Udalak Urte Zahar gauean suziri edo objektu hegalaririk ez jaurtitzeko eskatzen die herritarrei, eragiten dituzten sute arriskuak edo sor ditzaketen kalteak saiheste aldera. Azken urteotan, ospakizunetan askotan erabili ohi dira argidun globo edo kandela flotagarriak. Sugar bati esker artefaktuak gorantz egiten du baina ezinezkoa da norabidea kontrolatzea, haizearen menpe geratzen delarik sute arrisku handia eraginez zuhaitzak dauden guneetan, landa eremuetan, arropak zintzilikatzen diren tokian, instalazio industrial edo energetikoetan, e.a. Gabonetan ohikoak izaten dira suziri, bengala edo dena delako artefaktu piroteknikoak. Honen aurrean, Udalak eskatzen du horrelako objekturik ez jaurtitzeko herritarren eta espazioen segurtasuna bermatze aldera.

Hamar minutuko elkarretaratze isila egin dute Herriko plazan udal ordezkariek eta bertaratu diren herritarrek, Bilbon jazotako hilketa matxista irmoki gaitzesteko. Izan ere, ez Azkoitian ez beste inon ez du tokirik indarkeria matxistak, eta horrelako ankerkeriak eta emakumeen aurkako bestelako indarkeria zantzu guztiak desagerrarazteko lanean jarraitzea premiazkoa izaten jarraitzen du.

Tags:

Udalak elkarretaratze isila deitu du biharko Bilbon gertatutako emakumearen hilketa matxista gaitzesteko. Elkarretaratzea bihar, osteguna, 12:00etan egingo da Herriko plazan, eta herritarrei bat egiteko deia luzatzen die. 
Udalak bere gaitzespenik irmoena azaldu du jazotako krudelkeriaren aurrean, eta elkartasuna adierazten die biktimaren senideei eta hurbilekoei.

Tags:

Kursaal Eskura egitasmoaren baitan, urtarrilaren 13an, autobusa jarriko da Azkoititik Donostiara joan-etorria egiteko, Mahler Chamber Orchestrak eta Mitsuko Uchida pianistak eskainiko duten kontzerturako. Emanaldia 20:00etan izango da Kursaaleko Auditorioan eta Azkoititik autobusa 18:30ean aterako da, Julio Urkixoko geltokitik (Eroski “Consum” aurretik).

Tags:

Gure artean dira Olentzero eta Mari Domingi. Ibilgailu klasiko dotorea jarri zaie, Azkoitiko bazter guztietara erraz iris daitezen. Haurren gutunak jaso dituzte eta bikoteak azaldutakoaren arabera, lan asko izango dute gaur gauez, baina lanak ez ditu beldurtzen. Irrikaz daude etxez etxe opariak banatzeko, beraz, gaur goiz-goiz oheratzeko gomendioa luzatu dute.Ikusi irudiak.

Kirola eta kirolariak izan dira protagonista, udaletxeko batzar aretoan izan den Urteko Kirolari Onenaren sari banaketa ekitaldian. Txalo zaparrada artean jaso du sari nagusia Julen Alberdi, Txikia IV.enak Javier Zubizarreta alkatearen eskutik.
"Eskerrik asko -esan du Alberdik- balorazioarengatik. Urte ona izan da guretzat, baina herrian beste kirolari handi asko dago, eta jarrai daigun sufritzen eta lanean, zeren lana egin ezkero, emaitzak bere kasa etortzen dira".

Tags:

Azkoitiak 2023an 20.091.592 euroko aurrekontu kontsolidatua izango du; horietatik 16.760.000 euro Udalaren kontuei dagozkie, eta gainerakoa Zubiaurre Institutuaren, San Jose Egoitzaren eta Azkoitia Lantzen sozietatearen artean kudeatuko da. Aurrekontua EAJ/PNV eta PSE-EEren aldeko botoekin onartu da. EH Bilduk eta Azkoitia Baik kontrako botoa eman dute.
Kontuek arlo sozialean jartzen dute arreta, baita sustapen ekonomikoan ere, eta igoera esanguratsua izango dute Gizarte Zerbitzuen sailak, Kulturak eta Kirolek.

Udalak eta Herrixen elkarteak gaur eman dituzte jakitera aurtengo Gabonetako Erakusleiho Lehiaketako saridunak. Aizterri Home saltokiak jaso du lehenengo saria. Irabazleak, Txaro Alberdik, Ana Azkoitia Merkataritza zinegotziaren eskutik jaso du saria.
Epaimahaiaren hitzetan, "erakusleihoaren aurkezpena dotorea da, argiztapen egokiarekin; erakusgai dagoen produktuaren ezaugarriak goraipatzen ditu, eta bezeroak Aizterriren munduan sartzera gonbidatzen ditu".
Bigarren saritua Beatriz Pozo Dekorazioa suertatu da, eta hirugarrena, Ainhoa gizonezkoen ile-apaindegia.

Al Ar Az Og Or Lr Ig
11
12
13
14
18
19
20
21
25
26
27
© 2019 Azkoitiko Udala. Lege oharra