Azkoitiko Odol Emaileen Elkarteak urtero antolatu ohi du aitortza ekitaldia odol emaileen elkartasuna eta altruismoa txalotzeko. Hitzorduaren helburua da egiten duten ekarpen sozialarengatik omenaldia egitea. Gaurkoan 47 gizon eta emakume izan dira omenduak, odola 25 aldiz eman dutenetatik hasi, eta 100 aldiz ematera iritsi direnen arte. Elkargunean izan da ekitaldia, Luis Arregi Ispisu, Mikel Arregi eta Juanjo Ruiz de Azua, elkarteko hiru kideak, buru direla. Bertan izan dira Ana Azkoitia alkatea eta Gizarte Zerbitzuetako zinegotzi Sonia Vazquez. Alkateak eskertza hitzak izan ditu taldearentzat eta emaileentzat.

Atzo arratsaldeko ezohiko osoko bilkurak 2024rako aurrekontuak onartu zituen. Udal gobernua osatzen duen alderdiak, EAJk, aldeko botoa eman zuen, eta oposizioko hiru taldeak, EH Bildu, Azkoitia Bai eta PSE-EE, abstenitu egin ziren bozketan.
Atzo onartutako aurrekontu bateratua 23.385.136€-koa da. Aurrekontu bateratuak erakunde publikoak barne hartzen ditu. Azkoitiko kasuan, Zubiaurre Elkarguneak 1.149.500,00€-ko aurrekontua izango du, eta Azkoitia Lantzenek 5.098.136€-koa. Azken kopuru horren zati handiena Txalonerreka eta Altamira arteko errepidea eraikitzeko erabiliko da. Udalaren aurrekontu propioa, berriz, 18.188.000€-koa da.

Eskolako Agenda 2030 egitasmoaren baitan, Lehen Hezkuntzako ikasleak Gabonetako argien inguruko ikerlana burutzen ari dira, eta gaur goizean udaletxean izan dira ikasleen ordezkariak, Ana Azkoitia alkateari egiten ari diren lanketaren berri zuzenean emateko. Xabier Munibe Ikastolako, Floreaga Ikastetxeko eta Bizilore Eskola Aktiboako haurrak izan dira udaletxean.

Tags:

1. 2024 ekitaldirako Azkoitiko Udala, San Jose Egoitza, Zubiaurre-Elkargune Institutua, Azkoitia Lantzen, S.A.ren aurrekontuak eta Aurrekontu Kontsolidatuaren hasierako onespena.

2. 2024 ekitaldirako Azkoitiko Udaleko langileen plantillaren eta lanpostu zerrendaren hasierako onespena.

3. 2023-2025 Azkoitiko udaleko dirulaguntzen Plan Estrategikoa 2024ko aurrekontura egokitzea.

4. Azkoitiko Udala UEMA Mankomunitatera atxikitzea eta bere estatutuak onartzea. 

Ingurumen Mahaiaren ekimenez, elikadura burujabetzaren inguruko saioa antolatu da, Udalarekin elkarlanean. Jardunaldia datorren astelehenean, abenduaren 18an izango da, 18:00etan Elkargunean.
Saioa “Zure platerean hasten da mundua” dokumentalaren emanaldiarekin hasiko da. Landarlan Ingurumen Elkarteak eta On Produkzioek ekoitzi dute dokumentala, agroekologia abiapuntutzat hartuta, elikaduraren inguruko ikuspegia zabaltzeko xedez. Egitasmoaren helburua da gure elikadura eta kontsumo ohituren gaineko hausnarketa sustatzea.

Solasaldirako gonbidatuak: Artxara Kooperatiba eta Zabaleta baserria

Dokumentalaren emanaldiaren ostean, solasaldirako tartea irekiko da. Horretarako, Azpeitiko Elikagunea kudeatzen duen Artxara Kooperatibako ordezkaria den Xabier Izagirre eta Azkoitiko Zabaleta baserriko Edurne Osa ogi-ekoizlea gonbidatuko dira euren esperientziak parteka ditzaten.
Saioa irekia da eta Udalak eta Ingurumen Mahaiak herritarrak parte hartzera gonbidatzen ditu.

Tags:

Azkoitiko Udalak landa-lurzoruko sailak mugatzeko lanekin jarraitzen du. 10, 11, 12, 15, 16 eta 17 poligonoetan mugarritze lanak burutu ostean, udalerriko 18, 22, 23 eta 24 eremuetako lurzoruetan jarraituko da lanketa, Geograma enpresaren eskutik.
Landa jabetzen inguruko ezezagutzak edo ahazteak jabe eta oinordekoen aldetik, mugak nahasgarriak izatea edota desagertzea dakar askotan. Ondorioz, mendia ez da zaintzen, landa munduarentzat ondorio larriak eraginez.

Tags:

Musika eta ikuskizunak dira nagusi, Udalak aurkeztu duen Gabonetako egitarauan, haur eta gaztetxoei zuzenduriko kultur proposamen, parke eta tailerrekin batera. Kultura eta Gazteria sailek, eta Herrixen Merkatari Elkarteak bat egin dute adin tarte ezberdinen gustuak aseko dituen eskaintza osatzeko.

Tags: ,

Lanbidek diruz lagunduta, Udalak Gizarte Langilea kontratatuko du sei hilabeterako. Lan eskaintzan izena emateko epea abenduaren 15era arte luzatu da. Lanbideren web orrian eman beharko da izena. Lan eskaintzaren erreferentzia 162023014336 da.
Bete beharreko baldintzak dira:

Al Ar Az Og Or Lr Ig
26
27
28
29