Euskaraldiaren III. edizioa ate joka daukagu. Azkoitian Euskara Mahaia arduratuko da Euskaraldiaren antolaketaz, eta Maxixatzen Euskara Elkarteko Julen Garate izango da koordinatzailea.
Dagoeneko Julen Garate jarri da harremanetan herriko erakunde batzuekin eta datozen egunetan beste hainbatengana hurbilduko da azalpenak eman eta laguntza eskaintzera, Euskaraldiak ahalik eta eragile gehienen sostengua lortu du. Harremanetarako: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. -  675 857 111

Tags:

Bidez Bide Elkarteak, “Ikasi zaintzeko” kanpainaren baitan, behin-behineko gaikuntza duten eta Gipuzkoan mendekotasuna duten adinekoen zaintzaile gisa lan egiten duten pertsonei informazioa, orientazioa eta aholkularitza doan ematen dihardu, haien familiek Laguntza Pertsonalerako Prestazio Ekonomikoa (LPPE) jasotzen dutenean.
Zaintzaileek, lan hauek egiteko, Mendeko pertsonei gizarte-erakundeetan Gizarte eta Osasun-arreta emateko Profesionaltasun Ziurtagiria ikasi behar dute. Gainera, 2022ko abenduaren 31ra arteko epea dute ikasteko.

Izen-ematea ekainaren 13an itxiko da, eta erakusleihoak ekainaren 13tik 30era egon beharko dira ikusgai.

Udalak eta Herrixen Merkatari Elkarteak II. Eraskusleiho Lehiaketa abiatu dute "Ongietorri Uda" lelopean, herriko merkataritza txikia balioan jartzeko eta dinamizatzeko helburuarekin.
Parte hartu nahi duten saltokiek ekainaren 13a baino lehen eman beharko dute izena udaletxeko Herritarren Bulegoan edota Herrixen Merkatari Elkartearen bulegoan (Kultur Etxeko 1.go solairuan). Telematikoki izena eman daiteke, halaber, Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidera idatzita.

Tags:

Datorren ekainaren 9an Urola Erdiko enpresek aurrez aurre ezagutu ahal izango dute Eusko Jaurlaritzako Ekonomiaren Garapen, Jasangarritasun eta Ingurumen Sailaren Enpresa Txiki eta Ertainentzako 2022ko laguntza-plana. Plan horrek 74 programa biltzen ditu eta 600 milioi baino gehigoko aurrekontua du, eta laguntza horien helburua da ekonomia suspertzea eta enplegua sortzea, arreta berezia eskainiz Euskadiren garapen inklusibo eta jasangarriari. Aurten I+G+b programetara eta Trantsizio Energetikora bideratutako laguntzak Eusko Jaurlaritzak ETEei zuzendutako laguntza-programen % 70 baino gehiago dira.

Xabier Munibe Ikastolako ikasleak Udaletxean izan dira helburu jakin batekin. Etorkizunean nolako jolastokia nahi duten azaldu die Javier Zubizarreta alkateari, eta ikasturtezka, biko taldeetan, dokumentazioa eta eurek eskuz egindako jolastokiaren maketa bat ere aurkeztu dute proiektuaren xehetasunak azaltzearekin batera. Hasierako urduritasuna gaindituta, trebezia handia erakutsi dute ikasleek mezua komunikatzerakoan.

Tags:

Igande honetan,ekainaren 5ean, ospatuko da Herri Jaia. Herriko plazara gerturatzen direnek txahal erreaz eta sagardo dastaketaz gozatzeko aukera izango dute eguerdi partean. Halaber, baserritarren postuetan punta-puntako produktuak erosi ahalko dira.
Bost baserrik eta lau sagardotegik hartuko dute parte aurtengo Herri Jaian, pandemia tarteko bi urteko etenaldiaren ostean. Ipintza, Zumeta, Zabaleta, Berastegi eta Etxearreta baserriek jarriko dituzte postuak. Sagardogileen artean, Aburuza, Zelaia, Petritegi eta Añota izango dira igandean Azkoitian.

Sahatsa Dantza Taldeak aitortza hunkigarria eta ondo merezitakoa jaso du gaur arratsaldean, ia bost hamarkada batzen dituen ibilbide bikainarengatik eta Euskal Herri osoko dantza tradizionalen alde egindako apustuagatik. Udalak I.Kultura Saria eman dio taldeari euskal folklorearen zabalkundean egin duen ekarpenarengatik. Javier Zubizarreta alkatearen eskutik jao du taldeko buruak, Juan Jose Lizabek, saria, udalbatza aretoa jendez gainezka zela.

Tags:

Hilabeteetako berritze lanen ostean, gaur arratsaldean inauguratu da Portaleburu Erakusketa Areto berria, eta Jose Alberdi Burruntxaliren (Azkoitia 1922 - Denia, Alacant 2008) obra bildumarekin zabaldu ditu ateak. Gune berriaren inaugurazio ekitaldia ohorezko aurreskuarekin eta zinta mozketarekin hasi da, eta jarraian Javier Zubizarreta alkateak hartu du hitza, gure artisten eta sortzaileen lana balioan ipintzeko. "Portaleburuk -adierazi du- herriko sortzaileei kalitatezko espazio berri bat eskaini nahi die, haien obrak ezagutarazten eta zabaltzen lagunduko duena, artisten eta publikoaren arteko topaleku izango dena, herritarrei artea eskura jarriko diena. Gure ardura eta konpromisoa da herriko sortzaileak eta haien lana babestea, eta erakusketa areto hau, inolako ezbairik gabe, kulturaren aldeko apustua geure egiten jarraitzen dugunaren adierazlea da".

Tags:

Al Ar Az Og Or Lr Ig
2
3
4
5
© 2019 Azkoitiko Udala. Lege oharra