"Indarkeria matxistaren aurka, berdintasuna bidea!" erakusketa dago ikusgai Etxe Beltz Jauregian. Azaroaren 25aren bueltan, Udaleko Berdintasun arloak antolatutako jardueren baitan egin da erakusketa. Bertan, Ahalduntze Ikastaroetan emakumeek egindako xilografiako eta puntuzko lanekin osatu da bilduma. Azaroaren 26ra arte egongo da erakusketa zabalik 17:30etik 19:30era bitartean.

Azkoitia Lantzen sozietate publikoak enkantera atera du Altzibar etorbideko 4, 6 eta 8 zenbakietan kokatutako garaje ireki bat. Interesatuek abenduaren 9ra arteko epea dute proposamena aurkezteko.

Aurten ere Udalak txartelak banatuko ditu behar bereziak dituzten haurren artean barraketan lehentasuna izan dezaten eta ilarak saihestu. Txartelak eskuragarri daude dagoeneko udaletxeko Herritarren Arreta Zerbitzuan, astelehenetik ostiralera bitartean 7:30etik 15:30era.
Halaber, ostiraletan, larunbatetan eta igandeetan musika kenduko da barraketan 18:00etatik 19:00etara, haur batzuk ez dutelako zarata edo bolumen handia ondo jasaten.

Giro onean ospatu da San Andresetako danborrada. Azkenekoz atera zirenean ez bezala, gaur eguraldia lagun izan dute danbor-joleek, urte sasoi honetarako nahikoa epel eta ateri egin baitu. Umorea eta festa-gosea nagusitu dira kaleetan. 400 lagun inguruk hartu dute parte hamar taldetan. Iaz ez zen danborradarik egiterik izan eta orduko hutsunea betetzeko ere balio izan du aurtengoak. Horra gauak eman duena iruditan:

 Danborradak ohiko ibilbidea izango du bihar. Gurea Pilotalekutik 22:00etan abiatuko dira danbor-jolak eta Aingeru Kaletik Kale Nagusira sartuko dira. Herriko plazan, Udal Musika Bandak lagunduta, lau pieza joko ditute. Handik Balda plazara abiatuko dira eta Balda plazan beste hiru abesti jo ostean, Julio Urkixo kalerantz joango dira taldeak. Julio Urkixon aurten ez da geldialdirik egingo eta handik, Plazaberri zeharkatu, Kale Nagusian sartu eta Herriko plaza iristen direnean beste hainbat pieza joko dituzte, bueltan pilotalekura iritsi bitartean.

Tags:

Lanbide Enplegu Zerbitzuak eskualdeko ekintzaileei zuzendutako laguntzak eskatzeko epea ireki du. Ekintzaileek eskaerak azaroaren 19tik abenduaren 13ra bitartean aurkeztu beharko dituzte.
Bailarako eskaera guztiak Azpeitiko Udalak kudeatzen ditu eta bertan aurkeztu beharko da eskaera aipatu epean.

Udaleko Berdintasun arloak hainbat jarduera antolatu ditu azaroaren 25a, Emakumeen aurkako Indarkeria Desagerrarazteko Nazioarteko Eguna ospatzeko. Aurten Emakundek adin jakin batetik aurrerako emakumeek jasaten duten eskutuko indarkerian jarri ditu begiak eta kanpaina bat abiarazi du indarkeria hori ikusarazteko “Entzunez gero, ikusiko duzu. Solik adi dagoen gizarte batek antzeman dezake indarkeria ezkutuena” lemapean. Egunerokoan ematen diren indarkeria egoerak, kasu askotan normalizatu direnak, salatzea da xedea.

Al Ar Az Og Or Lr Ig
2
3
4
5
© 2019 Azkoitiko Udala. Lege oharra