Berriak
Bihar (asteartea) hasiko dira herriko ondarea ezagutzeko bisita gidatuak
Abuztuko turismo eskaintza bihar (abuztuak 5, asteartea) estreinatuko da Azkoitian. 12:30ean hasiko da bisita, Amabirjinaren jasokundeko parrokitik eta "Dorretxe eta jauregi artean" izenarekin bataiatu duten ibilbidean herriko jauregi, dorretxe eta elizen historia eta pertsonaia esanguratsuenak ezagutzeko aukera izango da. Bisitak 2 euroko prezioa du eta tiketa bisitako unean emango da. Gutxienez 8 pertsonako taldea batu beharko da bisita ateratzeko. Bihar izango da aurreneko bisita, eta horren ondotik, hilaren 12an eta 26an ere egingo dira. Era berean, taldeentzako bisita bereziak ere eskainiko dituzte nahieran, abuztuan eta irailean, aurrez erreserba eginda. Informazio osoa lortzeko eta erreserbak egiteko, 943-15 18 78 telefonora deitu edo Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidera idatzi behar da. Horrez gain, 'Zu ere pilotari' esperientzia ere eskaintzen die Azkoitiak turistei, Jorge Oteiza Frontoietara bisita gidatua, pilota praktikak eta hamaiketakoarekin. Hemen duzue, ikusgai, abuzturako Iraurgi Berritzenek Azkoitiak ez ezik Azpeitian ere antolatu dituen bisita gidatuak.
Plazako bilketan izandako atzerapena dela eta, barkamena
Atzo (asteartea), arazoak izan ziren Herriko plazako errefusa bilketan eta edukiontziak behar baino beranduago jarri ziren. Udalak barkamena eskatzen du horregatik, eta berriro horrelakorik gertatu ez dadin hartu beharrezko neurriak hartzeko konpromisoa hartzen du. Horrekin batera, eskerrak eman nahi dizkie edukiontziak falta izan ziren une horietan gizalegez jokatu zuten azkoitiar guztiei.
Aste honetan hasiko dira Xabier Munibe ikastolako eraikin berria egiten
Xabier Munibe ikastolaren eraikin berria egiten datozen egunetan hasiko dira. Hala jakinarazi dio Eusko Jaurlaritzak Udalari. Izan ere, eraikina egingo duten eremua garbitu du Udalak eta saneamendu hoditeria lanak ere esleitu ditu, eta orain Jaurlaritzari dagokio eraikitze lana egitea. Vias Y Construcciones S.L. Enpresari esleitu zizkion lan horiek Lakuak, eta orain urte eta erdi du enpresa horrek eraikin berria egiteko.
Eraikin berria egiteko proiektuak hasiera batean 7,5 milioi euroko aurrekontua bazuen ere, azkenean 4.519.350 milioi eurotan esleitu zituen Jaurlaritza: 1.600.000 euro aurtengorako eta 2.919.350 euro hurrengorako.
Andramaixetako herri bazkarietan parte hartzeko abuztuaren 4ean eman behar da izena
Andramaixetan egiten den haur eta gurasoen bazkarian eta 18ko paella janean parte hartzeko izena abuztuaren 4an eman behar da. Udaletxean apuntatu behar da, 09:00etatik aurrera, Kultura Sailean (3. solairuan). Haur eta gurasoen bazkaria abuztuaren 16an izango da, eta paella jana abuztuaren 18an.Etxebizitzetan instalazio elektrikoak berritu edo berokuntza eta ur bero ekipoak ordezkatzeko diru-laguntzak
Eusko Jaurlaritzako EVE-k etxebizitzetan eta etxejabeen elkarteetan instalazio elektrikoak berritzeko eta ohiko etxebizitzetan berokuntza eta ur bero sanitario (A.C.S) banakako ekipoak ordezkatzeko diru-laguntzak emango ditu. Eskaera egiteko epea azaroaren 30ean amaitzen da, aurretik aurrekontua amaitzen ez bada. Informazio gehiago eve.es web orrian eskura daiteke edota Azkoitia Lantzen, S.A.ren bulegoan (udaletxeko 1.go solairuan ezkerretara). Irailean leihoen Renove plana eta etxetresna elektrikoen Renove plana irtengo dira.
Diego Garcia gogoan
Diego Garcia korrikalariaren kirol eta giza ibilbidea jasotzen duen liburua kaleratu dute. Asteartean aurkeztu zuten liburua Sanagustin Kulturgunean Txetxu Urbieta kazetariak, Urrategi Alberdi eta Eneko Etxeberria Azkoiti eta Azpeitiako alkateek, Luis Miguel Landa entrenatzaileak, Andoñi Egaña bertsolariak eta Alberto Juzgado korrikalari ohiak. "Ezagutu genuenok, zor bat genuela berekin sentitzen genuen, berak asko eman gintuen, bai atleta bezala eta bai pertsona bezala. Diego Garciaren izenaren atzean zegoen pertsona eta atleta ezagutaraztea nahi izan dugu liburu honekin", agertu zuen Urbietak.Herri ekimena izatea nahi izan dute, eta honela, 215 saltokik, eskolak, tabernak, jatetxek... hartu dute parte. Hauen tartean, Azkoitiko eta Azpeitiko dalak aurkitzen dira.
Zakurren kakak jasotzeko 17 gune jarriko ditu Udalak datorren astean
Zakur kakak jasotzeko 17 gune jarriko ditu Udalak datorren astean herri osoan zehar. Urrategiko Amaren plazan, Jausoro auzunean, Oteiza frontoietan, Atanotarren plazan, Aizkibel kalean, Balda plazako atzeko bidean, Xabier Muniben, Trenbidearen Zumardian, Atano Errekara bidean, Ugarte Igarango igerilekuetan, Julio Urkijon, Bizenta Mogelen, Nemesio Otañon, Txalon Errekan eta Ipintza auzoan jarriko dira gune horiek, herritarrek hala eskatuta. Behin gune horiek martxan jarrita, gizalegez jokatu eta behar bezala erabiltzeko eskatzen die zakurren jabeei Udalak. Hemen duzue gune horien kokapen zehatza| Al | Ar | Az | Og | Or | Lr | Ig |
|---|---|---|---|---|---|---|
|
2
|
3
|
4
|
5
|
6
Data :
2021-11-06
| ||
