Berriak

Anaitasuna Kanku karate elkartea omenduko dute gaurko Sanjoan suan

Berriak

23 Ekaina 2014

Sanjoan bezpera da gaur eta urtero legez, herriko elkarteren bat omenduko du Udalak, egiten duen lana txalotu eta errekonozitzeko. Aurten Anaitasuna Kanku karate elkartea omenduko du, elkarte horrek 25 urte bete baititu aurten eta mende laurden honetan azkoitiarren artean kirola eta balio positiboak sustatzen egindako lana eskertu nahi baitu Udalak. Hona hemen gaur arratsalderako egitaraua

- Sua piztu aurretik (19:30ak inguruan), Xabier Munibe Ikastola eta Floreaga
Ikastetxeko KANDIOLA dantza taldea eta Bizkargi Dantza Taldearen emanaldia.
- Musika Bandaren Kalejira
- 22:00etan, Balda Plazan, suaren piztuera, Sahatsa Dantza Taldea, Iraurgi
Abesbatza, Parrokiko Abesbatza eta Azkoitiko Musika Bandaren laguntzarekin.
- Ondoren, Musika Eskolako Dantza Taldeak "VI. Zatoz Dantzara Balda Plazara
emanaldia eskainiko du

Elkarrekin eraikitzen: bailarako ikasleak bertako sozioekonomia aztertu eta ekintzailetasuna sustatzen

Berriak

20 Ekaina 2014

Bailarako bost ikastetxeetako ikasleak Azkoitiko Udaleko Pleno aretoan izan dira ikasturte honetan garatu duten proiektu berri bat aurkezten eta izandako esperientzia kontatzen. Elkarrekin Eraikitzen da proiektu hori, eta bertako ikastetxe eta eragile publiko zein pribatuk hartu dute parte, Iraurgi Berritzenek koordinatuta. Ikastetxe bakoitzak kasu ezberdinak aztertu eta landu ditu, eta ikasleak enpresetan, elkarteetan, eta beste hainbat eragilerekin elkarlanean aritu dira euren proiektuak egiteko: eragile jakin batzuk diztuzten arazoak aztertu dituzte eta irtenbideak aztertu eta planteatu dituzte. Gaurko topaketan adierazi dutenez, hasieran zaila egin zaie gaiari heltzea "oso seguru ez baikenekien nondik jo, baina azkenean asmatu dugu eta egin ditugu gure proiektuak". Proiektu pilotua izan da, eta hobetzeko asko duela adierazi dute ikastetxeetako eta eragile ezberdinetako ordezkariek, baina guztiz aberasgarria eta jarraitzeko modukoa dela ere bai. Hemen duzue proiektuaren inguruko informazio osoa

Kurtsoari agur, kantuz eta umorez

Berriak

20 Ekaina 2014

AEK euskaltegiko ikasleek kantuz eta umorez esan zioten agur  2013-2014 ikasturteari. TTakun tabernatik abiatuta, kantu poteoa egin zuten 19:00etan hasita, bereziki prestatutako kantu liburuak eskuan zituztela. Iraurgi abesbatzako zenbait kide ere aritu ziren euskara ikasleekin eta horiei esker, kantu ezagunen tonua eta doinua egokia lortu zuten. Euren giroa ikusita, hainbat herritar ere elkartu zitzaizkien kantura. Bukatzeko, afaria egin zuten Jubilatuen tabernan. Hemen dituzue argazki gehiago, ikusgai

Asteburuan, Otaba jaiak Elosun eta Attolan

Berriak

20 Ekaina 2014

Festak izango dituzte asteburuan Elosu eta Attola auzoetan, Otaba jaiak hain justu: auzo bazkariak, tortilla patata lehiaketak, jolasak, trikitilariak... egitarau oparoa osatu dute bai batean eta bi bestean. Bertaratu eta jaiez gozatzeko dei egin dute bi auzoetako bizilagunek; "giro ezinhobea eta ederra egongo delako". Hemen Elosuko Otabatako egitaraua eta hemen Attolakoa.

Kurtso amaierako kantu poteoa gaur (osteguna)

Berriak

19 Ekaina 2014

Gaur, ekainak 19, azken kurtso eguna da AEK euskaltegian eta Mintzalagun egitasmoan, eta ikasturtea behar bezalako amaiera emateko kantu poteoa egingo dute Iraurgi Aberbatzako zenbait kideren laguntzarekin. 19:00etan abiatuko dira Ttakun tabernatik eta 21:00ak arte arituko dira kantuan tabernaz taberna. 21:00etan, kurtso amaierako afaria egingo dute Jubilatuen tabernan.

Andramaxetako kartel lehiaketa abian da

Berriak

18 Ekaina 2014

Udan sartzear, gero eta gertuago somatzen dira herriko festak eta horren jakitun, Andramaxek iragartzeko kartel lehiaketa martxan jarri du Udalak. Hirugarren edizioa izango da aurtengoa, eta oinarrietan ez aldaketarik egongo. Lanak aurkezteko epea ekainaren 25ean zabalduko da, eta azken eguna uztailaren 10a izango da; horren ondotik, uztailaren 12tik 13ra erakusgai jarriko dira kartel horiek, herritarrek ikusi eta gogokoena aukeratzeko. Epaimahaia aditu talde batek osatuko du, eta herritarrek erakusketa hortan emandako botoak ere kontuan hartuko dira. Erakusketa Elkargunean izango da aurten, aipatu bi eguneran, 12:00etatik 14:00etara eta 18:00etatik 20:00etara. Hemen dituzue lehiaketaren oinarriak, ikusgai.

 

Umeen danborradak jantziak hilaren 30a baino lehen entregatu behar dira

Berriak

17 Ekaina 2014

Umeen danborradako arropak itzultzeke dituzte oraindik zenbaitek, eta lehenbailehen egiteko eskatu nahi die Udalak pertsona horiei. Hilaren 30a baino lehen eraman beharko dituzte udaletxeko harrera bulegora, seme-alabaren izena jarrira. Zalantzarik izanez gero, Kultura Sailera (943-857170) deitu.

Gazteen azkeneko topaketak, ostiralean (hilak 20)

Berriak

17 Ekaina 2014

Gaztien Herrixe moiu ipurdixe partaidetza prozesua azken txanpan da eta ostiralean (ekainaren 20a) egingo dute azken topaketa. 19:00etan hasita, afari topaketa egingo dute gazteek, eurek Udalari egindako proposamenak egokien nola bideratu aztertzeko. Izan ere, gazteek egindako proposamenak jada aztertu dituzte udal teknikari eta politikoek, eta horiek eguneroko udalaren jardun eta politiketan nola txertatu zehaztea falta da orain. Udalak berak egin ditu proposamen batzuk eta horiek eta beste aukera batzuk aztertuko dituzte gazteek ostiraleko bileran.