Kontzertua azaroaren 14an izango da, 19:30ean, Kursaalean. Azkoititik autobusa 18:00etan aterako da. Interesdunek erreserba egin beharko dute azaroaren 8a baino lehen.

Kursaal Eskura egitasmoari esker, Azkoititik autobusa jarriko da Jordi Savall zuzendariak bere Le Concert des Nations orkestrarekin Donostian eskainiko duen kontzerturako. Savallek, bere belaunaldiko musikaririk polifazetikoenak, “Los elementos y las furias” izeneko azken proiektua aurkeztuko du.
Kontzertua azaroaren 14an izango da, 19:30ean, Kursaalean.

Tags: ,

Azaroaren 12an izango da 58. Behobiako lasterketa eta hara joateko Udalak autobusa jarriko du. Autobusa joateko bakarrik izango da eta norberak moldatu beharko du gero bueltatzeko.
Autobusean joan nahi duenak Elkargunean eman beharko du izena eta doan izango da. Izen ematea urriaren 30ean hasiko da. Autobusa goizeko 7.30ean aterako da Udal Liburutegi aurretik. 55 plazako autobusa hartuko du Udalak eta izen-emate ordena jarraituko da eserleku guztiak bete arte.

Iesu, Goratzar eta Aita Garayoa abesbatzak elkartuko dira igandean, urriaren 29an, Gabriel Fauréren Requiem obra eta Mozarten Koronazio Meza eskaintzeko. Ahotsek, bidelagun, organoan, Loreto Aramendi izango dute.
Hiru abesbatza handik batuko dituzte euren ahotsak Parrokian eskainiko duten kontzertuan, 18:30ean.
Bakarlari gisa arituko dira Miren Anza, Kristina Larrea, Teresa Merino, Iñaki Irurzun, Iñaki Cárcamo eta José Ignacio Enparanza, Marina Lerchundi, Olatz Egiburu eta Iñaki Cárcamo zuzendarien batutapean.
Parrokiak antolatu du musika ekitaldia, Udalak lagunduta.

Tags:

Azkoitiko Udalak ondorengo adierazpena onartu du, Euskal Autonomia Erkidegoko Auzitegi Nagusiak euskararen harira eman berri duen epaia dela eta. Epai horrek 179/2019 Dekretuaren zati bat baliogabetu du, Euskadiko Toki Erakundeei buruzko Legean (ETEL) aitortutako euskararen erabilera instituzionala eta administratiboa garatzeko. Ondorioz, Udalak adierazten du:

 XXIV. Organo Erromantikoaren Nazioarteko Zikloa azken txanpan da, eta Azpeitiko Juan de Antxieta eta Bergarako Musika Eskoletako ikasleek emango die itxiera larunbat honetan, urriaren 28an. Parrokian eskainiko dute kontzertua, 20:00etan.

Azkoitiko Cavaille-Coll organoa jotzeko aukera izango dute Peio Lete, Oier Gaston, Itxaso Alberdi, Leo Joaristi, Lore Larrañaga eta Elena Laka organistek.
Errepertorioari dagokionez, J.S.Bach, C.Franck, M.Reger, T.Garbizu edota M.Durufle konpositoreen obrak eskainiko dituzte.

1.- Aurreko bilkuretako akten onespena, hala badagokio.
2.- Azkoitiko udaleko hautatuen ordainsari eta dedikazioen aldaketaren onespena.
3.- 2023ko Udaleko Aurrekontua Gauzatzeko Udal Arauaren aldaketaren hasierako onespena.
4.- 2023 ekitaldiko udal langileen ordainsarien igoera gehigarriaren onespena.
5.- Kreditu gehigarri bidez kredituak aldatzeko 5 zenbakidun espedientearen hasierako onespena.
6.- EAJ-PNV udal taldeak aurkeztutako adierazpena, Euskal Autonomia Erkidegoko
Auzitegi Nagusiak euskararen harira eman berri duen epaia dela eta.
7.- Aurrekontuari buruzko informazioa.
8.- Galde-erreguak.

Hizkuntza Eskola Ofizialak hainbat fasetan esleitzen ditu plazak. Horregatik, matrikulazio-aldia irailetik urtarrilera arte luzatzen da ikasturtero. Hau da, oraindik posible da 2023-2024 ikasturterako matrikula egitea, oraindik geratzen baitira plaza hutsak, eta oraintxe da eskaera egiteko unea.
Ostegunean, hilaren 26an, plaza hutsen zerrenda argitaratuko da, eta Azkoitiko ikasgeletan ingelesa edo frantsesa ikasi nahi dutenek aurrez aurre egin ahal izango dute matrikula Gaztanenea Jauregian, bertan kokatzen baita hizkuntza eskola. Horretarako ezarritako eguna urriaren 30a da, astelehena, 15:30etik 20:00etara bitartean.

Eusko Jaurlaritzak alerta laranja aktibatu du haizeagatik ageriko lekuetan gaurko, 10:00etatik 15:00etara, mendebaldetik joko duen haizeak 110/120 km/h-tik gorako boladak izango dituela espero baita, batez ere itsasertzeko eta itsasoko ageriko lekuetan. Era berean, Jaurlaritzak beste alerta laranja bat ere aktibatu du nabigaziorako itsasaldeko arriskuagatik, 12:00etatik 24:00etara bitartean, 5-6 metro inguruko olatuak altxatuko direla eta olatuen maiztasuna 12-13 segundokoa izango dela espero baita. Sasoiko lehenengo denboralea izango da.

Al Ar Az Og Or Lr Ig
© 2019 Azkoitiko Udala. Lege oharra