Berriak
'Euskaraz bizi nahi dugu' biharko manifestazioan parte hartzera deitzen ditu herritarrak Udalak
Abenduaren 3a Euskararen Nazioarteko Eguna da, eta testuinguruan, biharko (larunbata, abenduak 1) Euskararen Gizarte Erakundeen Kontseiluak Euskaraz bizi nahi dugu manifestazioa antolatu du Donostian. Euskaldunen euskaraz bizitzeko nahia eta eskubidea errespetatzearen alde dago Azkoitiko Udala, horregatik deialdi horrekin bat egiten du eta manifestazioan arte hartzera deitzen ditu azkoitiarrak.
Jausoro auzoko trafikoan aldaketak izango dira astelehen eta asteartean
Astelehen eta asteartean Jausoro auzoko trafikoan aldaketak izango dira, bertako bi zebra bide konpontzeko lanak medio. Aldaketak behar bezala seinalizatuta egongo dira, eta adi ibiltzeko eskatzen die Udaltzaingoak herritarrei.
Araian erahildako emakumearen hilketa salatzeko elkarretaratzea, ostegunean
Asteartean Araian erahildako emakumearen hilketa salatzeko kontzentrazioa deitu du biharko Azkoitiko emakumeen mahaiak biharko (osteguna). 19:00etan egingo dute elkarretaratzea, herriko plazan. Azkoitiko Udalak bat egiten du deialdi honekin eta parte hartzera deitzen ditu herritarrak.
Termiten arazoa ia %100ean konponduta dago
Termiten izurritea urteetan izan da Azkoitiko eraikinen arazo eta orain bi urte Tecnalia eta ISS Facility Services kontratatu zituen Udalak arazo horri irtenbidea emateko asmoz. Epe horretan lanean ibili ostean, bi erakunde horietako arduradunek ziurtatu dute "arazoa ia %100ean" konponduta dagoela. Orain aste batzuk izan ziren Tecnalia eta ISS Faciltyko ordezkarian udaletxean, tratamenduaren nondik norakoak herritarrei azaltzen. Lanean hasi zirenetik 821 termita foko aurkitu dituzte eta guztietako ia guztietako termitak hil dituzte jada: bi soilik daude oraindik aktibo, eta gune horietan lanean jarraitzen dute, tratamendua guztiz amaitzeko.
Hizkuntz aniztasunaren garrantziaz
Zubiak Errotzen programaren barruan, eta Emun kooperatibako teknikari baten eskutik, hizkuntz aniztasuaren garrantziaz aritu ziren iragan larunbatean jatorri ezberdinetako hainbat azkoitiar. Hizkuntza ekologiaz aritu ziren, eta ondorio garbi bat atera zuten: hizkuntza aniztasunak aparteko garrantzia eta balioa duela gizarte anitz honetan. Horrez gain, herrian zenbat hizkuntza hitz egiten diren aztertzen ere aritu ziren, eta zenbaki zehatz bat ateratzea ezinezkoa dela onartu arren, 40 bat hizkuntza mintzatzen direla ondorioztatu zuten. Dozena bat lagunek hartu zuen parte mahai inguruan.
SMS Premiun mezuak direla eta, kontsumitzaileen informazio bulegotik oharra
SMS Mezuen inguruan kontsulta ugari jaso ditu azkenaldiak Kontsumitzaileen informazioroako udal bulegoak, eta hori dela eta, herritarrei ohar bat zabaltzea erabaki du: SMS Premiunak telefono mugikorrera bidalitako testu-mezuak dira, mezu arrunt bat baino garestiagoak dira, atxikita duten zerbitzua dela eta, identifikatzeko nahiko errezak izaten dira 5 edo 6 zifratako zenbakiak erabiltzen dituztelako zerbitzu gehigarri hoiek emateko. Kobratu telefonia operadoreak egiten ditu baina zerbitzuak beste enpresa batzuk ematen dituzte. Beraz era hontako arazorik ez edukitzeko norberak bere telefonia operadorari eskatu diezakeioke bere telefono mugikorra deskonektatzeko tarifikazio gehigarriako zerbitzuetatik, orduan SMS arruntak bakarrik jaso eta bidali ahal izango ditu.
Enplegu eta prestakuntza aukerak hobetzen dituzten proiektuak aurkezteko epea gaur amaitzen da
Ekonomia berpiztu eta enplegua sortzeko lanean jarri dira Urola Erdiko Udalak. Enplegu Plana abian jarri zuten, bailarako egoeraren diagnostikoa eginez, eta orain enplegu eta prestakuntza aukerak hobetzeko proiektuak diruz lagunduko dituzte. Laguntzak ematerako orduan, ekintzailetasuna eta autoenplegua sustatuko, kontratazioak sustatuko dituzten eskualdearen interes estrategikoei lotutako proiektuak baloratuko dira eta eskualdeko enpresen lehiakortasuna hobetzeko prestakuntza espezializatua finantzatuko dira, besteak beste. Proiektuak aurkezteko epea gaur amaituko da eta Azkoitiko Udalak, bertan parte hartzera animatu nahi ditu herritarrak. Informazio osoa wegbune honetan bertan duzue, horretarako bereziki prestatu dugun atalean (eskuineko barran).
Festa giro ederra asteburuan
| Al | Ar | Az | Og | Or | Lr | Ig |
|---|---|---|---|---|---|---|
|
2
|
3
|
4
|
5
|
6
Data :
2021-11-06
| ||
