Triki Girok eta Udalak, Azkoittiko Tabernaixek lagunduta, III. Trikiti Egune antolatu dute larunbaterako, maiatzaren 25erako. Aurten, gainera, sekula baino egitarau zabalagoarekin dator eguna, beraz, trikiti zaleek izango dute zertaz gozatua.
Ostirala, maiatzaren 24a, beteta dator. 19:00etan, trikitiaren inguruko erakusketa inauguratuko da Portaleburu Eraskusketa Aretoan. Antolakuntzako kide Ibon Errazuren hitzetan, “argazkiak, liburuak, txapelak edota diskoak bilduko ditu erakusketak” trikitiaren ibilbidearen lekukotza eskainiz. Erakusketa ostiralean 19:00etatik 20:00etara bisitatu ahalko da, larunbatean, hilaren 25ean, 12:00etatik 14:00etara eta 18:00etatik 20:00etara, eta igandean, 12:00etatik 14:00etara.

Urolako Komunikazio Taldeak Guka marka bateratua aurkeztu du gaur erakundeetako ordezkarien aurrean, eta guztira, 70 lagunetik gora bildu dira ekitaldian. Bertan izan da Ana Azkoitia alkatea beste hainbat udal ordezkarirekin batera, orain arte egin bezala, irekitako aldi berri honetan, komunikazio taldeari babesa ematen jarraitzeko.

Duela bost urte sortu zen Urolako Komunikazio Taldea kooperatiba, komunikazioaren digitalizazioari osotasunean erantzun ahal izateko, eta txikien arteko indarrak batzeko. Izan ere, orain Guka izango dena, euskarri ezberdinetako hainbat hedabidek osatzen zuten orain arte: Azpeitiko Uztarriak, Azkoitiko Maxixatzenek, Zumaiako Baleikek, Zarauzko Hitzak, Orio nahiz Aiako Karkarak, Urola Kostako Hitzak eta Erlo Telebistak.

Udalak gogorarazi du haurren danborradan erabilitako jantziak entregatzeko azken eguna datorren ostirala, maiatzaren 24a dela. Jantziak udaletxeko sarreran dagoen kaxan utzi beharko dira, poltsa batean sartuta, eta poltsan haurraren izen-abizenak ipinita.
Udaletxeko ordutegia da astelehenetik ostiralera 7:30etik 15:30era.

Azkoitia BHIko eta Floreaga ikastetxeko ikasleek “Don’t be Dummy. Zuk ez duzu ordezkorik” bide segurtasun programan hartuko dute parte bihar. Eusko Jaurlaritzako Segurtasun sailak sustatuta, programaren helburua da gazteak bide-segurtasunean, gidatze arduratsuan eta zirkulazioko istripuen prebentzioan sentsibilizatzea. Azkoitiko Udaltzaingoak ere parte hartuko du saioan. Bihar, 14:30ean izango da saioa Baztartxo Antzokian.

Gipuzkoako Urak-ek eta Udala herriko ur azpiegiturak etengabe hobetzen jarraitzeko duten konpromisoaren baitan, egun hauetan Guardia kalean lanak burutzen ari dira.
Ur ihesak saihesteko, hoditeria berritzen ari dira Guardia kaleko 15 eta 17 zenbakien artean.
Lehen zegoen hoditeria burdin galvanizatukoa zen, eta orain jarritako berriz, polietilenozkoa.
Gainera, hoditeria orokorra eraikin azpitik zihoan, eta jarduketari esker, segurtasun-giltza bebarru bakoitzaren kanpoaldean ipiniko da.

Gaur, maiatzaren 17a, Homofobia, Lesfobia eta Transfobiaren kontrako Nazioarteko Eguna dugu. Udaleko EAJ/PNV, EH Bildu eta PSE-EE alderdiek ondorengo adierazpena egin dute LGTBIfobiari aurre egiten, eta pertsona guztien eskubideak defendatzen jarraitzeko aldarrikatuz:

1990eko maiatzaren 17an, Munduko Osasun Erakundeak (MOE) homosexualitatea ezabatu zuen buruko gaixotasunen zerrendatik. Gertaera hori mugarri historikotzat jo dezakegu orain, eta urrats garrantzitsua da sexu- orientazioa eta -identitatea gure gizartean ematen den aniztasunaren parte bat dela onartzen hasteko. Duela hamarkada bat baino gehiagotik, beraz, maiatzaren 17a da LGTBI pertsonen kontra (lesbianak, gayak, bisexualak, transak eta intersexualak) zuzendutako gorroto eta indarkeria mota guztien aurkako Nazioarteko Eguna.

Iraurgi Berritzen, Enplegu Arlotik, Urola Erdian langabezia murriztu eta enplegua sustatzeko helburuarekin azken urtetan ekintza lerro desberdinak ari da garatzen eskualdeko eragileekin lankidetzan. Horien artean, zaurgarritasun egoeran edo arriskuan aurkitzen diren langabetuei zuzenduriko “Urola Erdian ElkarEkin Eraginez III - UE3” proiektua aurkitzen da. Horren helburu nagusia zailtasun egoerak dituzten pertsona langabetuei gizarteratzeko eta laneratzeko ibilbide egokituak eta eraginkorrak eskaintzea da.

Euskadiko Orkestrako lau musikarik, Laura Balboak, Larraitz Oiartzabalek, Maite Abasolok eta Gabriel Mesadok osatutako Xarma Laukoteak eskainiko du 32. Udaberriko Musikaldiko hirugarren kontzertua. Datorren larunbatean izango da, maiatzaren 18an, 18:30ean, Santa Kutz komentuan.
Taldea osatzen duten lau musikarietatik hiruk biolina joko dute eta laugarrenak, biolontxeloa. M.Canales eta D.Schubert konpositoreen obrak joko eskainiko dituzte.

Al Ar Az Og Or Lr Ig
26
27
28
29