Berriak
Basoak kudeatzeko eredu berri bat aztergai
Azkoitiko basoen kudeaketa eredu berri at sustatzeko asmoz, hitzaldi berezia antolatu du Udaleko Ingurumen sailak urtarrilaren 2rako. Honako gaia jorratuko da hitzaldi horretan: shiitakegintza, gaztaina, haritza eta artearen laborantza produktiboa eta onddo eta miskaloen ekoizpena. Arlo horretan Azkoitian dagoen eredu bat ere ezagutuko dute hitzaldi horretan. Esan bezala, urtarrilaren 2an izango da hitzaldia, Elkargunean, 18:30ean.
Aleson, Legarra eta Aizterri eta Maina, urteko onenak
2013ko onenak aukeratzeko ekitaldia egin zen iragan ostiralean udaletxeko pleno aretoan. Bertan, Bizenta Mogel ipuin lehiaketako sariak eman ziren aurrena, eta honakoak izan ziren irabazlean: Iraitz Legarra, Itziar Aramendi eta Goiuri Epelde. Ondoren, Gabonetako eskaparate lehiaketako irabazleak izendatu ziren: Aizterri eta Maina dendak eta Ainhoa gizonezkoen ile apaindegiak egindako lana saritu zen. Eta azkenik, urteko kirolari onena aukeratu zuten bertaratutakoek: herriko kirol elkarte bakoitzetik kirolari hoberenei diploma eta oroigarri bana eman zitzaien aurrena eta ondoren, bertaratutako guztiek bozkatu zuten onena aukeratzeko: Imanol Aleson mendi korrikalariak lortu zuen boto gehien, eta ondorioz, bera da 2013ko Azkoitiko Kirolari onena. Hemen dituzue ekitaldiko argazkiak
Zabor bilketa zerbitzurik ez da egongo 25ean eta urtarrilaren 1ean
Gabonak direla eta, abenduaren 25ean eta urtarrilaren 1ean ez dela zabor bilketa zerbitzurik egongo.Egun hauetan, Azkoitiko herria txukun egon dadin, honako eskaera luzatzen dizuegu:
- Abenduaren 24an eta 31an, zabor poltsarik ez ateratzea.
- Zabor poltsa, abenduaren 25ean eta urtarrilaren 1ean, arratsaldeko 20:00etatik aurrera ateratzea.
Neurri hauek hartuz gero, denen artean herria txukun egotea lortuko dugu.
365 egunetan euskaraz
Abenduaren 3an, Euskararen Nazioarteko Egunean, mural bat margotu zuten herritarrek Udane Juaristi artistarekin batera. Mural hori egokitu eta Herriko Plazan jarri du orain Udalak. Azkoitian urteko 365 egunetan euskaraz!
Eskualdeko Turismo bulegoak 20.000 bisitariko langa gainditu du aurten
Eskualdeko Turismo Bulegoa Loiolan dago kokatuta, eta Azkoitiko eta Azpeitiko Udalak sustatzen dute, Iraurgi Berritzenen bidez. Bulego horrek, aurreneko aldiz, 20.000 bisitariren langa gainditu du aurten: zehazki, 21.332 lagun sartu dira bulego horretara informazio bila aurten, 2012an baino %11 gehiago. Bisitarien ia erdia (%47) Espainiatik etorri da, %17an Hego Euskal Herritik, %9a Kataluniatik, eta gainerakoak munduko beste herrialde batzuetatik. Bidaiatzeko moduari dagokionez, gurera etorri direnen %68a taldean etorri da, eta banaka %32a. "Bailarako egoera sozio-ekonomikoa kontuan hartuta, datu positiboa dela uste dugu, batez ere kontuan hartuta turismoa aukeraz betetako sektorea dela eta ekonomian izan dezaken eragina biderkatzailea dela", hala adierazi dute Pello Bastarrika Azkoitiko alkateak eta Eneko Etxeberria Azpeitikoak.
Gabonetako erosketen inguruko gomendioak eman ditu kontsumitzaileen informaziorako udal bulegoak
Azkoitiko kontsumitzaileen Informaziorako udal bulegoak gabonetan egiten ditugun erosketen inguruan honako gomendio sorta eman du:PREZIOA: Eskura erosten ditugun produktuak ordaindu beharreko zenbateko osoa adierazi behar du, eraskusleihoetako produktuen prezioak kanpotik ikusteko moduan jarri behar ditu saltzaileak (salbuezpenak ezik) eta gainera ordaintzeko era desbendinen berri ere adieraztera behartuta dago.
PRODUKTOEN ITZULKETAK: Erosten dugun produktuak, inolako akatsik ez badu, itzultzeko eskubiderik ez dugu, hala ere, zenbait dendatan onartzen dute dirua itzultzea, produktua aldatzea edo erosketa txartel bat ematea erositakoaren ordez. Oso garrantzitsua da erosi aurretik galdetzea dendak ematen dituen aukerei eta baldintzei buruz. Dirua itzultzeko aukera izateko, gainera dendak hala adierazi beharko du (idatzita egon behar du nonbaiten).
Zazpi proiektu, landa garapena indartzeko
Liztor beltzari aurre egiteko egitasmo bat, landa eremuaren biziberritzea eta laguntza pertsolana sustatzen dituen beste bat, arrautza ekologikoen ekoizpena helburu duen proiektu bat, ur zikinen harazketa eta berrerabilpenerako sistema berri bat, autokontsumorako haize errotaren egitasmo bat, landa jatetxe proiektu bat, eta bisita tailer gidatuak egiteko egitasmo bat. Proiektu horiek saritu ditu Urkomek. Ostiralean banatu ziren, Sanagustin Kulturgunean. Guztira, 26 proiektu aurkeztu dira eta 7 izan dira sarituak. Sei sari epai-mahaiak aukeratutako proiektuen egileek jaso dituzte; zazpigarrena, berriz, bozka gehien jaso duen proiektuak irabazi du. Azaroaren 28tik abenduaren 12ra bitartean 757 bozka eman dituzte erabiltzaileek, eta botoen %58,1 jaso du bozka-bidezko sari berezia jaso duen proiektuak.
Kirolari onenaren sariarekin, ostiralean abiatuko da Gabonetako programazio berezia
Ostiralean (hilak 20) aukeratuko da urteko kirolari onena eta orduan banatuko ditu Udalak Gabonetako eskaparate onenaren eta Bizenta Mogel ipuin lehiaketaren sariak. 19:30ean izango da ekitaldia, udaletxeko pleno aretoan, eta sari banaketa horrekin ekingo zaie aurtengo Eguberrietako programazio bereziari. Hortik aurrera, asteburuan Gabon kanta emanaldia eta Imanol Ituño magoaren ikuskizuna izango dira, eta datorren astean Pirritx eta Porrotxen emanaldia, Olentzeroren bixita... Hemen duzue egitarau osoa.| Al | Ar | Az | Og | Or | Lr | Ig |
|---|---|---|---|---|---|---|
