Berriak
Gazteen azkeneko topaketak, ostiralean (hilak 20)
Gaztien Herrixe moiu ipurdixe partaidetza prozesua azken txanpan da eta ostiralean (ekainaren 20a) egingo dute azken topaketa. 19:00etan hasita, afari topaketa egingo dute gazteek, eurek Udalari egindako proposamenak egokien nola bideratu aztertzeko. Izan ere, gazteek egindako proposamenak jada aztertu dituzte udal teknikari eta politikoek, eta horiek eguneroko udalaren jardun eta politiketan nola txertatu zehaztea falta da orain. Udalak berak egin ditu proposamen batzuk eta horiek eta beste aukera batzuk aztertuko dituzte gazteek ostiraleko bileran.Alde zaharreko zakarrontziak egokitzen ari da Udala
Kaleko zakarrontzietan ere gaika sailkatzeko aukera bermatzeko asmoarekin, Alde Zaharreko zakarrontziak moldatu eta egokitzen ari da Udala. Horretarako, gune horretako zakarrontziak kendu egin ditu, behar bezala margotu eta egokitzeko. Lan horiek egin bezain pronto jarriko dira zakarrontziak dagozkien tokietan .Zakarrontziak berriz jarri aurretik hondakinak gertuen dauden edukiontzietara botatzeko eskatzen zaie herritarrei. Barkatu eragozpenak
Hemenbuy.com, bertako saltoki txikien on-line plataforma martxan da
Saltoki txikiek errezeloz begiratu izan diote Interneti: on-line salmentak konpotentzia zuzen eta gogor izan dira askorentzat. Baina mehatxua baino, aukera ere izan daiteke Internet dendari txikientzat, eta aukera hori baliatzeko tresna berri bat garatu du Iraurgi Berritzenek bailarako dendarientzat. Hemenbuy.com on-line merkatua sortu du, Azkoitia eta Azpeitiako saltokiek euren denda birtuala bertan garatzeko. Denda bakoitzak bere on-line saltokia sortzea garestia da merkatarientzat, eta plataforma bateratu hau zailtasun hori gainditzeko sortu da: Azkoitia eta Azpeitiako udalen diru-laguntzen bidez eskuragarriagoa izango da.
Ireki dituzte kanpoko igerilekuak
Hasi da udako igerileku sasoia. Gaur goizeko 10:30ean zabaldu dituzte Ugarte-Igarango kanpoko igerilekuak, eta irailaren 14ra arte, egunero egongo dira zabalik, 10:30etik 20:00etara. Denboraldia hasi dela eta, Udaltzaingoak gogora arazi nahi du kanpoko igerileku inguruetan behar bezala aparkatzea ezinbestekoa dela eta hala egiten ez duenari isuna jarriko diotela.Iruzur eta lapurretekin kontuz ibiltzeko ohartarazi du Udaltzaingoak
Azkoitiko Udaltzaingoan iruzur eta lapurreta kasu batzuk atzeman ditu Azkoitia eta inguruetan, eta hori dela eta, kontuz ibiltzeko eskatzen die herritarrei. Batetik, lepoko kate lapurretak egon dira herrian, batik bat adinekoei egindakoak. Lapurrak besarkatzera eta musuak ematera gerturatzen dira herritarrengana, eta kontaktu fisiko hori aprobetxatzen dute lepokoa kentzeko. Bestetik, berriz, 'tokomotxo' delako iruzur kasuak ere ugaritzen ari dira: kasu honetan, ustez saritutako loteria boleto batekin gerturatzen dira iruzurgileak, atzerritarrak direla eta ezin dutela kobratu esanez, eta boleto hori saltzen saiatzen dira.
Gisa honetako kasuren bat pairatu edo ikusi duten herritarrei Udaltzaingoarekin harremanetan jartzeko eskatzen zaie. 943 85 71 71
Landa eremuak sistema berrirako prest
Azkoitiko landa eremuko auzotarrekin bildu ziren Udala eta Urola Erdiko Mankomunitatea hondakinak biltzeko sistema berriaren ingurukoak azaltzeko. Bilera horretan 50 lagundik gora elkartu ziren, Aizpurutxo, Martirieta, Kukuherri, Elosu eta Urrategikoak, eta euren eremuan bilketa nola egingo den azaldu zitzaien: landa eremuetan bilketa gune bereziak jarriko dira, edukiontziekin, eta hara bota beharko dituzte hondakinak, bereizita. Udazkenera bitartean edukiontzi marroi bana izango dute bilketa gune horiek, hondakin organikoak jasotzeko, baina udazkenetik aurrera autokonposta egin beharko dute auzotarrek. Atzoko bileran jada auzotar batzuk autokonposta egiteko gailua hartu zuten.
Gaur arratsaldean egingo da landa eremuko auzotarren bigarren bilera, 19:00etan, Elkargunean. Bertan Elgoibarko bidea, Madariaga, Izarraitz, Santa Kutz eta Olasoko auzotarrei emango zaizkie azalpenak.
Aniztasun koloretsua
Joan da IPAKA Izarraizpeko Aniztasun Kulturalaren Astea, bailarako kolore, aniztasun eta aberatasuna agerian utzita. Gustura daude, antolatzailea, "oso", aste guztian egin diren ekitaldian izandako giro eta partaidetzarekin. Ume zein heldu, jatorri ezberdineko azkoitiar, azpeitiar eta zestuarrak elkartu eta elkar hobeto ezagutzeko balio izan du festak, eta bide horretan lanean jarraituko dute hiru udalek eta topaketa hauen antolatu dituzten eragile ezberdinek. Hemen dituzue, ikusgai, aste horretan egin diren ekitaldi ezberdinen inguruko argazkiakAste honetan ostegun goizean banatuko dituzte organikoak biltzeko kuboak
Organikoaren kuboak banatzeko ikastaroa ostegunean (hilak 12) izango da aste honetan. 10:30etatik 12:00etara izango da, Elkargunean. 15 minutu iraungo du ikastaroak eta bertan kuboak eta poltsak banatzeaz gain, hondakin organikoa nola sailkatu azalduko da.| Al | Ar | Az | Og | Or | Lr | Ig |
|---|---|---|---|---|---|---|
|
2
|
3
|
4
|
5
|
6
Data :
2021-11-06
| ||
