak. Hala agindu du Espainiako Audientzia Nazionalak. Izan ere, bere garaian Mariano Raxoi presidente izendatu berriak garapen agentziari kendu egin zion laguntza hori, eta erabaki horren aurkako epaia iritsi da orain. Azpeitiko eta Azkoitiko alkateak diren Eneko Etxeberria eta Pello Bastarrikak, agerraldia egin zuten atzo, Iraurgi Berritzeneko zuzendaria Begoña Beobiderekin batera, ebazpenaren berri emateko.
Inauterietako Mozorro lehiaketan jada eman daiteke izena.
Ate joka datoz inauteriak eta Udala ari da dagoeneko festa prestatzen. Helduen mozorro lehiaketa eta taberna apainketa lehiaketa martxoaren 1 gauena egingo dira, eta parte hartu nahi dutenek dagoeneko eman dezakete izena, udaletxeko harrera bulegoan. Izena emateko azkeneko eguna otsailaren 28a da, eta parte hartzeko ezinbestekoa izango da 16 urtetik gora izatea.
Gazteekin partaidetza prozesua abiatu du Udalak, eurentzat politika integralak martxan jartzeko
Gaztien Herrixe, moiu ipurdixe! partaidetza ekimena martxan jarri berri du Azkoitiko Udalak, herriko gazteekin elkarlanean, gobernu irekiaren filosofiaren barruan: "Asmo horrekin jarri genuen martxan Danon Herrixe prozesua orain bi urte, eta bide hori sendotu nahi dugu orain, gazteekin. Konturatu gara gazteen egoera eta joerak aldatu egin direla, orain gehienak lokaletan biltzen direla, eta guk, erakundeok, gazteekiko politikak egiterakoan, egoera berrira egokitu behar dugula. Gazteek zer pentsatzen duten eta zer behar duten entzun eta eurei dagozkien kontuak nola kudeatu eurekin batera erabaki nahi dugu", hala laburbildu du Agurtzane Epelde Gazteria Saileko zinegotziak. Azkoitiko gazteen egungo egoeraren inguruko diagnostiko bat egitea da helburua, gero horren araberako politikak diseinatzeko, beti ere gazteekin elkarlanean. Horregatik, gazteen beharrak, kezkak, iritzia eta ekarpenak biltzeko afari topaketak antolatu dituzte martxoaren 14 eta 28rako.
Abortu legearen erreformaren aurkako mozioa onartu du Udalak
Espainiako Gobernuak egin nahi duen abortuaren erreforma aho batez errefusatu dute Azkoitiko udalbatzako kide diren alderdi guztiek. Hemen zinegotzi guztiek aho batez onartutako mozioa.
Santaeskean udaletxera
Santa Ageda bezperan Xabier Munibe ikastetxeko BHI 2ko ikaslean udaletxean izan ziren atzo eskean, usadio zaharrari jarraituz. Bertan, ikasle zein irakasleek udal agintarientzat propio prestatutako koplak abestu zizkieten Esther Lizarralde alkate ordeari eta gainerako zinegoitziei, makillekin lurra gogor kolpatuz. Egun osoan aritu ziren eskean ikasleak, eta bildutako dirua Port Aventura parkera bidaia bat egiteko erabiliko dute. Hemen dituzu bixita hortako argazkiak.Gaur arratsaldean (asteartea), zurrumurruen aurkako tailerra
Zurrumurruen aurkako dinamikak aurrera segitzen du eta gaur arratsaldean (otsailak 4, asteartea) beste tailer bat egingo da. 18:30ean izango da, Elkargunean, Aniztasun Sailak eta SOS Arrazakeriak elkarlanean antolatuta.| Al | Ar | Az | Og | Or | Lr | Ig |
|---|---|---|---|---|---|---|
|
11
|
12
|
13
|
14
| |||
|
18
|
19
|
20
|
21
| |||
|
25
|
26
|
27
| ||||
