Udalbatza berezia egin dute gaur goizean Eskolako Agenda 2030 programan parte hartzen duten eskoletako ikasleek eta udal ordezkariek. Floreaga ikastetxeak, Azkoitia BHI-k, Izarraitz Lanbide Heziketak eta Bizilore Eskola Aktiboak hartzen dute parte egitasmoan, eta ikasturtean zehar landutako gaien harira, hainbat proposamen luzatu dizkiete ikasleek udal ordezkariei. Javier Zubizarreta alkateak hartu ditu ikasleak eta adi entzun ditu gaztetxoen eskaerak. Alkateak eskerrak eman dizkie egindako lan mardulagatik, eta mahaigaineratutako proposamen gehienak egingarriak direla-eta, aurrera eramateko konpromisoa azaldu die.

Tags:

Udaleko Ondare arloaren eskutik, plaka jarri da olerkari, hizkuntzalari eta historialari handia izan zen Jose Ignacio Aranaren (Azkoitia1838 - Oña, Burgos 1896) jaiotetxean, Santa Klara kalean, 35 zenbakian, alegia. Bertan, Azkoitian, bizi izan zen Arana Jesusen Lagundian sartu bitartean.
Bere heriotzaren mendeurrenean, 1996ko abenduaren 20an, Azkoitiko herriak eta Euskaltzaindiak omenaldia egin zioten eta orduan jarri zuten jatorrizko plaka. Gerora, denborarekin, desagertu egin zen eta orain, Udalak berreskuratu egin nahi izan du. Jose Ignacio de Arana e Irazusta Baroikua etxean jaio zen, Santa Klara kalean. Gaur goizean, Ondare zinegotzi Juan Bautista Mendizabalek eta Euskara zinegotzi Marijose Arregik estalgabetu dute plaka berria. Jatorrizkoak zuen testu bera irakur daiteke: "Azkoitiko Baroiko seme, euskal idazle ospetsu. Jose Inazio Arana. Jesusen Lagundikoari, heriotzaren mendeurrenean. Bere herriak eta Euskaltzaindiak. 1996ko abenduaren 20an".

Mugikortasuneko eta Lurralde Antolaketako Departamentuak jakinarazi duenez, Azkoitia eta Urretxu lotzen dituen bidegorriaren zatia itxita egongo da maiatzaren 19an eta 20an, ostegunean eta ostiralean,  7:00etatik 15.00etara bitartean, bidegorriaren zaintza eta mantentze lanengatik. 

Udaberriko Musikaldia zikloaren baitan, larunbatean, maiatzaren 21ean, Easo Abesbatzak Pablo Sorozabal (1897-1988) konpositore donostiarraren omenezko kontzertua eskainiko du bere jaiotzaren 125. urteurrenean. Hitzordua 18:30ean izango da Santa Kutz komentuan. Nahi duenak autobusean egin dezake joan-etorria. Autobusa 18:00etan aterako da Julio Urkixo kaleko geralekutik.

Gaur, maiatzak 17; LGTBIfobiaren aurkako nazioarteko eguna dugu. Horren harira, Eusko Jaurlaritzaren Berdindu zerbitzuak egindako manifestua partekatzen dugu edukiak merezi duelakoan: 

1990eko maiatzaren 17tik, OME-k homosexualitatea gaixotasunen zerrendatik kendu zuela ospatzen da. Horregatik, LGTBI kolektiboetako pertsonentzat balio esanguratsua du, eskubideen aldeko eta diskriminazioaren aurkako jardueren ardatz katalizatzaile gisa, gaur egun oraindik ere aurre egin behar baitio araudiarekin bat ez datorren pertsona orok.

Tags:

Sahatsa Dantza Taldeak jasoko du maiatzaren 27an I. Kultura Saria. Aitortzak urte luzeetako taldearen ibilbidea txalotu nahi du, 1976a geroztik herriari dantzatzen ari baita. Sahatsak bete duen papera oinarrizkoa izan da euskal folklorearen sustapenean eta euskal dantza tradizionalen hedapenean. Horregatik, ondo merezia du herriaren aitortza.
Juan Luis Lizaberen zuzendaritzapean, sasoiko jarraitzen du dantza taldeak, plazetan eta oholtzetan duen indar guztia erakutsiz. Beteranoen esperientzia eta ezagutzaren, eta dantzari gazteen freskotasunaren eta sormenaren batura da Sahatsa.
Aitortza ekitaldia hilaren 27an, ostirala, 19:00etan, izango da udaletxean. Irekia izango da, eta bertaratu nahi duen orok du gonbidapena.

Tags:

Gaur, San Isidro egunean, Madariagako eliza inauguratu dute eraberritze lanak burutu ostean. Jendetza bertaratu da ikusminez, eta ermita bete-bete egin da. Felix Azurmendi erretoreak eta Sonia Sanz zaharberritzaileak hartu dute hitza lanen nondik-norakoak azaltzeko, eta lanak diruz lagundu dituztenei eta lanean aritu diren boluntarioei eskerrak eman dizkiete. Ondoren, Juan Maria Uriarte gotzai emerituak eman du meza eta prozesioa ere egin dute. Festa giroa izan da nagusi goizean Madariagan.

Tags:

Udalak lizitaziora atera ditu Floreaga auzoan bigarren igogailua jartzeko obrak, auzoko irisgarritasuna hobetzeko garatzen ari den proiektuaren bigarren fasea exekutatzeko, alegia. Lizitazioaren hasierako aurrekontua 805.641,03 eurokoa da (BEZ barne). Eskaintzak aurkezteko epea ekainaren 7an amaituko da.
Lehenengo faseak bezala, oraingo proposamenak igogailu bat, bi pasabide eta urbanizatze lanak aurreikusten ditu. Bigarren faseko igogailua Aizkibel kalea eta Zuazola kalearen arteko bidegurutzean kokatuko da, eta pasabideez baliatuz, Zuazola plazara eta Floreaga plazara iritsi ahalko da.

Al Ar Az Og Or Lr Ig
2
3
4
5
© 2019 Azkoitiko Udala. Lege oharra