Corrugados Azpeitiako langileek aurkeztutako idatziarekin bat egin dute Azkoitiko Udaleko ordezkari guztiek Bozeramaileen batzordean, eta enpresa ez isteko eskatu dute. Honako adierazpen hau onartu du Udaleko bozeramaileen batzordeak:

- Azkoitiko Udalak bere elkartasuna adierazten die Corrugados Azpeitia enpresako langilei.
- Azkoitiko Udalak, enpresaren itxierak eskualde zein herri honen biztanleentzat ekar dezaken kaltea kezka haundiz ikusten du eta, horregaitik, enpresak lanpostuak manten ditzan, itxieraren aurka agertzen da.
- Azkoitiko Udalak, enpresari itxieraren erabakia bertan behera utz dezala eta negoziazioarekin jarrai dezala eskatzen dio.
- Azkoitiko Udalak, egoera larri honi irtenbide on bat lortzeko saiakerak egingo ditu eta, horretarako, beste instituzioetan, hau da, Gipuzkoako Aldundian eta Eusko Jaurlaritzan, behar diren gestioak egiteko konpromisoa hartzen du.
- Azkoitiko Udalak, enpresa zabalik mantentzeko eta lanpostuak defendatzeko langileek egin behar dituzten ekimen sindikalak eta sozialak egin ditzaten bere esku dagoen laguntza logistikoa eta materiala emateko konpromisoa hartzen du.
- Azkoitiko Udalak, apirilaren 20an, itxieraren aurka eta lanpostuen aldeko helburuekin Azpeitian egingo den manifestazioarekin bat egiten du.
- Azkoitiko Udalak, hartutako erabaki hauen berri helaraziko die herritarrei eta, era berean, Alfonso Gallardo Taldeko zuzendaritzari, Enpresa Batzordeari, Gipuzkoako Aldundiari eta Eusko Jaurlaritzari.

Santa Klara komentutik Ugarte igerilekuraino doa errepidea itxita egongo da gau arratsaldetik ostegun eguerdira bitartean, gune horretan egin diren etxe berrien inguruko azken lanak direla eta.

'Gazte informazioa zure alde', horixe da gaur ospatzen den Gazteentzako Informazioaren Europako Egunean Azkoitiko Gazte Informazio Bulegoak aldarrikatu nahi duena. Gazte Buelgoak bat egin du Gazteentzako Informazioko eta Aholkularitzako Europako Agentziak (ERYICA) sortutako ekimenarekin. Europa osoan, Gazteentzako Informazio Zerbitzuak ezagutzera ematea da helburua. Azkoitiko Gazteentzako Informazio Bulegoan aukera hau aprobetxatu nahi du gazteen eskura dituen zerbitzu eta produktuak ezagutzera emateko. Horrela, www.artxamendi.com webgunean enplegua, aisia, ikastaroak, bekak, etxebizitza, eialdiak eta beste gai interesgarri batzuei buruzko informazioa aurkitu ahal izango dituzu. Era berean, www.gipuzkoangazte.info Gipuzkoako Gazte Informazio Sarearen webgunean ere behar duzun informazio guztia aurki dezakezu.

 

Urola Erdiko Enplegu Planaren barruan, eta Lanbidek finantziatuta, eskualdeko langabetuei zuzenduriko formakuntza espezializatua antolatu du Loiola Berrikuntzak Mondragon Unibertsitatearekin elkarlanean. Ikastaro horietako bat "IKT: Web Aplikazioen Garapena" izenpean eskainiko da, maiatzaren 7an hasi eta ekainaren 20ra bitartean, astearte eta ostegunetan, 09:00etatik 14:00etara. Ikastaro honetan parte hartzeko ezinbestekoa da langabetua eta Urola Erdian erroldatua izatea (Azpeitia, Azkoitia, Errezil, Aizarnazabal, Zestoa edo Beizaman), eta goi-mailako ikasketak izatea informatika eta komunikazioan edo ingenieritza informatikoan. Partehartzaileen hautapenerako elkarrizketak egingo dira. Izena emateko epea irekita dago, maiatzaren 3ra arte, eta interesatuek Azpeitiko Lanbideko bulegoarekin jarri beharko dute harremanetan (943 023 820) . http://www.lanbide.net/plsql/

 

Azkoitia eta Munategi Santa Kutzetik lotzen dituen errepidea zabalik dago jada. Luizi baten ondorioz hilabete inguru itxita egon ostean, garbitu dute errepidea eta dagoeneko normal erabili daiteke.

Bihar (larunbata) duatloia jokatuko da herrian, eta hori dela eta, aldaketa txiki batzuk egongo dira autobus geltokietan: 15:30etik 18:00etara Altzibar eta San Martingo geltokietan ez da geldituko autobusik, gainerako geltokietan bai.

Hondakinen lan taldearen bigarren saioa izan zen atzo. Bertan, Imanol Azpiroz GHK-ko administrazio kontseiluko kide eta Sanmarko mankomunitateko presidente ohiak Gipuzkoako diputazioak datozen urteetan lurraldean martxan jarri nahi duen hondakinen kudeaketa sistema azaldu zuen, bilketa masiboaren eta gaiakako bilketaren arteko ezberdintasunak nabarmenduz. Gipuzkoan batez beste, hondakinen %30a soilik bereizten dela nabarmendu zuen Azpirozek, eta hori orain arte hondakinen bilketa masiboa sustatu delako izan dela adierazi zuen. Horren aurrean, Diputazioak, prebentzioan, berrerabilpenean, berziklapenean oinarritutako gaikako sistema baten alde egin duela esan zuen,  bai osasunarentzat, bai, ingurumenarentzat eta baita ekonomikoarentzat ere hobea zelako.

 

Aingeru kaleko 30.ean dagoen eraikin berriko sei prezio itunduko etxebizitza libre erosteko esleipen prozedura hasi da. Etxebizitza horietako bat erosi nahi duenak baldintza batzuk bete behar ditu eta izena eman behar du aurrena Azkoitia Lantzen S.A.ren bulegoan (943 85 71 51). Horretarako epea jada ireki da eta maiatzaren 7ra arte egongo da zabalik (astelehenetik ostiralera, 08:00etatik 15:00era). Informazio gehiago: hemen.

 

Al Ar Az Og Or Lr Ig
26
27
28
29