Berriak
Azkoitia txukunago, solidarioago eta biziago baten aldeko apustua egin nahi du Udal Gobernuak 2014ko aurrekontuetan
2014ko aurrekontuan lantzen ari da egunotan Udala, eta udal gobernuak jada aurkeztu du bere proposamena. "Azkoitia txukun, solidario eta bizi bat sustatzeko" aurrekontuak proposatu ditu, Urrategi Alberdik azaldu bezala, eta honako puntutan laburbildu dituzte euren asmoak:
Azkoitia txukun bat nahi du egungo udal gobernuak, eta horretarako, 9 lanpostu berri sortzeko partidak aurreikusi ditu. Aldi baterako kontratazioak dira, 5 hilabetekoak. Horietako 4 azaroan kontratatuta daude. Dagoenekoz hasi dira bankuak lijatu eta margotzen.
- Auzoen arteko lotura egin ahal izateko autobus urbanoaren zerbitzua ere martxan jarriko dute. Zerbitzu berri horrek batik bat San Martin, Floreaga, Ipintza, Altzibar, edo San Jose egoitza inguruan bizi diren herritarren bizi kalitatea nabermen hobetzeko balioko duela uste du Udalak, "autoaren erabilera gutxituko delako eta ondorioz herritar guztion mezederako izango delako". Aurrekontua onartu bezain pronto lizitazioa aterako du udalak.
Euskararen egunerako hainbat ekitaldi elkarlanean antolatu dituzte Euskara Mahaiko kideek
Asteartean, abenduaren 3an, Euskararen Eguna ospatuko da, eta horren harira egitarau osatua prestatu du Azkoitiko Euskara Mahaiak.Ikasturte berriarekin batera, Euskara Mahaia sortu zuten euskararen inguruan herrian lan egiten duten eragile desberdinek; Maxixatzen Euskaldunon Elkartea, Banaiz Bagara elkartea, Auzoko egitasmoa, Azkoitiko Xirikatzen Kultur Mahaia, Azkoitiko Udala, Xabier Munibe ikastola, Floreaga salestar ikastetxea, Erniarraitz Bertsozale Elkartea, Azkoitiko AEK eta Urola Kostako Hitza egunkaria aldiro elkartzen gara, bakoitzak egiten duen lanaren berri izateko beharrak hala bultzatuta.
Euskararen Mahaiak emandako lehenengo fruitua izan da Euskararen Egunerako elkarlanean prestatutako egitaraua. Egun berezia izango da asteartekoa, baina euskara ez da urteko egun batera mugatzen. Beraz, aurten Azkoitian euskarak 365 egun. Geu izateko euskararen herrian lema izango dute ospakizunek, eta goiz eta arratsaldez euskararen aldeko aldarriak hartuko ditu Azkoitiko kaleak. Hona egitaraua:
Eguraldiak ez zuen eten festa
Bustita eta haizetsu. Hala joan aurtengo Sanandresak. Baina halere festa giroa ez da falta izan herrian: baserritar jantzi eta kalera irten ziren azkoitiarrak, festak gozatzera. Eguraldiaren ondorioz, Azoka plazak aparteko protagonismoa hartu zuen, bertan egin baitziren marrazki eta modela lehiaketak eta baina herri kirolak ere, eta leporaino bete ziren inguruak. Ana Bastidak ere jaso zuen erakuslehio lehiaketako saria. Hemen dituzue festako argazki batzuk.
Erakusleiho hutsak apainduta, sari banaketarako prest
Kale Nagusiko eskaparate lehiaketaren emaitzak ikusi daitezke jada. Ana Bastida eta ATABE taldeak irabazi zuten lokal huts horiek apaintzeko lehiaketa, eta dagoeneko egin dituzte egin beharreko apainketa lanak. Emaitza ikusgarria da: orain arte hutsik ageri ziren lokalek beste kolore eta itxura biziago bat erakusten dute, eta emaitzarekin oso gustura dago bai Bastida bera eta baita Udala ere. Behin lanak bukatuta, bihar eguerdian (San Andres eguna) jasoko du saria Ana Bastidak eta bere taldeak. 12:00etan izango da ekitaldia, Udal pleno aretoan.
Banatu da Bai Euskarari Ziurtagiridun zozketako sarietako bat
Bai Euskarari Ziurtagiridun dendetako zozketak badu lehen irabazlea: Iñigo Etxaniz Aranbarrik eskauratu du 200 euroko erosketa txartela, Olaberri pub-ean banatutako 1483 zenbakidun txartelari esker. Beste bi sariak, 1423 zenbakiduna, NHOA Estudioan banatutakoa, eta 0514 zenbakiduna, Arrospide oinetakoak dendan emandakoa, momentuz ez dira agertu. Txartel saritu horien jabeak euskara zerbitzutik pasatu behar dute txartel irabazlea eskuan dutela saria jasotzera, abenduaren 6a baino lehen.
San Jose egoitza eta eguneko zentroan hobekuntzak egin ditu Udalak
Azkoitiko adinekoek ahalik eta bizi kalitate hoberena izatea nahi du Udalak. Horregatik, eta hori bermatzeko, San Jose Egoitzaren eta eguneko zentroaren azpiegiturak eta zerbitzuak hobetzeko hainbat lan egin berri ditu, zerbitzu horiek erabiltzen dituzten herritarren mesederako. Hala, 50 ohe berri jarri dira, egoiliarren beharretara hobeto egokitzeko. Ohe horiek psikogeriatria sailean eta egoitzaren gune zaharrean jarri dira, bertako erabiltzaileek baitzuten premia gehien. Horrez gain, dagoeneko hasi dira logeletako gau mahaiak aldatzen, eta urtea amaitzerako guztiak aldatzea espero da. Ohe estalkiak eta gortinak ere aldatuko dira. Bestalde, gizarte laguntzaileentzat bulego bat ere jarri da, euren zerbitzua hobeto eskaintzeko, eta hainbat gunetan zorua berritu da.
500.000 euro zerbat inbertitu erabakitzeko azken bilera
Diputazioak Urola Erdian martxan jarri duen partaidetzazko aurrekontuen prozesua bukaerara heltzen ari da. 500.000 euroak zertan erabili erabakitzeko azken bilera bihar izango da (azaroak 28), eta bertan 30 proiektuen artean erabaki beharko dute herritarrek. (hemen duzue zerrenda). Bertaratu eta parte hartu, datorren urtean eskualdean ze lan egin zuen esku dago eta! Bilera Sanagustinen izango da, 18:30ean.
Indarkeria matxistaren aurka antolatutako ekintzetan parte hartzera deitu du Udalak
Azaroak 25, indarkeria matxistaren nazioarteko eguna da eta aldarrikapen horren harira hainbat ekitaldi antolatu ditu Azkoitiko Emakumeen Mahaiak Azkoitian. Aldarrikapen horiekin bat egiten du Udalak, eta mobiliziazioetan nahiz bestelako ekintzetan parte hartzera deitzen ditu azkoitiarrak, besteak beste herriko plazan 19:00etan egingo den elkarretaratzera. Indakeria matxistari aurre hartu!
| Al | Ar | Az | Og | Or | Lr | Ig |
|---|---|---|---|---|---|---|
