Ohiko kabalkadarik egingo ez den arren, Gaspar, Metxor eta Baltasar erregeek ez diote haurrekin duten hitzorduari uko egin nahi izan. Urtarrilaren 5ean, asteazkenean, herriko auzoak eta kaleak zeharkatuko dituzte 15:30etik aurrera. Parrokiak antolatzen du Errege Magoen etorrera Udalaren laguntzarekin, eta horixe da jakinarazi duena.
Egun horretan oso lanpetuta ibiliko diren arren, pare bat orduz herrian zehar ibiliko dira Azkoitiko umeak ezagutzeko eta agurtzeko. Promesa hori egin dute irrikitan daudelako opariak ekartzeko. Osasun egoerak jende pilaketak saihestea eskatzen duenez, iaz egin zuten bezala, aurten ere ibilgailu batean aterako dira Errege Magoak.

Udalak eta Azkoitiko Gurutze Gorriak lankidetza hitzarmena sinatu dute gaur goizean, Ongizateko zinegotzi Janire Igoaren eta Gurutze Gorriko lehendakari den Aitor Errazuren eskutik.
Hitzarmena oinarri, Udalak 4.000 euroko dirulaguntza emango dio Azkoitiko Gurutze Gorriari. Boluntariotzari esker, erakundeak gizarteari ematen dion zerbitzuagatik eta laguntzagatik jasoko du Udalaren dirulaguntza.

Udalak eta Herrixen elkarteak antolaturiko XXV. Gabonetako Erakusleiho Lehiaketak baditu saridunak. Aizterri Home dekorazio dendak jaso du lehenengo saria; Ostadar optikak, bigarrena, eta Hizki papertegiak hirugarren saria eskuratu du. 16 saltokik hartu dute parte.
Irabazle suertatu diren saltokietako arduradunek Ogasun zinegotzi Ana Azkoitia eta Herrixen elkartekoaren arduradun Sara Rodriguezen eskutik jaso dituzte sariak. Pozik agertu dira egindako lanak merezi izan duelako.

Tags:

Azkoitiko Udalak azken urteetako aurrekonturiek altuena onartu du 2022rako,16.370.000 milioi eurokoa, hain zuzen. 2021eko aurrekontuarekin alderatuta, %7,38 igo da. Hirigintza, Ongizatea, Ingurumena eta Euskara dira ahalegin gehien bideratu diren esparruak, inbertsioekin batera.
2022ko aurrekontuak EAJ/PNV eta PSE-EE alderdien aldeko botoarekin onartu dira. EH Bildu eta Azkoitia Bai abstenitu egin dira.

“Ados Pilota” eskuzko emakume pilotari profesionalen lehen klubak antolatuta, Emakumezkoen Eusko Label Binakako Pilota Txapelketa Nagusia aurkeztu dute gaur udaletxean. Final handia Azkoitian jokatuko da otsailaren 27an, eta hasiera ere, herrian eman nahi izan diote pilotariek.

Aurkezpenean parte hartu dute Ados Pilotako arduradunekin eta pilotariekin batera, Javier Zubizarreta alkateak eta Nekazaritza, Arrantza eta Elikagaien Politikako sailburuorde Bittor Orozek.

Gazteei euren aisialdian erabiltzeko espazio irekiak ahalbidetzeko xedez, Azkoitia BHI eta Floreaga ikastetxeetako patioek erabilera publikoa izango dute asteburuetan, jaiegunetan eta oporraldietan.
Beharra ikusita, adostasun horrerara iritsi da Udala ikastetxeekin eta Eusko Jaurlaritzaren Hezkuntza sailarekin.

1.- Aurreko bilkurako aktaren onespena, hala badagokio.
2.- 2022 ekitaldirako Azkoitiko Udala, San Jose Egoitza, Zubiaurre-Elkargune Institutua, Azkoitia Lantzen, S.A.-ren aurrekontuak eta Aurrekontu Kontsolidatuaren hasierako onespena.
3.- 2022 ekitaldirako Azkoitiko Udalaren langileen plantilaren hasierako onespena.
4.- 5G, Eguzki Ekologista eta Urola Aktibo taldeek eta EAJ/PNV, EH Bildu eta Azkoitia Bai udal taldeek 5G teknologiaren inguruan aurkeztutako mozioak onestea.
5- Behin betiko onespenen berri ematea.
6.- Aurrekontuari buruzko informazioa.
7- Galde-erreguak.

Al Ar Az Og Or Lr Ig
2
3
4
5
© 2019 Azkoitiko Udala. Lege oharra