Gipuzkoako Foru Aldundiak lurraldean sustapen ekonomikoa bultzatzeko plan bat prestatzen ari da eta plan hori aurkezten izan da aste honetan Intsausti Jauregian. Bilera horretan, Diputazioko Lurralde Garapen eta Berrikuntzako arduradunak eta Gipuzkoako garapen agentzia ezberdinetako ordezkariak bildu dira, eta Aldundiaren proposamen zirriborroa aztertu dute. Helburua da proposamen hori eragile guztien artean landu, ekarpen zein bestelako iradokizunak jaso eta elkarlanean plan definitibo bat egitea, krisi ekonomikoaren aurrean, ahalik eta neurri eraginkorrenak hartzeko. Iraurgi Berritzeneko ordezkariak ere bertan izan ziren, euren ekarpenak egiten.

`Gure inguruari begirada bat' argazki lehiaketako irabazleen lanak ikusteko erakusketa zabalduko du Udalak ostiralean (hilak 21), Torre Zurin. Erakusketa otsailaren 21, 22, 23 28, martxoak 1 eta 2an egongo da ikusgai, ohiko ordutegian.

Juan Mari Ibarzabal, Iñigo Olarte, Iñaki Aranburu, Valen Garcia, Angel Olabarria, Mikel Zengotita, Juan Luis Odriozola, Iñigo Manterola, Javier Beristain eta Luis Llavoriren lanak egongo dira ikusgai, eurak izan baitira lehiaketaren irabazleak. 'Naturaren ikuskizuna' gaia buruan hartuta ateratako argazkiak dira.

Herrixen Azkoitiko merkatarien elkartean urtero egiten duen Outleta otsailaren 22 eta 23an egingo da, Elkargunean. Ordutegia honakoa izango da: larunbatean, 10:00-14:00 /16:00-20:00 eta igandean 10:00-14:00 / 16:00-19:00. Umeentzat zaintza zerbitzua ere egongo da.

Aztarna ekologikoa, hori da aurtengo ikasturtean Azkoitiko ikastetxeetan Eskolako Agenda 21en barruan lantzen ari diren gaiaEnergiaren, mugikortasunaren edota kontsumoaren inguruan hausnartuko dute, besteak beste, eskola eta herria jasangarria izateko ahaleginetan. Agenda 21 programaren helburua ikasleenga ingurugiroaren aldeko kontzientzia eta ohitura desberdinak sustatzea da, eta asmo horrekin Lehen Hezkuntzakoek garraioa, ura eta energiaren kontsumoaren inguruan lan egingo dute, eta Bigarren Hezkuntzan Azkoitiko aztarna hidrikoa eta energetikoa aztertuko dute.

 

Iraurgi Berritzeni 200.000 euro ordaindu beharko dizkio Espainiako gobernuak. Hala agindu du Espainiako Audientzia Nazionalak. Izan ere, bere garaian Mariano Raxoi presidente izendatu berriak garapen agentziari kendu egin zion laguntza hori, eta erabaki horren aurkako epaia iritsi da orain. Azpeitiko eta Azkoitiko alkateak diren Eneko Etxeberria eta Pello Bastarrikak, agerraldia egin zuten atzo, Iraurgi Berritzeneko zuzendaria Begoña Beobiderekin batera, ebazpenaren berri emateko.

 

Ate joka datoz inauteriak eta Udala ari da dagoeneko festa prestatzen. Helduen mozorro lehiaketa eta taberna apainketa lehiaketa martxoaren 1 gauena egingo dira, eta parte hartu nahi dutenek dagoeneko eman dezakete izena, udaletxeko harrera bulegoan. Izena emateko azkeneko eguna otsailaren 28a da, eta parte hartzeko ezinbestekoa izango da 16 urtetik gora izatea. 

Gaztien Herrixe, moiu ipurdixe! partaidetza ekimena martxan jarri berri du Azkoitiko Udalak, herriko gazteekin elkarlanean, gobernu irekiaren filosofiaren barruan: "Asmo horrekin jarri genuen martxan Danon Herrixe prozesua orain bi urte, eta bide hori sendotu nahi dugu orain, gazteekin. Konturatu gara gazteen egoera eta joerak aldatu egin direla, orain gehienak lokaletan biltzen direla, eta guk, erakundeok, gazteekiko politikak egiterakoan, egoera berrira egokitu behar dugula. Gazteek zer pentsatzen duten eta zer behar duten entzun eta eurei dagozkien kontuak nola kudeatu eurekin batera erabaki nahi dugu", hala laburbildu du Agurtzane Epelde Gazteria Saileko zinegotziak. Azkoitiko gazteen egungo egoeraren inguruko diagnostiko bat egitea da helburua, gero horren araberako politikak diseinatzeko, beti ere gazteekin elkarlanean. Horregatik, gazteen beharrak, kezkak, iritzia eta ekarpenak biltzeko afari topaketak antolatu dituzte martxoaren 14 eta 28rako.

 

Espainiako Gobernuak egin nahi duen abortuaren erreforma aho batez errefusatu dute Azkoitiko udalbatzako kide diren alderdi guztiek. Hemen zinegotzi guztiek aho batez onartutako mozioa.
Al Ar Az Og Or Lr Ig
26
27
28
29