Berriak
Urola Kosta eta Urola Erdiko lehen Lanbide Heziketa eta Enplegu Azoka egin da
Gaur Urola Kosta eta Urola Erdiko lehen Lanbide Heziketa eta Enplegu Azoka egin da Zarautzen, eta bertan parte hartu du Izarraitz Lanbide Heziketak. Halaber, Iraurgi Berritzeneko eta Urola Kostako Udal Elkarteko lehendariek, Ana Azkoitiak eta Ion Arozenak, bisitatu dute azoka beste hainbat udal ordezkarirekin batera.
Azoka Urola Kosta eta Urola Erdiko Lanbide Heziketako ikastetxeek, Garapen Agentziek eta Lanbide-Euskal Enplegu Zerbitzuak antolatu dute, elkarlanean, talentuaren sorrera, erakartzea eta mantentzea sustatzeko.
“English for travel” eta “Afternoon tea” ekimenak antolatu ditu Udalak ingelesean trebatzeko
Udaleko Hezkuntza arloak “English for travel” eta “Afternoon tea” ekimenak antolatu ditu ingelesean trebatu nahi dutenentzat. Saioak Gaztanenea Formazio Zentroan eskainiko dira, eta doakoak eta irekiak dira, beraz, nahi duen orok har dezake parte.
“English for travel” saioetan, bidaietan erabili ohi den oinarrizko hiztegia eta esamoldeak landuko dira, alegia, aireportuetan, geltokietan, hoteletan edota jatetxeetan ohikoa den hiztegia. Ingelesa ama hizkuntza duen Len Bux irlandarrak zuzenduko ditu saioak.
Martxoaren 7an, 14an eta 21ean izango dira, 19:30etik 20:30era bitartean.
Bigarren ekimena, “Afternoon tea” da. Solasaldirako talde bat osatuko da, eta tea eta opilak dastatuz, ingelesa praktikatzea da helburua. Saioa hauek ere Len Buxek gidatuko ditu.
Martxoaren 12an, apirilaren 9an eta 23an, eta maiatzaren 7an izango dira “Afternoon tea” saioak, 16:00etatik 17:30era bitartean. Hauek ere irekiak eta doakoak dira.
Ez da beharrezkoa aurrez izena ematea. Edozein zalantza argitzeko Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidera idatzi daiteke.
Oharra: Hauteskunde zentsoaren erakusketa
Herritar guztiei adierazten zaie, Hauteskunde Zentsoa, hain zuzen datozten hauteskundeetan erabiliko dena, Udaletxeko Harrera Bulegoan ikusgai egongo dela martxoaren 4tik 11ra bitartean, biak barne, beharrezko kexak aurkezteko.
Jon Artanok “Juana” liburua aurkeztuko du bihar, M8-ko egitarauaren barruan
Jon Artano kazetariak bere “Juana” liburua aurkeztuko du bihar, martxoaren 5ean, 18:30ean, Elkargunean (Oteiza gelan). Jarduera M8 Emakumeen Nazioarteko Egunaren bueltan Udaleko Berdintasun arloak antolatutako egitarauaren barruan eskainiko da.
Kursaal Eskura: autobusa Bach-en “Nekaldia San Joanen arabera” kontzerturako martxoaren 19an
Kursaal Eskura egitasmoaren baitan, martxoaren 19an, autobusa jarriko da Azkoititik Donostiara joan-etorria egiteko, Andrea Marconen zuzendaritzapena, La Cetra Baroque Orchestra & Vocalconsort Basel izango da Kursaaleko eszenatokian, eta Bach-en “Nekaldia San Joanen arabera” obra interpretatuko du. Emanaldia 19:30ean izango da Kursaaleko Auditorioan eta Azkoititik autobusa 18:00etan aterako da.
“Indusen ibilbideak” erakusketak zabalduko du M8 Emakumeen Nazioarteko Egunaren bueltako egitaraua
"Izan zirelako gara, garelako izango dira". Horixe da Udaleko Berdintasun arloak M8 Emakumeen Nazioarteko Eguna ospatzeko aukeratu duen leloa. Urte luzeetan gizonen eta emakumeen arteko berdintasunaren alde borrokan aritu diren emakumeak gogora ekarri, diogun zorra aitortu, eta aurrera begira, emakumeak ahalduntzen jarraitzera gonbidatzen duen hausnarketa eguna dugu M8, generoari lotutako bidegabekeriak desagertu daitezen. Berdintasun arloak M8aren bueltan egitarau zabala antolatu du eta ostiral honetan bertan, martxoaren 1ean, emango zaio hasiera Igone Mariezkurrenaren "Indusaren bideak" erakusketaren irekierarekin.
Martxoaren 16an duatloian parte hartzera animatzeko deia egin du Azkoitri Triatloi Klubak
Martxoaren 2an eta 9an informazio eta simulakro saioak egingo dituzte, parte hartu nahi dutenei zalantzak argitzeko asmoz. Duatloian izena emateko azken eguna martxoaren 11 da.
“Korrika egiten dakienak eta bizikletaz Santa Kutz igotzeko gai denak, parte har dezakete”. Horixe da Azkoitiko Duatloiaren antolatzaileek herritarrei luzatu nahi dien mezua, beldurrik ez izateko, alegia, eta parte hartzera animatzeko, “kirol-festa eta egun ederra” izango baita. www.azkoitikoduatloia.eus atarian eman beharko da izena, eta horretarako azken eguna martxoaren 11 da.
Gloria Alberdi Mendizabalek 100. urtebetetzea ospatzen du gaur
Gloria Alberdi Mendizabal 1924an jaio zen gaurko egunez. 100. urtebetetzea ospatzen ari da etxekoen konpainia goxoan. Senitartekoez inguratuta, udaletxean izan da, eta bertan zoriondu du Ana Azkoitia alkateak.
Herriaren izenean, oroigarria eta lore-sorta oparitu dizkio alkateak, ehun urte ez baitira egunero betetzen. Irribarrerik galdu gabe, alai eta hiztun, urtebetetzea gogotik ospatzeko grinez azaldu da Gloria Alberdi, Jose Manuel Larramendi zenaren alarguna. “Gaur nire eguna”, zihoen adoretsu.
| Al | Ar | Az | Og | Or | Lr | Ig |
|---|---|---|---|---|---|---|
|
18
Data :
2021-09-18
| ||||||
|
21
|
22
|
23
|
24
| |||
|
28
|
29
|
30
| ||||
