Gipuzkoako Urak jakinarazi duenez, Floreaga Berri 1 gunean ura moztuko dute gaur 15:00etatik 16:00etara, zanga kolokatu behar dutelako. Informazio gehiago: 902 30 22 22

 

Txiki zoo aurre-irakurleentzat programa da, eta larunbatean (hilak 9), programa horretako saio bat egingo dute liburutegian. 11:00etan hasita, 3-5 urteko umeentzako ipuinak kontatuko dituzte bertan

Inaxio Gorosabelen baserrian egindako obren inguruan PNVren salaketa jaso genuen urtarrilaren 31 eta otsailaren 5ean nik, dekretu baten bidez, gaia ikertzeko agindua eman nuen. Honakoa zioen dekretuak:

LEHENA.- Azkoitiko udal zerbitzu teknikoei Mokoroaundi Baserriaren hirigintza-ikuskapena egin dezatela agintzea, ondoko hauek kontutan harturik:
- EAJ/PNV taldeak aurkezturiko idazkian aipatzen diren lanak, bereziki teilatua eta portxea.
- Teilatuan obra egin zuen Inaxio Gorosabelek. Obra txikia zelakoan baimena eskatu zuen baino lanean hasi zenean konturatu ziren bigarenbat ere konpondu behar zela. Horrek proiektua eskatzen du baino teilatua zabalik zeukanez obrarekin jarraitzea erabaki zuen zegokion baimena eskatu gabe. Expedientea hasi aurretik teilatuko obra legeztatzeko proiektua aurkeztuta zeukan.
- Baserriko fatxadari erantsitako estalpea 2010ean egindakoa da.
BIGARRENA.- Baserriko jabetzari errekerimendua luzatzea, aipatu ikuskatze-lanen gauzatzea utz dezala, beharrezkoa den laguntza emanez.
HIRUGARRENA.- Ikuskapena egin ondoren, udal Zerbitzu Teknikoei eta Idazkariari dagozkien txostenak eskatzea, ondoko hauek zehaztuko dituztelarik:
- Morokoaundi Baserrian udal baimenik gabeko lanak gauzatu al diren ala ez, eta baiezko kasuan, horien zehaztapenak eman ditzaten: deskribapena, ezaugarriak, datak, etab.
- Egindako lanak legeztagarriak diren ala ez zehaztea, eta baiezko kasuan, jarraitu beharreko jardunbidea.
- Izapidetu beharreko bestelako espedienteak, bere kasuan, horien artean, hirigintzako zehapen-prozedura.
LAUGARRENA.- Erabaki hauen berri ondoko hauei ematea:
- Azkoitiko udaleko Hirigintza, Obra eta Zerbitzuetako Departamentuko Arduradunari eta Udal Idazkariari.
- Mokoroaundi Baserriko jabetzari.
- EAJ/PNV taldeari
Ikuskapen bixita egin ondoren txosten tekniko eta juridikoa prestatzen ibili dira udal teknikariak, beraien artean hainbat zirriborro egin eta konklusio amankomunetara iritsi ondoren bukaerako txostena epe barruan, (3 hilabeteko epea zuten) apirilaren 30an osatu zuten. Txosten teknikoak apirilak 24ko data du.

 

Urola Erdiko Mankomunitateak emandako datuen arabera, iazko lehen hiruhilekoan, hondakinak biltzeko sistema aldatu aurretik, %40,36 izan zen gaikako bataz besteko bilketa tasa; uztailetik abendura bitartean, bataz besteko tasa, aldaketa egin eta gero % 72,33era igo zen ; (abuztuan bertan, sistema aldaketaren ondoren tasa %76,1ekoa izan zen); eta aurtengo lehen hiruhilekoan, bataz besteko bilketa tasa % 79,1ean dago. "Datuak oso onak dira, aldaketa txiki batekin, emaitza izugarriak lortu ditugu Azkoitian eta hori herritarrei esker izan da. Eta aldaketa hau posible egin duten eragile guztien lanari esker"; horregatik, herritarrei eskerrak eta zorionak eman dizkie Urrategi Alberdi alkateak. "Aldaketa egin aurretik birziklagarriak eta konpostagarriak ziren hondakin asko zabortegira joaten ziren, ingurumen arazoak sortuz ( kutsadura, lixibiatuak,....) eta lehengaiak zulo batera bideratzen ziren, aprobetxagu gabe ; aldiz, gaur egun, hondakin horiek, dagokion tratamendua jasotzera bideratzen ditugu azkoitiarrok".

Udaberriko musikaldiaren 24. edizioa ate joka ari da. Larunbatean hasiko da, Euskadi Grassen kontzertuarekin, eta hortik aurrera, larunbatero izango dira emanaldiak, Santa Kutz konbentuan. Guztira lau kontzertu izango dira; Euskadi Grassenaz gain, Quartor Arnaga izango da, Helena Orcoyen eta Iñaki Belasco ere bai eta Kea Ahots taldea. Emandaldi guztiak 18:30ean izango dira, eta autobusak egongo dira Eroski txikiaren aurrean, 18:00etan. Hemen duzue egitarau osoa 

Partaidetzaren alorrean azken lau urtetan egindako lana baloratzeko unea dela uste du Udalak, eta hori ere herritarrekin batera egin nahi du. Lau urte hauetan parte hartzea lantzeko erabili diren formulak, izan duten eragina, egindako akatsak... herritarrekin partekatu nahi ditu, euren iritzia eta ekarpenak jasotzeko

2012. urtean Azkoitiko Udalak azkoitiarron parte hartzea sustatzeko eta bultzatzeko asmoz, Danon Herrixe prozesua jarri zuen martxan. Lehen urrats gisa, herritarrekin batera, herriaren ezaugarrien, egoeraren eta beharren diagnosia egin zuen eta etorkizunean nolako Azkoitia nahi zuten hausnartu eta adostu zuen, aurrera begirako erronka eta ekimenak zehaztuz. Erronken eta ekimenen batzuk lehenetsi zituzten herritarrek eta horietako batzuk 2013ko udal aurrekontuetan bertan txertatu zituen Herritarrek ezarritako erronkak eta egindako proposamenak helburu gisa hartu ditu Udalak, eta ekimen ugari egin ditu erronka horiei erantzuteko.

2013. urtetik aurrera, urtero aurrekontuak definitu aurretik prozesu parte hartzaile bat jarri du abian Azkoitiko Udalak. Azken bi urte hauetan hainbat modutan parte hartzeko aukera izan dute Azkoitiarrek: 2013an, herri batzarraren bitartez, hirigintzako eta ingurumeneko proposamen zehatz batzuen artean bozkatzeko aukera izan zuten; 2014an Azkoitiar guztiek proposamenak egiteko aukera izan zuten, online, postontzien bidez eta antolaturiko batzarretan. Proposamenak egiteko aukeraz gain horien artean bozkatzeko aukera ere izan zuten azkoitiar guztiek.

Eta aurrekontuena ez da izan herritarrekin elkarlanean landutako gai bakarra. Udaleko sail desberdinek ere herrietarrekin batera jarri dituzte martxan hainbat ekimen, besteak beste: Euskarako plana, autobus Urbanoaren zerbitzua, Ingurumen plana, hondakinen ingurukoa, Moiu Ipurdixe gazteen prozesua, Azkoitiko bidegorri sarearen diseinua....

.

Horretarako bilera arin eta irekia antolatu du, honako gaiak lantzeko:

- Danon Herrixe prozesuaren abiapuntua zein den gogoratu.

- Hasieran definituriko erronkak osatzeko Udalak eta herriak garatutako ekimenak aztertu.

- Hurrengo urteetarako herritarren parte hartze politiken eta moduen inguruan proposamenak landu

Iraupena: ordubetekoa.

Bilera maiatzaren 5ean izango da (asteartea), 18:30ean, Elkargunean.

Bertaratu eta parte hartzera animatu nahi ditu Udalak herritar guztiak.

Irailetik azarora bitartean (biak barne) Xabier Munibe haurreskolan hasi nahi duten haurrek orain egin beharko dute matrikula. Datorren astelehenetik  hilaren 14a bitartean egin beharko da, (biak barne) eta haurra matrikulatzeko jaiota egotea beharrezkoa da eta ikasturtea hasteko gutxienez 16 aste izan behar baititu.

Apirilaren 27tik aurrera jaiotakoek maiatzaren 13tik aurrera izenematea haurreskolan aurkeztu ahal izango dute eta behin-behineko edota behin betiko zerrendetara gehituko dira. Ekainaren 30etik aurrera haurreskolan entregatzen diren jaioberrien izenemateak behin betiko zerrendak publikatu ostean (uztailak 10) kudeatuko dira, betiere dagokion adin tartean plaza librerik balego.

Matrikulako inprimakiak jasotzeko edota edozein informazio, haurreskolan bertan edo  943 08 07 37 telefonoan. Matrikula egiteko ordutegia berriz, goizeko 8:30tatik 13:30etara izango da.

Hamar  egun eta dozenaka ekintza. Beteta etorriko da aurtengo garagardo azoka. Iraurgi Saskibaloia taldeak Azkoitiko Anaitasuna Futbol Taldearekin elkarlanean antolatu du ekimena aurreneko aldiz, azoka bera indartzeko asmoz. "Iraurgitik laguntza eskatu genien Anaitasunakoei, ikusten genuelako bakarrik eginda azokak Azkoitian ez zuela ondo funtzionatzen", adierazi du klubeko lehendakari Maier Lizasok. Anaitasunarentzat, berriz, "esperientzia berria" da azoka antolatzea, eta herrian eragile bat izan duelako erabaki du parte hartzea. Bien arabera, elkarlan ona egin dute, eta luzerako izatea espero dute.

Aurten, egitarauari buelta eman nahi izan diete, eta besteak beste familia giroa sustatu nahi dute, haientzako ekintzak prestatuz. Herritar gehiago erakartzeko, "lan asko" egin dute, eta gustura daude emaitzarekin.

 

Al Ar Az Og Or Lr Ig
2
3
4
5
© 2019 Azkoitiko Udala. Lege oharra