Berriak
Turismo bulego berria uztail amaierarako egongo da martxan
Eskualdeko Turismo Bulego berria egiteko esleipena egin da jada. Loiolako Santutegiaren aurrealdean kokatuko da bulego hori eta aurre fabrikatutako eraikin modularra izango da, eta Iruñeako Nuevo Sistema Modular S.L. enpresak aurkeztutako proiektuari esleitu zaio. Proiektu hau Azkoiti eta Azpeitiko udalak Iraurgi Berritzen Urola Erdiko Garapen Agentziaren bitartez eta Gipuzkoako Foru Aldundiko Turismo sailak finantzatuta du eta uztaila amaierarako zabalduta egotea aurreikusten da. Behin martxan jarritakoan, urte osoan irekita egongo dela aurreratu dute arduradunek. Loiolako Santutegitik eskualdeko udalerrietara turismo flujoak bideratzeko estrategian aurrerapauso kualitatiboa emateko helburuarekin eraikiko da turismo bulego berri hau kokaleku horretan.
Bertsoaren etorkizuna eta oraina
Bertsoak badu etorkizuna Azkoitian. Hala erakutsi zuen atzo, 'Gu ere bertsotan' egitasmoaren jaialdian. 160 haur kantari Baztartxoko oholtzan, eta eserlekuak jendez beteta. Giro aparta nagusitu zen urteroko bertsoaren festan. Bertsolaritza erakutsi eta bultzatzea du helburu 'Gu ere bertsotan' egitasmoak, eta Euskal Herri osoan 20.500 ikasle baino gehiagok hartu dute parte aurtengo ikasturtean, eta esan bezala, Azkoitian 160 izan dira, Floreaga ikastetxeko 90 eta Xabier Munibeko 70. Jokin Uranga bertsolaria izan dute irakasle eta harekin landutako bertsoan abestu zituzten atzoko saioan. Besteak beste, honako gaiak eta ikuskizunak jorratu zituzten: Poxpolo zirkoa Azkoitira iritsi da, Goazen Munibe jatetxera, Sentimenduak, Langileen xelebrekeriak... Ordu eta laurden iraun zuen ikuskizunak, eta gustura baino gusturago gelditu ziren bai partehartzaileak eta baita ikusleak ere. Saioaren bideoa laster jarriko dugu Udal webgunean.
Jubilatuen elkarteko taberna kudeatzeko lizitazioa atera du Udalak
Plaza Ondo jubilatuen elkartearen taberna kudeatzeko lizitazioa atera du Udalak. Taberna bi urtean kudeatzeko lizitazioa da, lau urtera arte, urtez urte, luzatzeko aukerarekin, eta interesatuek dagoeneko eman dezakete izena. Izena emateko azkeneko eguna ekainaren 3a da. Hemen duzue lizitazioaren inguruko informazio osoa.
Gaur (asteartea), 'Gu ere bertsotan' jaialdia
'Gu ere bertsotan' programan parte hartu duten ehundik gora haurrek ikasturte amaierako bertso jaialdia egingo dute asteartean (maiatzak 19), Baztartxon, 18:30ean hasita. Bertan, Floreaga Salesiar ikastetxeko eta Xabier Munibe Ikastola ikastetxeko haurren, ikasturte osoan zehar programa horren barruan ikasitakoa taularatzeko aukera izango dute.Jaialdian, LH5, LH6, eta DBH1 mailetako haurrek bertsolariarekin eta ikastetxeetako irakasleekin landutako bertsoak taularatuko dituzte. Jaialdia gurasoei zuzenduta badago ere, bertsogintza gogoko duten herritar oro gonbidatuta dago bertara. Sarrera doakoa eta irekia da.
Udal eta foru hauteskundeak direla eta, hainbat ohar
Igandeko udal eta foru hauteskundeetan aldaketak egongo dira Azkoitiko hauteslekuetan: orain arte Musika Eskolan egoten zen hauteslekua (Gaztanenea) orain Elkarguneko areto nagusian jarriko da, eta hortaz, han eman beharko dute botoa orain arte musika eskolan egiten zutenek.
Horrez gain, Aizkibel Udal liburutegiaren egunerokoan ere aldaketak egongo dira: ostiralean, larunbatean eta astelehen goizean liburutegiko beheko pisua itxita egongo da eta honako zerbitzuak ezingo dira eskeini: haur eta gazteen saila, internet-a, ikus-entzunezko material eta herriko fondoa.
Baserritar gazteei eskaintzeko lur bila ari da Udala
Lurbide proiektua martxa onean doa. Aurreneko hilabete hauetan, proiektuaren bultzatzaile izango den talde eragilea osatu dute, nekazari gazte, nekazaritzara gerturatu eta batu nahi duten herritarrak eta proiektuaren inguruan interesa dutenekin, eta proiektuaren jarraipena eta balorazioa egiteko indikadoreak ezarri dituzte.
Eta orain nekazaritzan aritu nahi duten gazte horientzako lur bilar hasi dira. Udalak horretarako lur publikorik ez duela ikusita, herriko baserritarrengana jotzen hasi dira: baserri guztietara deitzen ari dira, proiektua azaldu eta Udalak euren lurrak errentan hartuko lituzkeela azalduz.
Udalak honakoa eskaintzen die lurjabeei: bai nekazaritza eta bai abeltzaintzara bideratzeko lurrak epe ertain edo luzera errentan ematea, bidezko diru-kopuru baten truke eta nahi izanez gero dirua aurretik ordainduta, gero lur horiek lehiaketa publiko bidez landu nahi dituzten gazteei eskaintzeko. Errentaren baldintzak banan-bana baloratuko dira, lurraren kalitatearen arbara.
Informazio gehiago nahi izanez gero, deitu 618 866 179 telefonora (Pedro) edo udaletxearen azken solairuan Lurbidek duen bulegora gerturatu.
'Gu ere bertsotan' programaren kurtso amaierako ekitaldia, asteartean
'Gu ere bertsotan' programan parte hartu duten ehundik gora haurrek ikasturte amaierako bertso jaialdia egingo dute asteartean (maiatzak 19), Baztartxon, 18:30ean hasita. Bertan, Floreaga Salesiar ikastetxeko eta Xabier Munibe Ikastola ikastetxeko haurren, ikasturte osoan zehar programa horren barruan ikasitakoa taularatzeko aukera izango dute.Jaialdian, LH5, LH6, eta DBH1 mailetako haurrek bertsolariarekin eta ikastetxeetako irakasleekin landutako bertsoak taularatuko dituzte. Jaialdia gurasoei zuzenduta badago ere, bertsogintza gogoko duten herritar oro gonbidatuta dago bertara. Sarrera doakoa eta irekia da.
| Al | Ar | Az | Og | Or | Lr | Ig |
|---|---|---|---|---|---|---|
|
2
|
3
|
4
|
5
|
6
Data :
2021-11-06
| ||
