Berriak
Jon Unanue Elorza izendatu dute urteko kirolari onena
Iragan ostiralean hainbat sari banatu zituen Udalak, tartean urteko kirolari onenanera, eta bertaratu zirenek Jon Unanue Elorza arraunlaria aukeratu zuten urteko hoberen. Bizenta Mogel ipuin lehiaketaren irabazleak, berriz, Rexu Arakistain, Juan Ramon Alberdieta Oihane Fernandez izan ziren, eta Gabonetako eskaparate onenaren saria berriz, Aizterri, Karan eta Soul dendek irabazi zuten. Zorionak guztioi Udalaren partez
12.982.000 euroko aurrekontua izango du Udalak 2015ean
Iragan ostiraleko udalbatzan onartu zituen Udalak 2015eko aurrekontuak. Udalak 12.892.000 euro zango ditu, Zubiaurre-Elkargune Institutuak 730.840 euro, San Jose Egoitzarena 2.776.000 euro eta Azkoitia Lantzenek 609.764 euro. Adostasun handiko aurrekontuak izan dira, bai Bilduk, bai Azkoitia Baik eta bai EAJk alde bozkatu dutelako. PSE abstenitu egin da. Hemen duzue aurrekontua, partidaka
Gaur bozkatuko dute 2015erako udal aurrekontua plenoan
Urteko azkeneko plenoa izango da gaur, 17:00etan, eta bertan 2015erako aurrekontua bozkatuko dute, besteak beste. Hemen duzue gaurko udalbatzako gai ordena
Urbanuek ordutegi berezia izango du Gabonetan
Gabon jaietan ordutegi berezia izango du Urbanuek: abenduak 24 eta 31n eta urtarrilaren 5ean larunbatetako ordutegia izango du, eta abenduaren 25ean, eta urtarrilaren 1ean eta 6an ez da zerbitzurik egongo.
Bitxi-denda eta dekorazio dendetarako euskara gidaliburuak atera ditu Udalak
Merkataritzan euskararen erabilera sustatzeko helburuarekin, beste bi gidaliburu atera ditu Udalaren Euskara Zerbitzuak, bata bitxi-dendentzat eta bestea dekorazio dendentzat. Denda horiek euren eguneroko lanean materiala erabiltzeko eredu ezberdinak jasotzen dituzte gida horiek, besteak beste fakturak, eraman agiriak, eskaera orriak, papertegia, errotuluak, iragarkiak... Hiztegi bat ere jasotzen dute gida horiek, denda horietan gehien erabiltzen diren hitzen hiztegiak. Hiztegia osatzeko Azkoitiko bitxidenda eta dekorazio dendekin jarri zan harremanetan udala, eta haiek emandako hitz zerrenda oinarri hartuta osatu da hiztegia. Gidarekin batera CD bat ere banatu da material guztiarekin. Bi hauez gai, beste hamalau gida ere aterata ditu Euskara Zerbitzuak, dendari ezberdinentzat, eta guztiak eskuragai daude udal webgunean.
Inoiz baino bisitari gehiago izan dira aurten bailarako turismo bulegoan
Bailarako turismo bulegoak (Loiola) inoizko bisitari gehien izan ditu aurten: apirilaren 10ean ireki zituen ateak eta abenduaren 12an itxi, eta denbora horretan, 27.287 bisitariri eman zaie turismo jarduerarekin loturiko zerbitzuren bat, 2013an baino %28ko gehiagori. Emaitzekin oso gustura daude Azkoitiko eta Azpeitiko udal ordezkariak, eta datorren urterako honako erronkak aipatu zituzten:
1. Turismo Bulegoaren funtzionamenduaren egonkortasuna eta jarraitasuna bermatzea.
2. Turismo Bulegoari ikusgarritasuna eta irisgarritasuna ematea Loiolako Santutegira
datozen bisitarien ehuneko handiagorengana iritxi ahal izateko.
3. Sektoreko enpresen artean Turismo Bulegoa erabiltzeko ohitura ezartzea.
Negunebai eta Gazte Astea programetan izena emateko epea aste honetan amaitzen da
Urtero legez, Gabonetako oporraldirako hainbat ekintza antolatu ditu Gazteria sailak. Batetik, Negunebai programa antolatu du, abenduaren 24tik 31ra, etxeko txikienentzako ekintza sorta ugarirekin: Gabon eskea, Gabon parkea, sukaldaritza eta buztin taillerra... Plazak mugatuak dira eta parte hartu nahi dutenek abenduaren 19ra bitartean eman behar dute izena, Gazte Informazio Bulegoan (Elkargunean). Bestalde, gazteentzat Gazte Astea ere antolatu da, abenduaren 29tik 31ra, besteak beste patata tortilla, mus eta futbito lehiaketak eta makillaje eta ileapaindegi tailerrak egingo dituzte. Hauetan parte hartzeko, berriz, abenduaren 18rako eman behar da izena, GIBen.
Hemen dituzue bi programetako egitarauak
Garabiderekin hitzarmena egin du Udalak, munduko hizkuntza gutxituak laguntzeko
Azkoitiko Udalak eta Garabide elkarteak itzarmena sinatu dute, munduko hizkuntza gutxituen alde. Izan ere, munduko hizkuntza gutxituak normalizatzeko ahaleginetan dihardu Garabidek, hizkuntza kooperazioa delakoan, eta lan hori benetan interesgarria iruditzen zaio Udalari. Besteak beste kitxua, nasa, nahuatl eta kaqchikel hizkuntza biziberritzeko ahaleginetan ari da Garabide herrialde haiekin kooperazioan eta Txema Abarrategi bertako ordezkariaren hitzetan "batik bat bitartekari lana" egiten dute, "guk euskararen eremuan ditugun baliabide eta esperientziak elkartrukatu eta haiengana zuzentzeko". Aldi berean, Garabidek, Udalarekin batera ekitaldi bat antolatuko du, elkarte horrek egindako lanaren berri emateko eta herritarrak sentzibilizatzeko helburuarekin. Hitzarmenak bi urteko indarraldia izango du eta Udalak 4.000 eurokin lagunduko dio Garabideri urtero.
| Al | Ar | Az | Og | Or | Lr | Ig |
|---|---|---|---|---|---|---|
|
2
|
3
|
4
|
5
|
6
Data :
2021-11-06
| ||
