Gaur, abenduak 3, Euskararen Nazioarteko Eguna da, eta zuekin partekatzen dugu Azkoitiko Udalaren adierazpen instituzionala. Osteguneko osoko bilkuran onartu zen. Irakurri hemen adierazpena. 

Euskararen Kale Neurketaren emaitzen arabera, gazteak dira euskara gehien erabiltzen dutenak. Aldiz, haurretan erabilerak behera egin du.

Euskararen Nazioarteko Egunaren bueltan eta Euskaraldiari amaiera emateko antolatutako ekintzen artean, gaur arratsaldean euskararen kale neurketaren emaitzen aurkezpen ekitaldia egin da Elkargunean. Euskara zinegotzi Marijose Arregik eta Soziolinguistika Klusterreko teknikari Belen Urangak hartu dute parte. Datuen arabera, euskararen kale erabilera %66,9koa da eta ezagutza edo euskaraz hitz egiteko gaitasuna %76,9koa.

Tags:

Euskaraldiaren azken txanpan eta Euskararen Nazioarteko Egunaren bezperan, ikasleak kalera atera dira gaur euskararen aldeko aldarria ozen egiteko. Herriko plazan elkartu dira Floreaga Ikastetxeko, Xabier Munibe Ikastolako, Azkoitia BHIko eta Bizilore Eskola Aktiboko neska-mutilak. Suziria entzun ostean, plazarantz abiatu dira eta bertan, udaletxeko balkoitik Javier Zubizarreta alkateak egin die harrera.

Euskara erabiltzeko eskatu die alkateak: “Ba al dakizute zer gertatzen zaien landareei urik ez bazaie botatzen? Hil egiten dira, ezta? Euskarari antzekoa gertatzen zaio. Zaindu egin behar dugu, euskaraz hitz eginez, euskaraz jolastuz, euskaraz abestuz. Euskara barru-barruan eraman behar dugu, eta bihotzez maitatu eta zaindu”.

Larunbatean, abenduaren 3an, Sonakay taldeak kontzertua eskainiko du Baztartxo Antzokian, 19:00etan. Ijito euskaldunek osatzen dute taldea eta euskaraz zein gaztelaniaz abesten dute. Oraingo honetan, “Suerte” izeneko diskoa aurkeztuko du Azkoitian, taldearen hirugarren estudioko lana, alegia.

Diskoa ekainean grabatu zuten eta taldearen hitzetan “zorte handia” izan da eta “izugarrizko ikaskuntza”. Yoni Camachok, David Escuderok, David Bernardezek eta Jose Luis Jimenezek osatzen dute formazioa.

Tags:

Udaleko Merkataritza arloak eta Herrixen merkatari elkarteak  Gabonetako Erakusleiho Lehiaketa abiatu dute. Egitasmoak tokiko merkataritza txikia bultzatzea du helburu, eta baita, Gabon giroa piztea ere. Horregatik, saltokiei lehiaketan parte hartzera animatzeko deia luzatzen die Udalak.
Aurtengoa lehiaketaren 26. edizioa izango da. Parte hartu nahi duten establezimenduek gaurtik 9ra bitartean eman beharko dute izena udaletxeko Herritarren Arreta Zerbitzuan edota Herrixen elkartearen bulegoan (Kultur Etxeko lehenengo solairuan). Halaber, Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidera idatzita ere eman daiteke izena.

Tags:

San Andres eguna borobiltzeko Kontzejupean pilota izan da jaun eta jabe gaur arratsaldean. XLVII. Kontzejupeko Pilota Txapelketaren finalak jokatu dira, Oteiza pilota elkartearen eskutik. Aurtengo txapelketak baditu irabazleak. Javier Zubizarreta alkateak eta Kiroletako zinegotzi Angel Martinek hartu dute parte sari banaketan, pilota munduari izena eta izana eman dioten hainbat ordezkarirekin batera. Ikusmina sortu dute partidek eta gerturatu direnek ederki gozatu dute. Horra irabazleak:

Sekulako parte-hartzea izan da Txuri Urdin Elkarteak antolatutako Marrazki Lehiaketan. Urteroko ohiturari jarraituz, aurten ere lehiaketa egin da, eta 700 haur eta gaztetxo inguruk hartu dute parte. Horra, kategori bakoitzean sarituak suertatu diren hirurak, lehenengotik hirugarrenera:

Eguraldia lagun, dotore doa San Andres eguna. Herriko plazaren bueltan bildu da jendea, jarritako postuen inguruan. Usadioari jarraituz, taloa eta txistorra eskuetan, baserritar jantziak soinean dituztela atera dira kalera asko eta asko. Gozatzeko eguna da gaurkoa Azkoitian eta halaxe ari dira bizitzen herritarrak. Ikusi iruditan goizak eman duena. 

Al Ar Az Og Or Lr Ig
2
3
4
5
© 2019 Azkoitiko Udala. Lege oharra