Odol Emaileen Elkarteak Azkoitiko 62 emaileri ondo merezitako aitortza egin die gaur arratsaldean Elkargunean izan den ekitaldi hunkigarrian. 25 aldiz odola eman dutenekin hasi, eta 150 aldiz eman duenarekin itxi dute oroigarrien banaketa. Ia 800 odol emaile ditu Azkoitiak eta denen artean 2.738 odol poltsa eman dituzte. “Eredu” dela gure herria azpimarratu du elkarteko Luis Arregik.

Udal Gobernuak 2022ko udal aurrekontuen proposamena aurkeztu du. 16.260.000 eurokoa da eta igoera nabarmenak proposatu ditu, bereziki, Gizarte Ongizatean eta Hirigintzan. Inbertsioetarako %9,21 aurreikusten da, besteak beste, Azoka Plaza eraberritzeko eta herriko luminariak aldatzeko.
Koalizio gobernua osatzen duten bi alderdietako ordezkariek, Ana Azkoitiak eta Janire Igoak, azaldu dituzte kontuen nondik norakoak.

San Andres jaiak bertan behera uztea erabaki du Bozeramaile Batzordeak. Gaur argitaratutako datuak ikusita, udal ordezkariek kontsideratu dute egoera gaiztotu egin dela azken egunotan, eta 550,78 tasako intzidentziarekin, jaiekin aurrera jarraitzea guztiz desegokia dela.
Udalak aurreratu zuen datuek erakutsiko zutela hartu beharreko bidea eta horrela izan da. Edonola ere, kontuan hartu da hainbat jardueretako parte-hartzaileen eta antolatzaileen iritzia, aurrera ez jarraitzeko borondatea azaldu baitute.

Tags:

Enplegua sustatzeko abian den Urola Ekiten programaren baitan, Udalak, Lanbidek diruz lagunduta, balio anitzeko lau peoi kontratatuko ditu. Hautaketa prozesua abian da eta izena emateko azken eguna abenduaren 3a da.
Kontratuak sei hilabeteko iraupena izango du eta lanaldi osokoa izango da.

Gaur, azaroak 25, Emakumeen Aurkako Indarkeriaren aurkako Eguna da. Horren harira, ondorengo Adierazpen Instituzionala onartu zuen atzoko Udal Osoaren Ohiko Bilkurak: 

Emakumeen aurkako indarkeria larderiarako tresna indartsua da, emakumeei zuzendua, indarrean dauden genero-arauak desafiatu eta eralda ez ditzaten. Mehatxurako tresna hori zuzenean emakumeengan erabiltzen da, baina baita haien gertuko pertsona maitatuenengan ere, min handiagoa sortzeko modu gisa. Kalkuluen arabera, bikotekideen edo bikotekide ohien eskutik indarkeria jasaten duten EAEko hamar emakumetik seik seme-alaba adingabeak dituzte, eta horiek ere biktima bihurtzen dira.

Tags:

Bihar, azaroak 25, Emakumeen aurkako Indarkeria Desagerrarazteko Eguna da eta Udalak elkarretaratzea deitu du indarkeria matxista salatzeko. Sexismoaren hariak etetea eta berdintasuna aldarrikatuko dira. Hitzordua 19:00etan izango da Herriko plazan eta Udalak herritarrak parte hartzera animatu nahi ditu.
Aurretik, 18:00etatik 19:00etara trikotatutako tximeletak banatuko ditu Udaleko Berdintasun arloak, sinbolo gisa.

Tags:

1.- Aurreko bilkurako aktaren onespena, hala badagokio.
2.- Kreditu transferentzia bidez kredituak aldatzeko Azkoitiko udaleko 3 zenbakidun espedientearen onespena.
3.- EH Bildu udal taldearen zinegotzi liberatuaren aldaketa onartzea.

Ostegunean eta ostiralean, hilaren 25ean eta 26an, itxita egongo da Aingeru 14-16 eta Aizkibel 23 lotzen dituen oinezkoen bidea. Bide ondoko horman lan batzuk egin behar dituztelako itxiko da bidexka.
Eskolaumeek erabili ohi dute pasadizoa Isidro erretegi ondotik Baztartxo antzokiaren atzekaldera joateko, baina itxita irauten bi egunetan ibilbidea aldatu beharko dute eta Aizkibel kaletik edota Kale Nagusitik barrena, Correos aldetik sartu beharko dute ikastetxeetara.

Al Ar Az Og Or Lr Ig
2
3
4
5
© 2019 Azkoitiko Udala. Lege oharra