Hemen duzue joan den ostiraleko Azkoitiko Bandera Ofizialaren aurkezpen ekitaldia bideoan. Ederra izan zen oso, eta ederra izan zen parte hartu zuten taldeek sekulako dantza eta musika ikuskizuna prestatu zutelako. Eskerrik asko Txalkor Txistulari Taldeari, Udal Musika Bandari, Bizkargi Musika eta Dantza Eskolari, Parrokiko Abesbatzari eta Iraurgi Abesbatzari, Sahatsa Dantza Taldeari, eta bereziki, Juan Luis Lizaberi, nortasuna, bihotza eta hegoak jartzeagatik ekitaldiari. Zorionak taldeoi erakustaldiarengatik!

Tags:

Atzoko udal osoaren bilkurak aho batez onartu zuen LGTBI+ komunitatearen aldeko mozioa. Udalean ordezkaritza duten lau alderdiek adostu zuten eduki: 

LGTBI+ BTZTTZEK BALIO DUTE

Ekainaren 28an, LGBTI+ harrotasunaren egunean, Azkoitiko udalak LGTBI+ mugimenduaz harro dagoela adierazi nahi du argi eta garbi.

Datorren larunbaterako, uztailaren 2rako, IV. Goilurrak Rarrya antolatu du Errebueltie Motor Klubak. Lasterketak eragina izango du zenbait errepidetan.
Itxita egongo dira 8:00etatik 13:30era, Elosuko bidea Olotzagako bidegurutzetik Bergararaino - eta Olaso eta Azkarate Zaharra lotzen dituen errepidea.
Antolakuntzak telefono zenbaki bat jarri du, inguru horietako biztanleei egunean zehar informazio zuzena emateko. Auzotarrek etxera noiz sartu edo noiz atera jakiteko, ondorengo telefono zenbakira deitu beharko dute: 688 64 28 94.

Gaur, ekainaren 28a, sexu-askapenaren eguna dugu, LGTBI kolektiboaren eskubideak aldarrikatzeko eguna, urteko beste edozein egunetan bezala. Horren harira, Eusko Jaurlaritzaren Berdindu! zerbitzuaren adierazpena partekatzen dugu hemen, duen interesagatik. Udalari dagokionean, biharko udal osoaren ohiko bilkuran LGTBI+ mugimendua babesteko mozioa bozkatuko da. Alderdi guztiek bat egin dute mozioaren edukia adosteko orduan. 

Tags:

Bertan egingo da I. Hike eizan! bertsopaper lehiaketako sari banaketa ere.
Bertso saioa irekia eta doakoa da, aretoa bete arte nahi duen oro sartu ahalko da saioaz gozatzera.

Udalak iaz antolatu zuen I.Hika bertso saioa, hitanoaren sustapen planaren baitan, Hike eizan! taldearekin eta Erniarraitz Bertsozale Elkartearekin batera. Aurten bigarren bertso saioa izango da ostegunean, ekainaren 30ean, 19:00etan Elkargunean, eta punta-puntako bertsolariak izango ditugu oholtza gainean: Andoni Egaña, Miren Amuriza, Sebastian Lizaso eta Oihana Iguaran. Imanol Artola "Felix" izango da gai-jartzailea.

Izena emateko azken eguna uztailaren 8a izango da. Lanak aurkezteko epea, berriz, abuztuaren 8an itxiko da. "Gezurra" da aurtengo gaia.

Udalak gaur zabaldu du Andramaixetako X. Laburmetrai Lehiaketan parte hartzeko izen-emate epea, eta gaur eman ditu ezagutzera lehiaketaren aurtengo oinarriak. Gaia "Gezurra" izango da, eta gezurraren bueltan garatu beharko da ideia edota gidoia.

Javier Zubizarreta alkateak, 19:30 pasatxotan, altxatu du Azkoitiko Bandera Ofiziala udaletxeko balkoian. Solemnitatez jantzitako ekitaldia izan da, eta parte hartu dute Sahatsa Dantza Taldeak, Txalkor Txistulari Elkarteak, Udal Musika Bandak, Bizkargi Musika eta Dantza Eskolak, Parrokiko Abesbatzak eta Iraurgi Abesbatzak.
Duen sinbolismoagatik, dantzariek bandera Plazaberrin hartu dute, justu Altzibar Jauregi parean, udaletxe zaharra kokatzen zen tokian. Bitartean, udalbatzako kideak Herriko plazan zeuden itxaroten, Javier Zubizarreta alkatea buru. Bandera Ofiziala alkateari entregatu aurretik, dantzariek bandera eraiki dute dantza eta musika ikuskizun eder baten erdian. Ezpata dantza egin dute dantzariek.

Tags: ,

Bigarren saria ETK Informatikak lortu du eta hirugarrena, Naiena jantzi dendak.

Udaleko Merkataritza arloak eta Herrixen elkarteak sustaturiko II."Ongi etorri uda" Erakusleiho Lehiaketak baditu irabazleak. Gaur goizean, Ana Azkoitia zinegotzia eta Herrixenen arduradun Sara Rodriguez saritutako saltokietara hurbildu dira bertako arduradunak zoriondu eta saria eskura ematera.
Lehenengo saria gizonezkoen Ainhoa ile-apaindegiak jaso du. Bigarrena ETK Informatikak bereganatu du, eta hirugarren saritua Naiena arropa denda suertatu da. Guztira sei establezimenduk hartu dute parte lehiaketan eta denek esfortzu handia egin dute euren produktuak eta zerbitzuak modu originalean aurkezteko. Sormenik ez zaie falta izan. Aurten Gipuzkoako Merkatarien Federazioko ordezkariak osatu du epaimahaia.

Tags:

Al Ar Az Og Or Lr Ig
2
3
4
5
© 2019 Azkoitiko Udala. Lege oharra